လိင်ဆက်ဆံခြင်းနည်းလမ်းများ နဲ့ ကျန်းမာရေးကောင်းကျိုးဆိုးကျိုးများ

လိင်ဆက်ဆံခြင်းဆိုတာ သဘာဝကိစ္စဆိုပေမယ့် အလွန်အကျွံ မဖြစ်အောင်၊ မိမိနဲ့ မိမိအဖော်မထိခိုက်အောင် ဆက်ဆံသင့်ပါတယ်။ ပြီးပြည့်စုံတဲ့ လိင်မှုဆက်ဆံရေးဆိုတာ နှစ်ဦးနှစ်ဖက်ကျေနပ်ပြီး သာယာဖွယ်ကိစ္စ ဖြစ်နေဖို့ လိုပါတယ်။ နာကျင်မှုတွေ၊ အလိုမပြည့်ဝမှုတွေနဲ့ဆိုရင် နောက်တစ်ခါ အတူနေဖို့ကို ကြောက်လန့်နေရမှာပါ။ လိင်ဆက်ဆံခြင်းနည်းလမ်းများ က အမျိုးမျိုးရှိပါတယ်။ ဘယ်ဟာက ကိုယ်နဲ့ ကိုယ့်အဖော်အတွက် အဆင်ပြေမလဲ။ ဘယ်လိုကျန်းမာရေးအခြေအနေတွေရှိရင် ဘယ်လိုပုံစံနဲ့ ဆက်ဆံသင့်သလဲဆိုတာကို ပြောပြပေးပါမယ်။

လိင်ဆက်ဆံခြင်းနည်းလမ်းများ နဲ့ ကျန်းမာရေးကောင်းကျိုးဆိုးကျိုးများ

စုံတွဲတွေကြားမှာ သမားရိုးကျနည်းတွေ ရိုးလာတဲ့အခါ ဒါမှမဟုတ် ကိုယ့်စိတ်ထဲမှာ ဒီလိုပုံစံနဲ့ လိင်ဆက်ဆံတာက ပိုကောင်းတယ်လို့ ယူဆတဲ့အခါ နည်းလမ်းအသစ်တွေကို အသုံးပြုလာကြပါတယ်။ နည်းလမ်းတိုင်းက စုံတွဲတိုင်းအတွက် အဆင်ပြေချင်မှ ပြေမှာပါ။ တစ်ခါတလေ ကိုယ့်အတွက် အဆင်ပြေပေမယ့် သူ့အတွက် အဆင်မပြေတာလည်း ရှိနိုင်ပါတယ်။

မိမိတို့စုံတွဲက အောက်မှာ ဆက်ပြောမယ့် ဘယ်ပုံစံနဲ့ အတူနေကြသလဲ။ ကိုယ့်ရဲ့ ကျန်းမာရေးအပေါ် ဘယ်လိုသက်ရောက်နေသလဲဆိုတာကို လေ့လာကြည့်ရအောင်။

လိင်တူစုံမက်သူတွေကတော့ အမျိုးသမီးနေရာမှာ receptive partnerလို့ သတ်မှတ်နိုင်ပါတယ်။

မစ်ရှင်နရီပုံစံ (Missionary position)

အမျိုးသမီးက အောက်မှာလှဲနေပြီး အမျိုးသားက ဆက်ဆံတဲ့ ပုံစံပါ။ လိင်ဆက်ဆံခြင်းနည်းလမ်းများ ထဲမှာ အသုံးအများဆုံးပုံစံလို့လည်း ပြောကြပါတယ်။

တခြားနည်းတွေထက်စာရင် အမျိုးသမီးတွေကို လုံလောက်တဲ့ စိတ်ကျေနပ်မှု မပေးနိုင်ပါဘူး။ အကြောင်းက လိင်တံက အတွင်းထဲထိ နက်နက်မဝင်နိုင်တာကြောင့်ရယ်၊ G-spotကို ထိမိဖို့ ခဲယဉ်းတာရယ်ကြောင့်ပါ။

ကျန်းမာရေးရှုထောင့်

ခါးနာသက်သာခြင်း

ခါးနာတတ်တဲ့ အမျိုးသမီးတွေအတွက်ကတော့ ဒီ လိင်ဆက်ဆံတဲ့ပုံစံ က သင့်တော်ပါတယ်။ ပိုပြီးတော့ သက်သောင့်သက်သာဖြစ်ချင်တယ်ဆိုရင် ခါးအောက်မှာ မျက်နှာသုတ်ပဝါကို လိပ်ပြီး ခုထားလို့ရပါတယ်။

သတိထားရမယ့်အချက်

ဒါကတော့ အမျိုးသားတွေအတွက်ပါ။ အခန့်မသင့်ရင် အမျိုးသမီးဆီးခုံနဲ့ လိင်တံနဲ့ ဆောင့်မိပြီး လိင်တံကျိုးတတ်ပါတယ်။

