၄။ ယောဂကျင့်တာ ဝါသနာပါသူတွေ၊ လူကြီးအရွယ်တွေ အနေနဲ့ ဒီလိုအချိန်မျိုးမှာ စိတ်ပေါ့ပါးလန်းဆန်းစေဖို့ ယောဂကျင့်ပေးနိုင်ပါတယ်။ အိမ်မှာပဲ အမြဲနေရတဲ့ အခါမှာ ခန္ဓာကိုယ်ထဲမှာ ရှိတဲ့ တင်းနေတဲ့ အကြောအချဉ်တွေ၊ ကြွက်သားတွေကိုလည်း ဖြေလျှော့ပေးသလို ညဘက်မှာလည်း ကောင်းစွာ အိပ်ပျော်နိုင်စေဖို့ ကူညီပေးနိုင်ပါတယ်။
၅။ အရင်က ရုံး၊ ကျောင်းနဲ့မို့ မကူနိုင်ခဲ့တဲ့ အိမ်အလုပ်တွေကို ကိုယ်တတ်နိုင်သလောက် ဝိုင်းကူပါ။ အိမ်က လူကြီးတွေ၊ ညီအစ်ကို မောင်နှမတွေနဲ့ စကားစမြည်ပြောပါ။ ရင်ထဲမှာ ဖြစ်နေတဲ့ ခံစားချက်တွေကို ဖွင့်ဟပါ။
၆။ အမြဲတမ်း အားအားရှိ ဖုန်းပွတ်နေမယ့်အစား ကိုယ့်ဘဝ တက်လမ်းအတွက် အကျိုးရှိစေမယ့် စာအုပ်စာပေတွေကို ဖတ်ရှုပါ။ အင်တာနက်ပေါ်ကနေ လက်မှုအတတ်ပညာ၊ ဘာသာစကား၊ အလှအပဆိုင်ရာ နည်းလမ်းတွေကို လေ့လာနေပါ။
ဒီနည်းလမ်းတွေနဲ့ အထီးကျန်ဆန်တာကို လုံးဝ မဖြေဖျောက်နိုင်ရင်တောင် အတိုင်းအတာတစ်ခုထိ ခံစားနေရတဲ့ ဝေဒနာကို သက်သာသွားစေနိုင်မှာပါ။ ဒါ့ပြင် အစာအာဟာရ၊ အိပ်ချိန်ကိုလည်း သေချာဂရုပြုဖို့ ထပ်မံ အကြံပြုရင်း ဒီမှာပဲ နိဂုံးချုပ်လိုက်ချင်ပါတယ်။
Hello ဆရာဝန် ပရိတ်သတ်ကြီးလည်း ကျန်းမာပျော်ရွှင်ပြီး စိတ်ချမ်းသာစရာကောင်းတဲ့ ဘဝနေ့ရက်တွေကို ပိုင်ဆိုင်ရပါစေလို့ ဆုတောင်းပေးရင်း ဒီမှာပဲ နိဂုံးချုပ်လိုက်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။