Medical marijuana Vs Recreational marijuana
Recreational Marijuana ဟာ ဆေးဘက်ဝင်ဖို့ ဆေးဝါးကုသရေးမှာ အသုံးပြုဖို့ဆိုတဲ့ ဦးတည်ချက်လုံးဝမရှိပဲ မူးယစ်ဆေးဝါးအဖြစ် အသုံးချဖို့ ရည်ရွယ်ထားတဲ့အရာဖြစ်ပါတယ်။ ဆေးဘက်ဝင်မှုထက် THC က ပိုမိုများပြားနေတာမို့ စွဲလမ်းမှုကို ပြင်းပြင်းထန်ထန်ဖြစ်စေတဲ့အရာပါ။
THC ဟာ ကင်ဆာဖြစ်ပေါ်စေတဲ့ ကျူမာအကျိတ်တွေကို ကြီးထွားနှုန်းမြန်ဆန်အောင် တွန်းအားပေးကြောင်း အမေရိကန် ကင်ဆာ သုတေသနအသင်းက ဆိုထားပါတယ်။ THC ဖယ်ထုတ်ထားခြင်းမရှိတဲ့ ဆေးခြောက် (Recreational marijuana) ကို ရေရှည်စွဲပြီး အသုံးပြုမယ်ဆိုရင် အဆုတ်ပျက်စီးတာ၊ နှလုံးရောဂါ၊ ဦးနှောက်နဲ့သက်ဆိုင်တဲ့ရောဂါတွေ၊ နာတာရှည်နာကျင်မှုဝေဒနာတွေ၊ ဦးခေါင်းနဲ့ လည်ပင်းပတ်ဝန်းကျင်မှာ ဖြစ်တတ်တဲ့ ကင်ဆာရောဂါတွေ၊ အဆိပ်သင့်မှု၊ စွဲလမ်းမှုနဲ့ စိတ်ပိုင်းဆိုင်ရာဝေဒနာတွေကိုလည်း ခံစားရမှာပါ။
ဒီလို အန္တရာယ်များလှတဲ့ THC ကို ထိမ်းချုပ်ကန့်သတ်ဖယ်ရှားပြီး CDB အဓိကပါဝင်တဲ့ ဆေးခြောက်ကိုတော့ Medical marijuana လို့ ခေါ်ဆိုတာပါ။ တချို့တိုင်းပြည်တွေမှာ Medical marijuana တွေကို ဆေးဝါးကုသရေးဘက်မှာ တရားဝင် အသုံးချနေကြပါပြီ။
ဆေးခြောက်ကို ဆေးဝါးအနေနဲ့ အသုံးပြုတာက ခုခေတ်မှ မဟုတ်ပါဘူး။ ရှေးဟောင်း တရုတ်၊ အီဂျစ်နဲ့ ဂရိတွေရဲ့ ဆေးမှတ်တမ်းတွေမှာ ဆေးခြောက်ကို ဆေးဝါးအဖြစ် အသုံးပြုကြောင်း ဖော်ပြထားခဲ့ကြပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။