အမျိုးသမီးက အပေါ်က ဆက်ဆံတဲ့ပုံစံ (Cowgirl)

အမျိုးသားက အောက်မှာလှဲပြီး အမျိုးသမီးက မျက်နှာချင်းဆိုင်အနေအထားနဲ့ အပေါ်ကနေ ဆက်ဆံတဲ့ပုံစံပါ။

မစ်ရှင်နရီပုံစံနဲ့ ပြောင်းပြန် သူကတော့ အမျိုးသမီးရဲ့ မိန်းမကိုယ်အတွင်းပိုင်းထိ လိင်တံရောက်စေတဲ့အပြင် မိန်းမကိုယ်အစိကိုလည်း လှုံ့ဆော်ပေးနိုင်ပါတယ်။ အမျိုးသမီးတွေအနေနဲ့ သူတို့ စိတ်ကျေနပ်တဲ့ အနေအထားဖြစ်အောင် အတိုးအလျော့လုပ်ပြီး ဆက်ဆံလို့ရပါတယ်။

ကျန်းမာရေးရှုထောင့်:

-ခါးနာသက်သာခြင်း

တကယ်လို့ အမျိုးသားက ခါးနာတတ်တယ်ဆိုရင်တော့ သူက အောက်မှာလှဲပြီး အမျိုးသမီးကို အပေါ်ကနေ နေခိုင်းသင့်ပါတယ်။ တစ်ခုသတိထားရမှာက အမျိုးသမီးကို အပေါ်ကနေ အားသိပ်မသုံးခိုင်းဖို့ပါ။ မဟုတ်ရင် အောက်ကခါးကို ဖိမိတတ်ပါတယ်။ မွေ့ရာနဲ့ဆို ပိုဆိုးပါတယ်။ ကျောရိုးက အောက်ကို နိမ့်နိမ့်သွားမှာပါ။ ဒီလိုမဖြစ်အောင် ကြမ်းပြင်မှာ ဒါမှမဟုတ် အောက်က အမာပြား တစ်ခုခုခံပြီးမှ နေသင့်ပါတယ်။

-အဆစ်အမြစ်ကိုက်သက်သာခြင်း

နောက်ထပ် အကျိုးကျေးဇူးတစ်ခုက အမျိုးသားက အဆစ်အမြစ်တွေ ကိုက်နေတယ်ဆိုရင်လည်း ဒီပုံစံနဲ့ နေတာက အဆစ်တွေအပေါ် ဖိအားလျော့စေပါတယ်။ အထူးသဖြင့် တံတောင်ဆစ်၊ ဒူးခေါင်းနဲ့ ခြေကျင်းဝတ်မှာပါ။

-သားအိမ် သွေးလုံးကြောင့် နာကျင်မှု သက်သာခြင်း

သားအိမ်မှာ သွေးလုံးရှိတဲ့ အမျိုးသမီးတွေအနေနဲ့ အတူနေတဲ့အခါ မိန်းမကိုယ်က နာတာဖြစ်တတ်ပါတယ်။ ဒီလို အပေါ်ကနေတာက မိမိဘယ်လိုနေရင် ပိုနာသလဲဆိုတာကို သိနိုင်လို့ သက်သောင့်သက်သာဖြစ်အောင် ထိန်းချုပ်လို့ရပါတယ်။

သတိထားရမယ့်အချက်

တစ်ခုရှိတာက အမျိုးသမီးက တစ်ကိုယ်လုံး အပေါ်ရောက်နေတာဖြစ်တဲ့အတွက် အားအသုံးလွန်ပြီး အမျိုးသားလိင်တံကို ထိခိုက်တာ ဖြစ်တတ်ပါတယ်။

လေးဖက်ထောက်ပုံစံ (Doggy style)

အမျိုုးသမီးက လေးဖက်ထောက်ပြီး အမျိုးသားက အနောက်ကနေ ဆက်ဆံတဲ့ပုံစံပါ။ အမျိုးသားအနေနဲ့ လွတ်လွတ်လပ်လပ် ဆက်ဆံလို့ရတဲ့ ပုံစံလည်း ဖြစ်ပါတယ်။

လွတ်လွတ်လပ်လပ် ဆက်ဆံနိုင်တဲ့အတွက် မိန်းမကိုယ်အတွင်းနက်နက်ထဲထိ ရောက်တာ၊ G-spotကို ထိတာမျိုး ဖြစ်နိုင်ပါတယ်။ ဒါကြောင့် အမျိုးသမီးတွေကို ခံစားမှု ကောင်းစေပါတယ်။

ကျန်းမာရေးရှုထောင့်:

