အခြေခံဆဲလ်ကင်ဆာဖြစ်ခြင်းဆိုတာ နေရောင်အထိများတဲ့ အရေပြားရဲ့ အစိတ်အပိုင်းတွေပေါ်မှာ ဖြစ်လာတဲ့ ကင်ဆာရောဂါ ဖြစ်ပါတယ်။ ဆရာဝန်ကနေ သင့်မှာ ဒီရောဂါရှိနေတယ်လို့ ပြောလိုက်ရင် စိတ်ပူတတ်တာ သဘာဝပါပဲ။ ဒါပေမယ့် တခုသတိထားရမှာက အန္တရာယ်အနည်းဆုံး အရေပြား ကင်ဆာအမျိုးအစားပဲ ဖြစ်ပါတယ်။ စောစီးစွာ သိရရင် ကုသနိုင်ပါတယ်။
ဒီကင်ဆာဟာ အရေပြားကနေ တခြားအင်္ဂါအစိတ်အပိုင်းတွေကို ပြန့်နှံ့မသွားပါဘူး။ ဒါပေမယ့် အရေပြားအောက်က အရိုးနဲ့ တခြားတစ်သျှူးတွေဆီ ရွေ့သွားနိုင်ပါတယ်။ ဒီပြသနာအတွက် ကုသနည်းပေါင်းများစွာ ရှိပါတယ်။
ရောဂါစဖြစ်ရင် အကျိတ်သေးသေးလေးတွေဟာ နှာခေါင်းနဲ့ မျက်နှာမှာ ထွက်လာတတ်ပါတယ်။ တခြား ကိုယ်လုံး၊ လက်၊ ခြေထောက် စတာတွေမှာလည်း ဖြစ်တတ်ပါတယ်။ အသားအရေဖြူရင် အရေပြားကင်ဆာရနိုင်ခြေ ပိုများပါတယ်။
ဒီကင်ဆာမျိုးဟာ တဖြည်းဖြည်းချင်းဖြစ်တတ်ပြီး နေရောင်နဲ့ ကာလကြာရှည်ထိတွေ့ပြီး နှစ်ပေါင်းများစွာအထိ သတိမထားဘဲ ရှိတတ်ပါတယ်။ နေရောင်များများထိတွေ့ရင်၊ အသားအရောင်ညိုအောင် ဖန်တီးပေးတဲ့စက်သုံးရင် ငယ်စဉ်မှာပဲ ဖြစ်တတ်ပါတယ်။
BCCဟာ အရေပြားကင်ဆာထဲမှာ တွေ့ရအများဆုံး ဖြစ်ပါတယ်။ အမှန်တော့ ကင်ဆာအားလုံးထဲမှာလည်း တွေ့ရအများဆုံး ဖြစ်ပါတယ်။ နေရောင်နဲ့ မကြာခဏထိတွေ့ဖူးသူတွေမှာ ဖြစ်နိုင်ခြေများပါတယ်။ အသက် ၄၀ကျော်မှာ လက္ခဏာပေါ်လာတတ်ပါတယ်။ ဖြစ်နိုင်ခြေအန္တရာယ်ရှိရင် ငယ်ရွယ်စဉ်မှလည်း ဖြစ်နိုင်ပါတယ်။ ဖြစ်နိုင်ခြေအန္တရာယ်တွေကို လျှော့ချနိုင်ပါတယ်။
ပိုသိရအောင် ဆရာဝန်နဲ့ တိုင်ပင်ဆွေးနွေးပါ။
အမျိုးမျိုးတွေ့နိုင်ပါတယ်။ အရေပြားမှာ အဖုလိုဖြစ်လာပြီး အောက်ခြေမှာ သွေးကြောတွေ ပါဝင်ပါတယ်။ ပန်းရောင်၊ အညိုရောင်၊ အနက်ရောင် စသဖြင့် ရှိတတ်ပါတယ်။
စတင်ဖြစ်ပွားချိန်မှာ သေးငယ်တဲ့ ပုလဲလုံးလို၊ အရောင်ဖျော့တဲ့မှဲ့လို ဖုလုံးလေး ဖြစ်ပေါ်လာတတ်ပါတယ်။ တခါတရံ အရောင်မည်းပါတယ်။ ပန်းရောင်ကွက်၊ အနီကွက် စသဖြင့်လည်း တွေ့ရတတ်ပါတယ်။
