မိသားစုကို ဘယ်လို ကျန်းမာအောင် ထားမလဲ

အအေးမိ တုပ်ကွေးရာသီရောက်ချိန်မှာ သင့်မိသားစုကို ရောဂါပိုးကင်းစင်အောင် ဂရုစိုက်ခြင်းဟာ လွန်စွာ အရေးကြီးပါတယ်။ တကယ်လို့ ရောဂါပိုးသယ်ဆောင်တဲ့ အကောင်တစ်ကောင်ဟာ မိသားစုဝင်တစ်ဦးဦးကို ကိုက်လိုက်ပြီဆိုရင် သင်တို့အားလုံးကို ကူးစက်နိုင်ပါတယ်။

တုပ်ကွေးဗိုင်းရပ်စ်ပိုးတွေသာမက အခြားရောဂါပိုးတွေနဲ့ ဓါတ်မတည့်စေတဲ့ ပစ္စည်းတွေလည်း အိမ်မှာရှိနိုင်ပါတယ်။ အချို့ရောဂါပိုးတွေဟာ မချက်ရသေးတဲ့ အသားတွေထဲမှာ ရှိနေနိုင်ပြီး အချို့ pertussis ဘက်တီးရီးယားကတော့ အထူးသဖြင့် ကလေးငယ်တွေနဲ့ လမ်းလျှောက်တတ်ကာစ ကလေးတွေကြားမှာ ပြင်းထန်တဲ့ ရောဂါပိုးတွေကို ဖြစ်စေနိုင်ပါတယ်။

ဒါ့ကြောင့် အောက်ဖေါ်ပြပါ အချက်ရှစ်ခုကို လိုက်နာဖို့က အရေးကြီးပြီး ဒီအချက်တွေက ရောဂါပိုးကင်းစင်ဖို့ ကူညီပေးကာ သင့်မိသားစုကို တစ်နှစ်ပတ်လုံးကျန်းမာနေစေမှာ ဖြစ်ပါတယ်။

မနက်စာစားပါ။

ကျန်းမာစေတဲ့ မနက်စာနဲ့ ကျန်းမာတဲ့ ကိုယ်အလေးချိန် ဆက်စပ်မှုဟာ ယုံကြည်ဖွယ်ဖြစ်ပါတယ်။ ဒီနှစ်အစောပိုင်းမှာ Israeli သိပ္ပံပညာရှင်တွေက ကိုယ်အလေးချိန် များတဲ့ (သို့) အဝလွန်တဲ့ အမျိုးသမီး ၉၃ ယောက်ကို တစ်နေ့ကို ၁၄၀၀ ကယ်လိုရီပါတဲ့ အစားအသောက် စားသောက်စေပြီး အခြား တစ်အုပ်စုကိုတော့ မနက်စာမှာ ဒီကယ်လိုရီတစ်ဝက်ကို စားစေကာ အခြားတစ်ဝက်ကိုတော့ ညနေစာမှာ စားစေပါတယ်။

မနက်ပိုင်းမှာ အစာများစွာ စားသူတွေဟာ ညနေဘက်မှာ အစာများစွာ စားသူတွေထက် ၁၂ ပတ်ကြာတဲ့အခါမှာ ၁၀ ပေါင်လျော့သွားတာကို တွေ့ရပါတယ်။ သူတို့ရဲ့ သွေးထဲမှာ အဆီဓါတ်နည်းသွားတာကိုလည်း တွေ့ရပြီး သွေးသကြားဓါတ်ပမာဏလည်း တိုးတက်လာကာ၊ နှလုံးရပ်ခြင်းနဲ့ ဆီးချိုအမျိုးအစား ၂ ဖြစ်ပွားနှုန်းလည်း ကျဆင်းလာတာ တွေ့ရပါတယ်။

လေ့လာမှုတစ်ခုက ကစီဓါတ်တစ်ဝက်နဲ့ ပရိုတင်းတစ်ဝက်ပါတဲ့ မနက်စာဟာ ကိုယ်အလေးချိန်ကျဆင်းစေဖို့ အကောင်းဆုံးဖြစ်တယ်လို့ ဆိုပါတယ်။ ကြက်ဥခေါက်ကြော်နဲ့ ပေါင်မုန့်ကင်တစ်ချပ် စားနိုင်ပါတယ်။

