မှ အချက်အလက် စစ်ဆေးထားပါသည်။ Aye Thi Mon
ရင်သားအလှပြုပြင်ခွဲစိတ်ခြင်း (Breast augmentation သို့မဟုတ် augmentation mammoplasty) ဆိုတာ ရင်သားရဲ့ အရွယ်အစားကြီးလာဖို့၊ တင်းရင်းလှပစေဖို့ ပုံသဏ္ဍာန်ပြုပြင်ပေးတဲ့ ခွဲစိတ်မှုတစ်မျိုးဖြစ်ပါတယ်။
ခွဲစိတ်မှုမှာ ဆီလီကွန်(silicone)၊ဆားရည် (saline) သို့မဟုတ် တခြားcomposite ရင်သားအတုပစ္စည်းကို ရင်ဘတ်ကြွက်သား သို့မဟုတ် ရင်သားတစ်ရှူးတွေအောက်မှာ ထည့်သွင်းပေးတာဖြစ်ပါတယ်။ အစားထိုးရင်သားအတုတွေရဲ့သက်တမ်းဟာ ပျမ်းမျှအားဖြင့် ၇ နှစ်ကနေ ၁၂ နှစ် အထိ တာရှည်ခံတတ်ပါတယ်။
အမျိုးသမီးတွေ ရင်သား ခွဲစိတ်ရတဲ့ အကြောင်းရင်းတွေကမတူညီကြပါဘူး။ ဒါပေမယ့် ဒီလိုခွဲစိတ်ပြုပြင်သူတွေထဲမှာ ရင်သား ကြီးထွားအောင် အလှခွဲစိတ်ပြုပြင်သူတွေနဲ့ ရင်သားကင်ဆာကြောင့် ခွဲစိတ်ခံရပြီးနောက် ပြန်လည်ပြုပြင်ကြရသူတွေ ပိုများပါတယ်။
အသုံးများတဲ့ ရင်သားအတုကတော့ ဆီလီကွန်ဂျယ်ဖြစ်ပေမယ့်saline အစားထိုးပစ္စည်းဆိုတာလည်း ရှိပါတယ်။ ဘယ်ပုံသဏ္ဍာန်၊ ဘယ်အမျိုးအစားက အသင့်တော်ဆုံးဖြစ်မလဲဆိုတာ ဆရာဝန်ကဆွေးနွေးအကြံပေးမှာဖြစ်ပေမယ့်အောက်ပါအချက်တချို့ကို သိထားသင့်ပါတယ်။
saline ရင်သားအတုထက် ပိုပြီးသဘာဝကျပြီး နူးညံ့တာကြောင့် တွန့်ခေါက်မှုဖြစ်နိုင်ခြေပိုနည်းပါတယ်။Polyurethane အလွှာနဲ့ဖုံးအုပ်ထားတဲ့ပစ္စည်းတွေကcapsular contracture (????) နဲ့ ရင်သားအတုနေရာရွေ့ခြင်း တို့ဖြစ်လာနိုင်ခြေပိုနည်းပါတယ်။ ဒါပေမယ့် ဆီလီကွန်ရင်သားအတုပေါက်ပြဲသွားရင် ရင်သားထဲမှာ ဆီလီကွန်ဂျယ်တွေယိုစိမ့်ပျံ့နှံ့မှု (siliconomas ) အခြေအနေဖြစ်စေနိုင်ပါတယ်။Polyurethane အလွှာဖုံးအုပ်ထားတဲ့ရင်သားအတုတွေမှာ ခဏတာအရေပြားဓါတ်ပြုမှုဖြစ်စေနိုင်ပါတယ်။
အစားထိုးရင်သားအတုက ပေါက်ပြဲလာရင် saline ဆားရည်တွေပျံ့နှံ့မှုကဘေးမဖြစ်စေနိုင်ဘဲ ခန္ဓါကိုယ်က စုပ်ယူသွားမှာဖြစ်ပါတယ်။ ဆီလီကွန်ထက်ပေါက်ပြဲဖို့၊ပြားသွားဖို့ဖြစ်နိုင်ခြေပိုများပါတယ်။ အချိန်ကြာလာတာနဲ့အမျှ တဖြည်းဖြည်းချင်းပြားလာလေ့ရှိတာကြောင့်ဖြစ်ပါတယ်။ တွန့်ခေါက်ခြင်းလည်းဖြစ်လေ့ရှိသလို ဆီလီကွန်လောက် သဘာဝကျတဲ့ခံစားချက်မပေးနိုင်ပါဘူး။
ရင်သားအတုတွေဟာ အသက်အရွယ်ကြောင့်၊ဖြစ်ရပ်အကြောင်းအရာတစ်ခုခုဆီက သက်ရောက်မှုဒဏ်တစ်ခုခုကြောင့်၊ ကင်ဆာခွဲစိတ်မှုလိုမျိုးဆေးကုသမှုတစ်ခုခုကြောင့် ပျက်ယွင်းရတတ်ပါတယ်။ ဒါပေမယ့် ဆီလီကွန်ရင်သားအတုပေါက်ပြဲပျက်ယွင်းမှုတွေက လက္ခဏာပြလာတာကလွဲလို့ တော်ရုံနဲ့ ဘေးအန္တရာယ်မရှိတတ်ကြသလို ဆက်ပြီးဆိုးရွားလာတာမျိုးလည်းဖြစ်ခဲပါတယ်။
