Swollen Feet Or Ankles (ခြေထောက်၊ ခြေကျင်းဝတ်ဖောခြင်း)

Swollen Feet Or Ankles (ခြေထောက်၊ ခြေကျင်းဝတ်ဖောခြင်း) အကြောင်းလေး လေ့လာလိုက်ရအောင်နော်။

အဓိပ္ပါယ်ဖွင့်ဆိုချက်

Swollen Feet Or Ankles (ခြေထောက်၊ ခြေကျင်းဝတ်ဖောခြင်း) ကဘာလဲ။

ခြေကျင်းဝတ်တွေ ခြေထောက်တွေရောင်နေခြင်းဟာ ထိုနေရာတွေမှာ အရည်တွေစုနေခြင်းကြောင့်ဖြစ်ပြီး ဒဏ်ရာကြောင့်မဟုတ်ပါက မနာကျင်ပါဘူး။

ခြေထောက်၊ ခြေကျင်းဝတ်ဖောခြင်းက ဘယ်လောက်အဖြစ်များသလဲ

အလွန်အဖြစ်များပြီး အရွယ်မရွေးဖြစ်နိုင်ပါတယ်။ ဖောခြင်းဖြစ်စေတတ်သော အချက်တွေကို လျှော့ချခြင်းဖြင့် ထိန်းသိမ်းရှောင်ကြဉ်နိုင်ပါတယ်။ အသေးစိတ်အချက်အလက်များအတွက် ဆရာဝန်နဲ့တိုင်ပင်ဆွေးနွေးနိုင်ပါတယ်။

လက္ခဏာများ

ခြေထောက်၊ ခြေကျင်းဝတ်ဖောခြင်းရဲ့ လက္ခဏာတွေကဘာတွေလဲ

ဖြစ်လေ့ရှိသောလက္ခဏာတွေကတော့-

• နှလုံး၊ ကျောက်ကပ်၊ အသည်းရောဂါများရှိပါက ဖောခြင်းရောင်ခြင်းခံစားရတတ်ပါတယ်။
• ဖောနေသောနေရာမှာ နီရဲနေပြီး ထိကြည့်ပါက ပူနွေးနေနိုင်ပါတယ်။
• ကိုယ်အပူချိန်ကပုံမှန်ထက်ပိုမြင့်နေတတ်တယ်။
• ကိုယ်ဝန်ဆောင်ချိန်မှာလည်း ရုတ်တရတ်ဆိုးဆိုးရွားရွား ဖောရောင်လာတတ်ပါတယ်။
• အိမ်တွင်းကုနည်းများသုံးသော်လည်း အသုံးမဝင်ဘဲပိုဆိုးလာတာမျိုးကြုံရနိုင်ပါတယ်။

တခြားလက္ခဏာတွေအနေနဲ့

• ရင်ဘတ်မှာ နာကျင်နေ၊ တင်းကြပ်နေခြင်း
• မူးခြင်း
• ဝေဝါးခြင်း
• အသက်ရှူရခက်ခြင်း

ဖော်ပြထားတဲ့လက္ခဏာတွေအပြင် တခြားလက္ခဏာတွေလည်းရှိနိုင်တာကြောင့် သိလိုသည်များရှိပါက ဆရာဝန်နဲ့တိုင်ပင်နိုင်တယ်။

ဘယ်အချိန်မှာ ဆရာဝန်နဲ့ သွားရောက်တွေ့ဆုံသင့်သလဲ

ခြေထောက်တွေမှာ ဖောခြင်းဟာ စိတ်ပူစရာအခြေအနေတစ်ခုတော့မဟုတ်ပေမယ့် တခါတလေမှာတော့ ပြင်းထန်တဲ့ရောဂါတစ်ခုခုရဲ့ လက္ခဏာလည်းဖြစ်နေနိုင်ပါတယ်။

ဒါကြောင့်အထက်ပါလက္ခဏာတွေပါခံစားရတယ်ဆိုရင်တော့ ဆရာဝန်နဲ့ချက်ခြင်းပြသင့်ပါတယ်။

အကြောင်းရင်းများ

ခြေထောက်၊ ခြေကျင်းဝတ်ဖောခြင်းကို ဘာတွေကဖြစ်စေသလဲ

ခြေကျင်းဝတ်၊ ခြေထောက်တွေ ဖောရခြင်းအကြောင်းတွေ အများကြီးရှိနိုင်ပါတယ်။ အများအားဖြင့်တော့ တချို့သော နေထိုင်မှုပုံစံတွေကြောင့်ဖြစ်လာတတ်တယ်၊ ဥပမာ-

• အဝလွန်ခြင်းဟာ သွေးလှည့်ပတ်မှုကို လျော့ကျစေပြီး ခြေထောက်၊ ခြေကျင်းဝတ်မှာ သွေးတွေပုံစေပါတယ်။
• အချိန်ကြာမတ်တပ်ရပ်ခြင်း၊ ထိုင်နေခြင်းတွေဟာလည်း ကြွက်သားတွေမလှုပ်ရှားတာကြောင့် သွေးတွေကိုပြန်တွန်းမပို့ပေးနိုင်တာဖြစ်နိုင်တယ်။

တချို့သောဆေးတွေကြောင့်လည်း ဖောနိုင်ပါတယ်။

• စတီးရွိုက်
• ကျား/ မဟော်မုန်းဆေးများ
• စိတ်ဓါတ်ကျလျှင်သောက်ရသောဆေးများ
• စတီးရွိုက်မပါသော အရောင်ကျဆေး၊ အကိုက်အခဲပျောက်ဆေး