အစာမခံပါနဲ့။

ကျန်းမာတဲ့ ကိုယ်အလေးချိန် ရရှိဖို့အတွက် အစာမခံဖို့ အရေးကြီးပါတယ်။ တကယ်လို့ ပုံမှန်အစာ မစားခဲ့ရင် မခံနိုင်အောင် ဗိုက်ဆာလာပြီး hunger hormone ဖြစ်တဲ့ ghrelin ကို မြင့်တက်လာစေမှာဖြစ်ပါတယ်။ ပြဿနာကတော့ သင်စစားလိုက်တာနဲ့ ဒီဟော်မုန်း ပုံမှန်အတိုင်း ပြန်ဖြစ်ဖို့အတွက် နာရီဝက်ကြာမှာ ဖြစ်ပါတယ်။ ဒီနာရီဝက်အတွင်းမှာ သင်ဟာ ဗိုက်ဆာနေတာကြောင့် လိုအပ်တာထက်များတဲ့ ကယ်လိုရီတွေကို စားမိနိုင်ပါတယ်။

စိတ်ဖိစီးမှုကို အသံနဲ့ ဖြေဖျောက်ပါ။

မှန်ကန်တဲ့အသံတော့ ဖြစ်ပါစေ။ ၂၀၁၃ မှာ လုပ်ခဲ့တဲ့ လေ့လာမှုတစ်ခုက သုတေသီတွေဟာ classical choral music, ရေပွက်သံနဲ့ အသံမပါတဲ့ အုပ်စုအဖြစ် အုပ်စုသုံးစုခွဲလိုက်ပြီး ပရိသတ်ရှေ့မှာ စကားပြောခြင်းနဲ့ သင်္ချာတွက်ပြခြင်းတွေကို ပြုလုပ်စေပါတယ်။

ပရိသတ်ရှေ့မှာ ဆောင်ရွက်ခြင်းမပြုမီ ရေသံနားထောင်သူတွေဟာ အတည်ငြိမ်ဆုံးဖြစ်ပြီး စိတ်ဖိစီးစဉ် ထွက်တဲ့ ဟော်မုန်းဖြစ်တဲ့ဟော်မုန်းဖြစ်တဲ့ cortisol ပမာဏ အနည်းဆုံးထုတ်တာတွေ့ရပါတယ်။ ဒီဟော်မုန်းဟာ ဆီးချို အမျိုးအစား ၂ နဲ့ နှလုံးရောဂါတွေနဲ့ ဆက်စပ်မှု ရှိပါတယ်။

ဆားလျှော့စားပါ။

မေမှာ the Institute of Medicine က သုတေသနတစ်ခု ပြုလုပ်ထုတ်ဝေခဲ့ပြီး အမေရိကန်တွေမှာ ဆိုဒီယမ်ကို တစ်နေ့ ၃၄၀၀ မီလီဂရမ်ကနေ ၂၃၀၀ မီလီဂရမ်အထိ လျှော့စားသူတွေဟာ နှလုံးသွေးကြောကျဉ်းရောဂါ ဖြစ်ပွားနှုန်းကို လျှော့ချပေးနိုင်တယ်လို့ ဆိုပါတယ်။

အငြင်းပွားဖွယ်အချက်တစ်ခုကတော့ ဒီ institute ဟာ the American Heart Association ရဲ့ အကြံပြုချက်တစ်ခုဖြစ်တဲ့ ဆိုဒီယမ်ကို တစ်နေ့ ၁၅၀၀ မီလီဂရမ်အထိ လျှော့စားစေတဲ့ အချက်ကို သက်သေပြနိုင်ခြင်းတော့ မရှိပါဘူး။

ဆားစားခြင်းကို လျှော့ဖို့ အကောင်းဆုံးနည်းလမ်းကတော့ အသင့်စား အစားအသောက်တွေဖြစ်တဲ့ ဆားပါဝင်တဲ့ ပေါင်မုန့်၊ ပီဇာအစရှိတာတွေကို ရှောင်ကျဉ်ပြီး ချက်ပြုတ်စဉ်မှာ အနည်းငယ်သာ သုံးစွဲခြင်းပဲ ဖြစ်ပါတယ်။