ပျက်ယွင်းလာတဲ့ ရင်သားအတုတွေက ကျန်းမာရေးပြဿနာမဖြစ်စေနိုင်ပေမယ့် တချို့မှာတော့ ရင်သားမှာ တင်းနေတဲ့ခံစားချက်ဖြစ်နေတာ၊ ရင်သားအရောင်သို့မဟုတ်အရွယ်အစားပြောင်းလဲလာတာ၊ အနည်းငယ်နေရခက်လာတာ၊ အရေခွံကွာလာတာတွေခံစားရနိုင်ပါတယ်။ တစ်ယောက်နဲ့တစ်ယောက် ခံစားရတဲ့လက္ခဏာချင်းမတူကြပါဘူး။ ဆီလီကွန်ရင်သားအတုပေါက်ပြဲတဲ့အခါ လက္ခဏာသိရှိဖို့ မလွယ်တာကြောင့်MRI သံလိုက်ပုံရိပ်ဖော်စစ်ဆေးမှုနဲ့ပဲ သိရှိနိုင်ပါတယ်။
ရင်သားအလှပြုပြင်ခွဲစိတ်ခြင်း ပြုလုပ်ဖို့ စဉ်းစားနေတဲ့ အမျိုးသမီးတွေက ဒီရင်သားအတုတွေကြောင့်ဘေးကင်းမကင်းကိုမေးခွန်းထုတ်တတ်ကြပါတယ်။ အများစုကတော့ ဒီလိုထည့်သွင်းလိုက်ရင် ဘာတွေရှောင်ရမလဲ၊ ဘယ်လောက်သက်တမ်းကြာကြာခံမလဲဆိုတာကို သိချင်ကြပါတယ်။
လူတွေကြားမှာတော်တော်လေးပြောလေ့ရှိတဲ့အကြောင်းအရာတစ်ခုကတော့ ရင်သားအစားထိုးဆီလီကွန်ကလေယာဉ်စီးရင် လေထုဖိအားနည်းသွားတဲ့အခါ ပေါက်ကွဲတတ်တယ်ဆိုတာပါပဲ။ ဒါဟာမမှန်ကန်ပါဘူးလို့Mythbustersရုပ်သံလိုင်းက သက်သေထူဖော်ပြခဲ့ပါတယ်။လေယာဉ်စီးရင်း ရင်သားမှာ တမျိုးကြီးနေရခက်တာတွေခံစားရတယ်ဆိုတာ ရင်သားအတု ဘယ်အမျိုးအစားမဆို ထည့်သွင်းထားသူတွေဆီက ကြားရတဲ့အကြောင်းအရာဖြစ်တယ်လို့ ရုပ်သံလိုင်းကဆိုပါတယ်။ တကယ်တော့ ဒီခံစားချက်ကလေယာဉ်စီးတဲ့အခါ ရင်ထဲတမျိုးဖြစ်လာလေ့ရှိတဲ့ခံစားချက်ကနေဖြစ်လာတာပါ။ အများစုမှာတော့လေထုဖိအားကပုံမှန်ပြန်ဖြစ်သွားတဲ့အခါ ဒီခံစားချက်က တဖြည်းဖြည်းလျော့ကျသွားတတ်ပါတယ်။ ဒီခံစားချက်က ရင်သားအတုနဲ့မသက်ဆိုင်ပေမယ့်ဖြစ်လာရတဲ့အကြောင်းရင်းကို တိတိကျကျပြောနိုင်ဖို့ ပဟေဠိဖြစ်နေဆဲပါ။
ရင်သားအတုတွေက ခန္ဓါကိုယ်ထဲမှာရှိနေတာဖြစ်တဲ့အတွက် ပုံမှန်အားဖြင့် ကျန်တဲ့ခန္ဓါကိုယ်အစိတ်အပိုင်းတွေနဲ့ တူညီတဲ့အပူချိန်ကို ထိန်းသိမ်းပေးပါတယ်။ ဒါကြောင့် ခန္ဓါကိုယ်ကြီးမှာအေးခဲမသွားသရွေ့တော့ ရင်သားအတုကလည်းအေးခဲသွားမှာမဟုတ်သလို ခန္ဓါကိုယ်အပြင်မှာဖြစ်နေသလောက်လည်း အပူချိန်လွန်ကဲမှာမဟုတ်ပါဘူး။ ခန္ဓါကိုယ်အပူချိန်နဲ့တသားတည်းဖြစ်နေမှာပါ။
ရင်သားအစားထိုးခွဲစိတ်မှုအပြီးမှာအောက်ပါအချက်တွေ အဖြစ်များပါတယ် –
ရင်သားအတုထည့်သွင်းမှုကနောက်ပိုင်းမှာဖြစ်လာနိုင်တဲ့ပြဿနာတချို့ကတော့ –
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Aye Thi Mon
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။