ဒါ့အပြင်ထိုဆေးတွေဟာ သွေးပျစ်စေပြီး သွေးလှည့်ပတ်မှုလျော့ကျစေတာကြောင့် ခြေထောက်တွေမှာ ဖောစေတတ်ပါတယ်။ တကယ်လို့ သင်သောက်နေတဲ့ဆေးကြောင့် ဖောရောင်လာရတယ်ထင်ရင် ဆရာဝန်နဲ့သေချာပြန်တိုင်ပင်ကြည့်ပါ။ မတိုင်ပင်ဘဲ မိမိသဘောနဲ့ ဆေးရပ်မပစ်ပါနဲ့။

တခြားဖြစ်နိုင်ခြေရှိတဲ့ အကြောင်းတွေကတော့-

ဖြစ်နိုင်ခြေများ

ခြေထောက်၊ ခြေကျင်းဝတ်ဖောခြင်း ဖြစ်နိုင်ခြေကို ဘာတွေက မြင့်တက်စေသလဲ

ဖောခြင်းကိုအားပေးတတ်သောအချက်များ

• အသက်အရွယ်
• ကိုယ်အလေးချိန်များခြင်း
• ကိုယ်ဝန်ရှိခြင်း၊ ကိုယ်ဝန်ဆိပ်တက်ခြင်း၊
• အသည်းခြောက်ခြင်း၊
• ပြန်ရည်ကြောအဖွဲ့အစည်းရောင်ခြင်း၊
• နှလုံးအမြှေးဖုံးရောင်ခြင်း

ရောဂါအဖြေရှာခြင်းနှင့် ကုသမှု

ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.

Swollen Feet Or Ankles (ခြေထောက်၊ ခြေကျင်းဝတ်ဖောခြင်း)ကို ဘယ်လိုအတည်ပြုပါသလဲ

ဆရာဝန်က စမ်းသပ်မှုများလုပ်ပြီး လက္ခဏာများနဲ့ပတ်သတ်လို့ မေးမြန်းပါလိမ့်မယ်။

ဖောရခြင်းအကြောင်းအရင်းကိုသိဖို့အတွက်တော့ အောက်ပါစစ်ဆေးမှုထဲမှာ တစ်ခု သိုမဟုတ့် တစ်ခုထက်ပိုပြီး လုပ်ခိုင်းနိုင်ပါတယ်။

သွေးစစ်ဆေးမှု

ဓါတ်မှန်

အယ်လ်ထရာဆောင်း

အီးစီဂျီ

ခြေထောက်၊ ခြေကျင်းဝတ်ဖောခြင်းကို ဘယ်လိုကုသပါသလဲ

တကယ်လို့ဖောခြင်းဟာ သာမန်နေထိုင်မှုပုံစံ၊ ထိခိုက်မှုသေးသေးကြောင့်ဖြစ်ပါက သာမန်အိမ်တွင်းကုသမှုပုံစံတွေလောက်သာ အကြံပေးနိုင်ပါတယ်။

တကယ်လို့ တခြားရောဂါအခြေအနေတစ်ခုခုကြောင့်ဖြစ်နေရင်တော့ ထိုအခြေအနေကို ကုသဖို့လုပ်ရပါမယ်။ ဆီးဆေးလိုဆေးမျိုးနဲ့ ကုသနိုင်ပါတယ်။ ဒါပေမယ့် ဘေးထွက်ဆိုးကျိုးတွေရှိတတ်တာကြောင့် သာမန်အိမ်တွင်းကုနည်းနဲ့ မရမှသာ သုံးသင့်ပါတယ်။

နေထိုင်မှုပုံစံ၊ အိမ်တွင်းကုထုံးများ

• လှဲနေစဉ်မှာ ခြေထောက်ကို နှလုံးအထက်ရောက်အောင် မြှောက်ထားပါ။ ခေါင်းအုံးဖြစ်ဖြစ်ခံထားလို့ရပါတယ်။
• လှုပ်လှုပ်ရှားရှားနေပါ၊ ခြေထောက်ကိုလှုပ်ရှားပေးနေပါ။
• ဆားလျှော့သုံးပါ၊ သင့်ခြေထောက်မှာ သွေးများ၊ အရည်များပုံခြင်းကိုသက်သာစေပါလိမ့်မယ်။
• ပေါင်တဝိုက်မှာတင်းကြပ်သော အဝတ်များဝတ်ခြင်း ရှောင်ပါ။
• ကျန်းမာရေးနှင့်ညီညွတ်သော ကိုယ်ခန္ဓါကိုထိန်းသိမ်းထားပါ။
• ဖောသောနေရာတွင် အသားကပ်ခြေအိတ်လို တင်းကြပ်စေသောခြေအိတ်မျိုးဝတ်နိုင်ပါတယ်။
• နာရီတိုင်း မတ်တပ်ရပ်ပေး၊ လှုပ်ရှားလမ်းလျှောက်ပေးပါ။ (အထူးသဖြင့်အချိန်ကြာမတ်တပ်ရပ်၊ ထိုင်နေရပါက)

သိလိုသည်များရှိပါက သင့်အတွက်အကောင်းဆုံးအဖြေကိုရရန် ဆရာဝန်နှင့်သေချာဆွေးနွေးတိုင်ပင်နိုင်ပါတယ်။