တုပ်ကွေး ကာကွယ်ဆေး ထိုးပါ။

၂၀၁၃က လေ့လာမှုတစ်ခုအရ တုပ်ကွေးကို ကာကွယ်နိုင်ခြင်းဟာ နှလုံးရပ်မှု ဖြစ်ပွားနိုင်ခြေကို တစ်ဝက်လောက်အထိ လျှော့ချနိုင်တယ်လို့ ဆိုပါတယ်။ ဒါဟာ ဘာကြောင့်လဲဆိုတော့ တုပ်ကွေး ဗိုင်းရပ်စ်တွေဟာ ရောဂါရှိနေပြီးဖြစ်တဲ့ သွေးကြောတွေကို ရုတ်တရက်ရောင်လာစေပြီး နှလုံးရပ်ခြင်းကို ဖြစ်နိုင်စေလို့ ဖြစ်ပါတယ်လို့ study author Anita Heywood, a public health scientist at the University of New South Wales in Australia က ပြောပါတယ်။

လေ့ကျင့်ခန်း ပုံမှန်လုပ်ပါ။

ပြီးခဲ့တဲ့ နိုဝင်ဘာတုံးက National cancer institute နဲ့ အခြား institutes တွေက သိပ္ပံပညာရှင်တွေဟာ လူပေါင်း ၆ သိန်းခွဲလောက်ရဲ့ အချက်အလက်တွေကို လေ့လာခဲ့ပြီးတော့ ပုံမှန် အလယ်အလတ် လေ့ကျင့်ခန်းလုပ်သူတွေ (တစ်ပတ်ကို အနည်းဆုံး ၂ နာရီခွဲ လေ့ကျင့်ခန်းလုပ်သူတွေ) ဟာ လုံးဝလေ့ကျင့်ခန်းမလုပ်သူတွေထက် အနည်းဆုံး အသက် ၃ နှစ်ခွဲ ပိုရှည်ကြတာကို တွေ့ရပါတယ်။

စိတ်ဝင်စားစရာကတော့ ကိုယ်အလေးချိန်က သက်ရောက်မှုမရှိပါဘူး။ ပိန်ပေမယ့် အထိုင်များသူတွေဟာ အဝလွန်ပေမယ့် လေ့ကျင့်ခန်းလုပ်သူတွေထက် အသက်သုံးနှစ် စောပြီး သေဆုံးလေ့ရှိတာကို တွေ့ရပါတယ်။

The Centers for Disease Control and Prevention က အသက် ၁၈ နှစ်ကနေ ၆၄ နှစ်ကြား ရှိသူတွေကို ပုံမှန် လေ့ကျင့်ခန်းလုပ်ဖို့ (တစ်ပတ်ကို အနည်းဆုံး မိနစ် ၁၅၀) အကြံပြုထားပြီး ကြွက်သား သန်စွမ်းစေတဲ့ လေ့ကျင့်ခန်းတွေဖြစ်တဲ့ Pilates နဲ့ ဝိတ်မခြင်းတွေကိုပါ တွဲပြီး လုပ်သင့်တယ်လို့ ဆိုပါတယ်။

Dental Irrigator ကို အသုံးပြုပါ။

ပုံမှန် flossing လုပ်ခြင်းဟာ အရေးကြီးပြီး သွားဖုံးရောင်ခြင်းကို ကာကွယ်ပေးနိုင်တယ်ဆိုတာ လူတိုင်းသိပြီး ဖြစ်ပါတယ်။ ဒါပေမယ့် Irrigator ကို အသုံးပြုပြီး သွားကြားမှ ချေးတွေကို ရေနဲ့ ဖယ်ရှားခြင်းဟာ သွားနှင့် ခံတွင်းကျန်းမာရေးကို အထောက်အကူပြုပါတယ်။

Irrigators တွေဟာ သွားချေး ဖြစ်ပေါ်မှု၊ သွားပိုးစားမှုတွေအတွက် အစွမ်းထက်ရုံသာမက orthodontic ကိရိယာ (သို့) dental implants ထည့်ထားသူတွေအတွက်ပါ သင့်လျော်ပါတယ်။