အီတလီနိုင်ငံမှာ COVDID-19 ကြောင့် အသက်ဆုံးရှုံးသွားရတဲ့ လူနာ ၇၆.၁% မှာ သွေးတိုးရောဂါ အခံရှိထားကြပါတယ်။ ရောဂါပိုးဟာ ကိုယ်ခံအားစနစ်ကို အားနည်းသွားစေတာမိုပြီး နှလုံးနဲ့ အဆုတ်ရဲ့ လုပ်ဆောင်ချက်တွေကိုလည်း နှောင့်ယှက်ပါသေးတယ်။ သွေးတိုးဝေဒနာဟာ နိုင်ငံတကာမှာသာမက မြန်မာပြည်မှာလည်း အဖြစ်များတဲ့ ရောဂါဝေဒနာမျိုးဖြစ်တာမို့ သတိထားဖို့ လိုအပ်မှာဖြစ်ပါတယ်။
COVID-19 ကြောင့် အသက်ပေးခဲ့ရတဲ့ လူနာတွေရဲ့ ၃ ပုံ ၁ ပုံမှာ နှလုံးနဲ့ ဆက်နွယ်တဲ့ ဝေဒနာ တစ်မျိုးမဟုတ်တစ်မျိုး ရှိနေတတ်ပါတယ်။ ဗိုင်းရပ်စ်ဟာ နှလုံးနဲ့သက်ဆိုင်တဲ့ အစိတ်အပိုင်းတွေကို တိုက်ခိုက်နိုင်ပြီး ရှိနေနှင့်ပြီးသား ရောဂါတွေကို ပိုဆိုးလာစေတာဖြစ်ပါတယ်။ Centers for Disease Control and Prevention နဲ့ American Heart Association တို့ကတော့ နှလုံးရောဂါရှိသူတွေ ပိုမိုသတိထားနေထိုင်ဖို့ သတိပေးချက်ထုတ်ပြန်ထားပါတယ်။
၃။ နှလုံးခုန်နှုန်းမမှန်တာ
နှလုံးရောဂါကြောင့် ထိခိုက်မှုက ၃ ပုံ ၁ ပုံရှိတယ်ဆိုရင် နှလုံးခုန်နှုန်းမမှန်တဲ့ဝေဒနာ (atrial fibrillation) ကလည်း ပေါ့သေးသေးမဟုတ်ပါဘူး။ သေဆုံးမှု ၄ ပုံ ၁ ပုံဟာ နှလုံးခုန်နှုန်းမမှန်တဲ့ ဝေဒနာနဲ့ ဆက်စပ်နေပါတယ်။ ဒီဝေဒနာဟာ လူသိနည်းပေမယ့် မသိမသာဖြစ်ပွားနေတာမျိုးတွေဖြစ်နိုင်ပါတယ်။ ဒီဝေဒနာကြောင့် နှလုံးဖောက်ပြန်တာ၊ လေဖြတ်တာ၊ သွေးခဲတာတွေ ဆက်စပ်ဖြစ်ပွားနိုင်ပါတယ်။
COVID-19 ကူးစက်ခံရမှုကြောင့် လူသေဆုံးမှုတွေထဲမှာ ဒုတိယ အန္တရာယ်အပေးနိုင်ဆုံး ရောဂါက ဆီးချိုရောဂါဖြစ်ပါတယ်။ ဗိုင်းရပ်စ် ကူးစက်ခံထားရပြီး အသက်ဆုံးရှုံးခဲ့သူစုစုပေါင်းရဲ့ ၃၅.၅% မှာ ဆီးချိုဝေဒနာခံစားနေရပါတယ်။ ဆီးချိုရှိတိုင်း အသက်ဆုံးရှုံးနိုင်တယ်လို့ ဆိုလိုတာမဟုတ်ပါဘူး။ သတိထားဖို့ လိုအပ်တဲ့ အခြေအနေဖြစ်နေတာတော့ အမှန်ပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။