လစဉ်ဓမ္မတာမလာမီခံစားရတတ်သော နေရထိုင်ရအဆင်မပြေတဲ့လက္ခဏာတွေဖြစ်တယ်၊ နွမ်းနယ်ခြင်း၊ ဗိုက်အောင့်ခြင်းတို့ဖြစ်တတ်ပြီး ဓမ္မတာစတဲ့အခါ ပျောက်သွားတတ်ပါတယ်။
ဒါပေမယ့် တခြားပိုပြင်းထန်တဲ့လက္ခဏာတွေလည်း တွေ့ရ ခံစားရနိုင်ပါတယ်။ ဓမ္မတာလာတာများတာဖြစ်စေ၊ နည်းတာဖြစ်စေ၊ ဒါမှမဟုတ် စက်ဝန်းတစ်ခုလုံးပျောက်သွားတာဖြစ်စေ တခြားအကြောင်းအရင်းပြဿနာတစ်ခုခုရှိနေတာဖြစ်နိုင်ပါတယ်။
ဒါပေမယ့် ပုံမှန်ရာသီစက်ဝန်း ဆိုတာလည်း အမျိုးသမီးတစ်ယောက်ချင်းဆီမှာ မတူနိုင်တာကိုလည်း သိထားဖို့လိုပါတယ်။ သင့်အတွက်ပုံမှန်ဖြစ်နေပါတယ်ဆိုတဲ့ စက်ဝန်းကသူများအတွက် ပုံမှန်မဟုတ်တာလည်းဖြစ်နိုင်ပါတယ်။ ဒါကြောင့် မိမိခန္ဓါကိုယ်ပုံစံကိုသေချာသိရှိထားပြီး တစ်ခုခုပုံမှန်မဟုတ် အပြောင်းအလဲတွေ့ပါက ဆရာဝန်နဲ့ချက်ခြင်းတိုင်ပင်ဆွေးနွေးဖို့ကအရေးကြီးပါတယ်။
အလွန်ကိုအဖြစ်များပါတယ်။ အသက်မရွေးဖြစ်နိုင်ပြီး ထိုလက္ခဏာတွေခံစားရစေတဲ့ အခြေအနေတွေ၊ အချက်တွေကို လျှော့ချခြင်းအားဖြင့် ထိန်းသိမ်းနိုင်ပါတယ်။ အသေးစိတ်သိလိုပါက ဆရာဝန်နဲ့ဆက်လက်ဆွေးနွေးကြည့်နိုင်တယ်။
တွေ့နိုင်ချေများတဲ့လက္ခဏာတွေကတော့ –
PSM – PSM လို့ခေါ်တဲ့ ဓမ္မတာမလာမီ တစ်ပတ်နှစ်ပတ်လောက်မှာခံစားရတတ်တဲ့ လက္ခဏာတွေဖြစ်တယ်။ ရုပ်ပိုင်းဆိုင်ရာ၊ စိတ်ပိုင်းဆိုင်ရာ လက္ခဏာအမျိုးမျိုးဖြစ်နိုင်ပြီး တခြားကြုံရနိုင်တဲ့လက္ခဏာတွေကတော့ –
တခြားပြဿနာတစ်ခုကတော့ သွေးဆင်းများခြင်းဖြစ်တယ်။ ဒါမှမဟုတ် ငါးရက်မှ ခုနှစ်ရက်လောက်ထိ အချိန်ကြာသွားတာလည်းဖြစ်နိုင်ပါတယ်။
တချို့အခြေအနေတွေမှာတော့ ရာသီထိန်ကျန်နေတာမျိုးဖြစ်နိုင်ပါတယ်။ နှစ်မျိုးရှိပြီး ကနဦးရာသီထိန်ခြင်းက အသက် ၁၆ နှစ်ကျော်သည်ထိ ဓမ္မတာမလာခြင်းကိုခေါ်ပြီး pituitary gland လို့ခေါ်တဲ့ ဂလင်းမှာပြဿနာဖြစ်နေတာ၊ ဒါမှမဟုတ် အမျိုးသမီးမျိုးပွားအင်္ဂါမှာပြဿနာဖြစ်နေတာ၊ အပျိုဖော်ဝင်တာနောက်ကျတာတွေကြောင့်ဖြစ်နိုင်ပါတယ်။ နောက်တစ်မျိုးကတော့ ပုံမှန်ရာသီသွေး ၆ လထက်ပိုပျောက်တဲ့အခါခေါ်လေ့ရှိပါတယ်။
ဖော်ပြထားတာတွေအပြင် တခြားလက္ခဏာတွေလည်းရှိနိုင်ပါသေးတယ်။ သိလိုသည်များရှိပါက ဆရာဝန်နဲ့တိုင်ပင်သင့်ပါတယ်။
ဖော်ပြထားတဲ့လက္ခဏာတွေခံစားရမယ်ဆိုရင် ဆရာဝန်နဲ့တိုင်ပင်သင့်တယ်။ လူတစ်ယောက်နဲ့တစ်ယောက် ခန္ဓါကိုယ်ကမတူတာကြောင့် မိမိအတွက် အကောင်းဆုံးကိုသိရဖို့ ဆရာဝန်နဲ့တိုင်ပင်တာအကောင်းဆုံးဖြစ်ပါလိမ့်မယ်။
ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.
