-သွေးဥမွှား အလွန်နည်းနေတဲ့ တချို့သော ရောဂါရှိသူတွေ
– ခွဲစိတ်မှု လုပ်စရာ ရှိပေမယ့် သွေးဥမွှား နည်းနေလို့ သွေးထွက်များနိုင်တဲ့သူတွေ
-ခွဲပြီးပေမယ့် သွေးဥမွှားနည်းနေလို့ သွေးထွက်နိုင်ချေ များတဲ့သူတွေ စတဲ့သူတွေမှာ သုံးရပါတယ်။
သွေး ရည်ကြည် (Fresh frozen plasma )
အရည်သက်သက် အဖတ်သက်သက်လို့ ပြောမယ်ဆိုရင် ဒါလေးက ကျန်ခဲ့တဲ့ အရည်ပေါ့။ သွေးရည်ကြည်လို့ ခေါ်ပါတယ်။ ခဲထားတာပါ။ ပါဝင်တဲ့ ပစ္စည်းတွေကတော့ သွေးတိတ်စေတဲ့ ပစ္စည်းတွေ၊ အယ်လ်ဗျူမင်လို့ ခေါ်တဲ့ အသားဓာတ်တွေ၊ ပဋိဇီဝပစ္စည်း (immunoglobulin)တွေ ပါဝင်ပါတယ်။ သုံးတဲ့နေရာတွေကတော့
-သွေးတိတ်ပစ္စည်း ချို့တဲ့တဲ့ သူတွေ
-ပိုးဝင်ပြီး သွေးမတိတ်တဲ့ ရောဂါတွေ (acute DIC)
-သွေးကျဲဆေး (warfarin) ပမာဏများများ သောက်မိတဲ့သူတွေမှာ သွေးမတိတ်ရင်
-တချို့သော မွေးရာပါ ရောဂါတွေ (Hereditary angioneurotic oedema) မှာလည်း သုံးလို့ ရပါတယ်။
သွေးလှူတယ်ဆိုတာ ကိုယ့်ရဲ့ အသွေးအသားကို လှူဒါန်းတာပါ။ ကိုယ်အသက်ရှင်ဖို့ လိုအပ်တဲ့ သွေးကို သူများဆီ မျှပေးတာပါ။ ဘဝမှာ တစ်ကြိမ် တစ်ခါပဲ သွေးလှူဖူးတယ် ဆိုရင်တောင် ကိုယ့်ရဲ့ သွေးတစ်ထုပ်ကနေ လူ၃ယောက်ကို ကယ်ဆယ်လိုက်တာပါ။ သွေးက ၄လ တစ်ခါ လှူလို့ရပါတယ်။ တစ်နှစ်ကို ၃ခါဆိုတော့ လူ ၉ယောက်ကို သွေးပေးပြီး ကယ်ဆယ်နိုင်ပါတယ်။ အကြိမ်ကြိမ်လှူဖူးတဲ့ သူဆိုရင် ဘယ်နှယောက်ကိုများ ကယ်ပြီးပြီ ဖြစ်လိမ့်မလဲ။ လူဘယ်နှယောက်များ ကိုယ့်သွေးကြောင့် အသက်ဆက်ရှင်သန် ပြီးပြီလဲဆိုတာ တွေးပြီး ပီတိဖြစ်ကြည့်ပါ။ ကိုယ့်မှာလည်း ဒီလို အခွင့်အရေးရှိပါတယ်။ အရွယ်ရောက်ပြီးသား ကျန်းမာတဲ့ ဘယ်သူမဆို သွေးလှူနိုင်ပါတယ်။ လှူလည်း လှူကြပါလို့။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။