အစာအိမ်အနာ သက်သာစေမယ့် အိမ်တွင်းကုထုံး အချို့
ဒီလို နေရထိုင်ရခက်စေတဲ့ အစာအိမ်အနာ သက်သာစေမယ့် အိမ်တွင်းကုထုံး အချို့ က ဘာတွေဖြစ်မလဲဆိုတာ အတူတူ ဆက်ကြည့်လိုက်ရအောင်နော်။
အစာအိမ် အနာကို သက်သာစေဖို့ဆိုရင် ဒိန်ချဉ်၊ ကင်မ်ချီ တို့လိုမျိုး အချဉ်ဖောက်ထားတဲ့ အကျိုးပြု ဘက်တီးရီးယား (probiotics) ကြွယ်ဝစွာ ပါဝင်နေတာလေးတွေကို စားပေးလို့ ရပါတယ်။
Probiotics တွေက အစာခြေစနစ်ထဲက သက်ရှိ အကျိုးပြုဘက်တီးရီးယားလေးတွကို ကျန်းမာတဲ့ ပမာဏအတွင်း ရှိအောင် ထိန်းညှိပေးပြီး အစာခြေစနစ် ကျန်းမာစေဖို့ ထောက်ကူပေးရင်း အစာအိမ်အနာကို သက်သာအောင်လုပ်ဆောင်ပေးပါတယ်။
အကျိုးပြု ဘက်တီးရီးယားတွက အစာအိမ်အနာဖြစ်စေနိုင်တဲ့ H.pylori ဘက်တီးရီးယား တွေကို မသုတ်သင်နိုင်ပေမယ့် အရေအတွက် လျော့သွားအောင်တော့ လုပ်ဆောင်ပေးနိုင်ပါတယ်။ အနာကျက်စေပြီး သက်သာကောင်းမွန်စေဖို့ ထောက်ကူပေးနိုင်ပါတယ်။
ချင်း (ဂျင်း) က အစာအိမ်ကို ကျန်းမာစေတယ်လို့ သိတဲ့သူက နည်းနေသေးပါတယ်။ ချင်း (ဂျင်း) ကို လေချုပ်တာ၊ လေပွတာ၊ ဝမ်းချုပ်တာနဲ့ အစာအိမ်အနာအပါအဝင် အစာခြေစနစ် ပြဿနာ အမျိုးမျိုးကို ကုသဖို့အတွက် အသုံးပြုလို့ ရပါတယ်။
ချင်း (ဂျင်း) က H.pylori ဘက်တီးရီးယားကြောင့် ဖြစ်တဲ့ အစာအိမ်အနာကို သက်သာစေဖို့ ထောက်ကူပေးနိုင်ပါတယ်။ သတိထားရမှာက အလွန်အကျွံစားမယ်ဆိုရင်တော့ ရင်ပူတတ်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။