လူကြီးများအတွက် အိမ်သာရွေးချယ်နည်း
အသက်ကြီးတဲ့ ဘိုးဘိုးဘွားဘွားတွေအတွက် အိမ်သာရွေးချယ်ရတာက အနည်းငယ် ခက်နိုင်ပါတယ်။ လူကြီးတွေက ဝရင်ဝ၊ မဝရင်လည်း ဒူးတွေ မကောင်းကြတော့ပါဘူး။ ဒါ့ပြင် အသက်ကြီးလာတာနဲ့အမျှ အူလှုပ်ရှားမှု နည်းလာတာ၊ သွားမကောင်းလို့ အသီးအရွက်တွေ မဝါးနိုင်တော့တာ စတာတွေကြောင့် ဝမ်းလည်း ချုပ်လာကြပါတယ်။
ဒီတော့ အိမ်သာရွေးရတာ အခက်အခဲရှိနိုင်ပါတယ်။ အထိုင်အထမကောင်းလို့ ဘိုထိုင်အိမ်သာရွေးမလား။ ဝမ်းချုပ်လွယ်လို့ မြန်မာထိုင်အိမ်သာရွေးမလားဆိုတာ စဉ်းစားစရာဖြစ်နိုင်ပါတယ်။
အကြံပေးရရင် ဘိုထိုင် အိမ်သာ ကို မြန်မာထိုင်ဖြစ်အောင် ပြင်လိုက်ပါ။ ဆိုလိုတာက ဘိုထိုင်အိမ်သာနဲ့ ထိုင်တဲ့အခါ အောက်ကနေ ခွေးခြေလေး ခုထားပါ။ ဒီလိုဆို ထိုင်လိုက်တဲ့အခါ ကိုယ်က ရှေ့ကို အနည်းငယ်ကိုင်းသွားပြီး မြန်မာထိုင်အိမ်သာလိုမျိုး ဖြစ်သွားမှာပါ။
သတိထားရမှာက ထိုင်ပြီးမှ ခွေးခြေပေါ် ခြေထောက်တင်ပါ။ ခွေးခြေပေါ်တက်ပြီးမှ အိမ်သာပေါ် မထိုင်ပါနဲ့။ ချော်လဲတတ်ပါတယ်။ ဒီလိုဆို လူကြီးတွေ အိမ်သာတက်ရ ပိုအဆင်ပြေသွားပါလိမ့်မယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။