အသည်းအတွက် အကောင်းဆုံးနဲ့ အဆိုးဆုံး အစားအသောက်များ

• အဆီများတဲ့အစားအစာ

ကော်ဖီက အသည်းအတွက် ကောင်းကျိုးဖြစ်စေတယ်ဆိုတာ ကော်ဖီချစ်သူတွေအတွက် သတင်းကောင်းပါပဲ။ တစ်နေ့ကို ကော်ဖီနှစ်ခွက်၊ သုံးခွက်သောက်ရင် အရက်သောက်ခြင်း သို့မဟုတ် အစားအစာကြောင့် အသည်းထိခိုက်မှုကို ကာကွယ်ပေးနိုင်တယ်လို့ လေ့လာမှုတွေက ဖော်ပြပေးပါတယ်။ အသည်းကင်ဆာဖြစ်နိုင်ခြေကိုလည်း ပိုနည်းစေနိုင်တယ်လို့ သုတေသနတချို့က ဆိုပါတယ်။

• လက်ဖက်စိမ်း

လက်ဖက်စိမ်းမှာ catechins လို့ခေါ်တဲ့ ဓာတ်တိုးဆန့်ကျင်ပစ္စည်းကြောင့် အသည်းကင်ဆာအပါအဝင် ကင်ဆာတချို့ကို ကာကွယ်နိုင်ပါတယ်။ ပူပူလေး၊ နွေးနွေးလေးသောက်မှသာ လက်ဖက်စိမ်းရဲ့ ဒီအာနိသင်ကို ပိုရနိုင်မှာပါ။ လက်ဖက်စိမ်းကို အအေးတွေ၊ အသင့်သောက်လက်ဖက်စိမ်းရည်တွေနဲ့ဆို ပမာဏရရှိမှုနည်းပါတယ်။

• ရေ

အသည်းအတွက် ကိုယ်လုပ်နိုင်တဲ့ အကောင်းဆုံးနည်းလမ်းတစ်ခုကတော့ ကျန်းမာတဲ့ကိုယ်အလေးချိန်ထိန်းသိမ်းတာပဲဖြစ်ပါတယ်။ ဂက်စ်ပါတဲ့အချိုရည်တွေနဲ့ စွမ်းအားဖြည့်အချိုရည်တွေသောက်မယ့်အစား ရေသောက်တတ်တဲ့အကျင့်လုပ်ပါ။ တစ်နေ့တာမှာ ကယ်လိုရီဘယ်လောက်လျှော့နိုင်လဲဆိုတာ အံ့သြရပါလိမ့်မယ်။

• ဗာဒံစေ့

အစေ့အဆန်တွေ၊ အထူးသဖြင့် ဗာဒံစေ့တွေက အသည်းအဆီဖုံးရောဂါကို ကာကွယ်နိုင်တဲ့ ဗီတာမင် E ကြွယ်ဝတဲ့အရင်းအမြစ်တွေ ဖြစ်ပါတယ်။ ဗာဒံစေ့က နှလုံးကျန်းမာရေးအတွက်လည်း ကောင်းတယ်ဆိုတော့ အပျင်းပြေဝါးရင်တောင် အကျိုးကျေးဇူးရှိနိုင်ပါတယ်။

• ဟင်းနုနွယ်

ဟင်းနုနွယ်လို အစိမ်းရောင်အသီးအရွက်တွေမှာ glutathione လို့ခေါ်တဲ့ အစွမ်းထက်ဓာတ်တိုးဆန့်ကျင်ပစ္စည်းပါဝင်တဲ့အတွက် အသည်းကျန်းမာစေနိုင်ပါတယ်။

• ဘလူးဘယ်ရီ

ဘလူးဘယ်ရီမှာပါတဲ့ polyphenols က အရက်ကြောင့်မဟုတ်တဲ့ အသည်းအဆီဖုံးရောဂါကို ကာကွယ်နိုင်ပါတယ်။ အဲဒီကတဆင့် အဝလွန်ခြင်းနဲ့ ကိုလက်စထရောများခြင်းတွေကိုပါ ကာကွယ်နိုင်တာဖြစ်ပါတယ်။ အနက်ရောင်ချောကလက်၊ သံလွင်သီးနဲ့ ဆီးသီးတို့မှာလည်း polyphenols ကြွယ်ဝပါတယ်။

• အရက်

အရက်သောက်တာ အသည်းအတွက်မကောင်းဘူးဆိုတာ သိကြပြီးသားပါ။ အရက်သောက်တာအချိန်ကြာလာတာနဲ့အမျှ အသည်းခြောက်ခြင်းဘက် ဦးတည်လာပါတယ်။ ဆေးဖြစ်ဝါးဖြစ်ပဲ သောက်သောက်၊ အလုပ်ကိစ္စနဲ့ပဲသောက်သောက် ထိခိုက်မှာက မလွဲပါဘူး။