သင်ခံစားရတဲ့လက္ခဏာတွေနဲ့ ထိုလက္ခဏာတွေကို ဘယ်လောက်ကြာကြာခံစားနေရလဲ မေးမြန်းပါလိမ့်မယ်။ သင့်ဓမ္မတာစက်ဝန်းပုံစံ၊ ဘယ်လောက်မှန်မှန်လာလဲ၊ ဘာလက္ခဏာတွေခံစားရလဲကိုတော့သိထားဖို့လိုပါလိမ့်မယ်၊ ဒါမှဆရာဝန်က ဘယ်အချက်ကပုံမှန်မဟုတ်လဲ ရှာရလွယ်မှာဖြစ်တယ်။
စမ်းသပ်မှုတွေမှာတော့ မျိုးပွားအင်္ဂါများနှင့်ပတ်သတ်ပြီး စမ်းသပ်နိုင်ချေရှိပြီး မွေးလမ်းကြောင်းဖြစ်စေ၊ သားအိမ်ခေါင်းမှာဖြစ်စေ ပုံမှန်မဟုတ်ခြင်းရှိမရှိစစ်ဆေးနိုင်ပါတယ်။ ကင်ဆာဖြစ်နိုင်ချေကိုပယ်ဖို့နဲ့ တခြားအကြောင်းတွေရှာဖို့ မွေးလမ်းကြောင်းမှအရည်စစ်ဆေးခြင်းမျိုးလည်း လုပ်ကောင်းလုပ်နိုင်ပါတယ်။
ဟော်မုန်းပြဿနာကြောင့်ဟုတ်မဟုတ်သိရဖို့အတွက်တော့ သွေးစစ်နိုင်ပြီး ကိုယ်ဝန်ရှိနေတယ်ထင်ပါက သွေး သို့ ဆီးစစ်ကြည့်ပါလိမ့်မယ်။
တခြားစစ်ဆေးမှုတွေကတော့ –
ကုသမှုကတော့ လက္ခဏာတွေဖြစ်စေတဲ့ အကြောင်းအရင်းပေါ်မူတည်နိုင်ပြီး သွေးဆင်းများခြင်းကဲ့သို့ လက္ခဏာများကိုတော့ သန္ဓြေတားဆေးသောက်ခြင်းဖြင့် သက်သာစေနိုင်ပါတယ်။ တကယ်လို့ သွေးများခြင်း၊ နည်းခြင်းက ဟော်မုန်းကြောင့်ဖြစ်နေပါက ဟော်မုန်းကုသမှုများလုပ်ရနိုင်တယ်။
နာကျင်ကိုက်ခဲခြင်းတွေကတော့ ဟော်မုန်းကြောင့်လည်းဖြစ်နိုင်သလို တခြားပြဿနာ ဥပမာ- မျိုးပွားအင်္ဂါများ ရောဂါပိုးဝင်ခြင်းမျိုးကြောင့်လည်းဖြစ်နိုင်တာကြောင့် တခြားဆေးကုသမှုမျိုးလိုကောင်းလိုနိုင်ပါတယ်။
Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
ဆက်စပ် အကြောင်းအရာများ
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။