တခြားလက္ခဏာကတော့ အဆီပြန်တဲ့ အသားမာပုံစံ ကြီးမားလာခြင်းပဲ ဖြစ်ပါတယ်။
BCC ဟာ ထိခိုက်လွယ်ပြီး သွေးထွက်လွယ်ပါတယ်။
အထက်ပါဖော်ပြချက်တွေမှာ မပါသေးတဲ့ လက္ခဏာတွေလည်း ရှိနေနိုင်ပါသေးတယ်။ လက္ခဏာ တခုခုနဲ့ ပတ်သက်လို့ စိုးရိမ်မှုရှိရင် ဆရာဝန်နဲ့ တိုင်ပင်ပါ။
သင့်အသားအရေမှာ အဖုအလုံး အသစ်ပေါက်လာရင်၊ ရှိပြီးသား အဖုအလုံးတွေ ပုံစံပြောင်းလာရင် ဆရာဝန်နဲ့ ချိန်းဆိုပြသသင့်ပါတယ်။
နေရောင်မှာပါတဲ့၊ အသားညိုစေဖို့ ဖန်တီးပေးတဲ့စက်မှာပါတဲ့ ခရမ်းလွန်ရောင်ခြည်ဟာ အဓိက အကြောင်းအရင်း ဖြစ်ပါတယ်။
ခရမ်းလွန်ရောင်ခြည်ဟာ အရေပြားကို ထိတွေ့ဖန်များလာတာနဲ့အမျှ အရေပြားဆဲလ်တွေက ဒီအန်အေတွေ ပျက်စီးသွားစေပါတယ်။ ဒီအန်အေမှာ ဆဲလ်တွေကြီးထွားဖို့ သင်္ကေတတွေ သိုမှီးထားပါတယ်။
ဒီအန်အေကို ထိခိုက်တဲ့အခါ ကင်ဆာဖြစ်ပေါ်လာစေပါတယ်။ ဒီလိုဖြစ်ဖို့ နှစ်ပေါင်းများစွာ ကြာပါတယ်။
အောက်ပါအခြေအနေတွေမှာ ဒီရောဂါဖြစ်နိုင်ခြေ ပိုများပါတယ်။
ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.
အရေပြားမှာ ထူးခြားမှု ရှိမရှိ စစ်ဆေးပါလိမ့်မယ်။ အောက်ပါမေးခွန်းတွေ မေးပါလိမ့်မယ်။
ကင်ဆာကို ပျောက်ကင်းစေပြီး အရေပြားမှာ အမာရွတ်ကျန်ခြင်းကိုလည်း နည်းနိုင်သလောက် နည်းစေဖို့ဟာ ကုသရေးရည်မှန်းချက် ဖြစ်ပါတယ်။ ကင်ဆာ အရွယ်အစားနဲ့ တည်နေရာ၊ ဖြစ်ခဲ့တဲ့ကြာမြင့်ချိန်ပေါ် မူတည်ပြီး အကောင်းဆုံး ကုသမှုကို ရွေးချယ်ပါလိမ့်မယ်။
အောက်ပါနည်းလမ်းတွေ ပါဝင်ပါတယ်။
ဘယ်လို နေထိုင်မှုပုံစံနဲ့ အိမ်တွင်းကုထုံးတွေက အခြေခံဆဲလ်ကင်ဆာဖြစ်ခြင်းအတွက် အထောက်အကူ ပြုသလဲ
အောက်ပါအခြေအနေတွေက အထောက်အကူပြုပါတယ်။
သိလိုတဲ့အချက်တွေရှိရင် ဆရာဝန်နဲ့ တိုင်ပင်ဆွေးနွေးတာ အကောင်းဆုံးပါပဲ။
Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။