–ခါးနာသက်သာခြင်း

ခါးနာတတ်တဲ့ အမျိုးသမီးတွေဆိုရင်တော့ ဒီပုံစံက သင့်တော်ပါတယ်။ သူ့ရဲ့ ကိုယ်အလေးချိန်က တံတောင်ဆစ်ပေါ်မှာ ရှိနေတဲ့အပြင် မိမိရဲ့ ခါးကိုလည်း လိုသလို ပြုပြင်နိုင်လို့ပါ။ ဒါပေမယ့် အမျိုးသားက ခါးနာနေတယ်ဆိုရင်တော့ ဒါက အဆင်မပြေပါဘူး။ ခါးအားကို သုံးရတာ ဖြစ်တဲ့အတွက် သူ့အတွက် ဝန်ပိုပိနိုင်ပါတယ်။ ဒီလိုဆိုရင်တော့ အောက်က အမျိုးသမီးကပဲ ဦးဆောင်ပြီး ဆက်ဆံသင့်ပါတယ်။

အဆစ်အမြစ်ကိုက်တတ်တဲ့သူတွေအတွက်ဆိုရင်လည်း ဒီပုံစံက သင့်တော်ပါတယ်။

သတိထားရမယ့်အချက်

လွတ်လွတ်လပ်လပ်နဲ့ အားကုန်သုံးဆက်ဆံလို့ရတာဖြစ်တဲ့အတွက် အခန့်မသင့်ရင် မိန်းမကိုယ်ပြဲတတ်ပါတယ်။ လိင်ဆက်ဆံပြီးရင် အမျိုးသားရော အမျိုးသမီးမှာပါ နာကျင်တာတွေ ဖြစ်တတ်ပါတယ်။

ဘေးတိုက်ဆက်ဆံခြင်း (Side by Side)

မျက်နှာချင်းဆိုင် ဘေးတိုက်လှဲပြီး အတူနေတဲ့ ပုံစံပါ။ အမျိုးသမီးက အမျိုးသားရဲ့ ခါးကို ခွထားပြီး ဆက်ဆံရပါတယ်။

အားသာချက်က မျက်နှာချင်းဆိုင် ဖက်လျက်ဖြစ်တဲ့အတွက် အချင်းချင်း ထိတွေ့မှု ပိုကောင်းပါတယ်။ အချင်းချင်း နမ်းရှုံ့နိုင်ပြီး ရိုမန်တစ်အခြေအနေကို ရရှိနိုင်ပါတယ်။ မနက်ခင်း အိပ်ရာနိုးစ အတူနေတဲ့အခါ သိပ်မလှုပ်ချင်သေးဘူးဆိုရင် ဒီပုံစံက အကောင်းဆုံးလို့ ဆိုကြပါတယ်။

ကျန်းမာရေးရှုထောင့်:

-သားအိမ် သွေးလုံးကြောင့် နာကျင်မှု သက်သာခြင်း

အမျိုးသမီးက အမျိုးသားကို ဘေးတိုက်ခွထားတာဖြစ်တဲ့အတွက် လိင်တံဘယ်လောက်နက်နက် ဝင်မလဲဆိုတာကို ထိန်းချုပ်နိုင်ပါတယ်။ သူ့အနေနဲ့ မခံနိုင်ဘူးဆိုရင် ဘယ်လိုသက်သာအောင် နေမလဲဆိုတာကိုပါ ပြုပြင်လို့ရပါတယ်။ မျက်နှာချင်းဆိုင်ပဲ ဖြစ်ဖြစ်၊ Spoonလို့ခေါ်တဲ့ အမျိုးသားကို ကျောပေးပြီး နေတဲ့ပုံစံပဲဖြစ်ဖြစ် နေလို့ရပါတယ်။

-အဆစ်အမြစ်နာသက်သာခြင်း

နှစ်ယောက်စလုံးက သက်သောင့်သက်သာ နေနိုင်တဲ့အတွက် ခါးနဲ့ အဆစ်အမြစ်နာနေတဲ့ သူတွေအတွက်လည်း သင့်တော်ပါတယ်။ အချင်းချင်း နီးကပ်နေတဲ့အတွက် အားသိပ်သုံးစရာ မလိုဘဲ ဆက်ဆံလို့ရပါတယ်။

မှောက်ရက်ဆက်ဆံတာ (Facedown position)

ဒါကို Modified doggy style လို့လည်း ခေါ်ပါတယ်။ လေးဖက်ထောက်တာမျိုး မဟုတ်ဘဲ တင်ပါးကို ချပြီး မှောက်ရက်လှဲလိုက်တဲ့ ပုံစံပါ။ အမျိုးသမီးက မှောက်ရက်လှဲလိုက်ပြီး အမျိုးသားကလည်း ထပ်ရက်လှဲလိုက်တာမျိုးပါ။

ဒီ လိင်ဆက်ဆံတဲ့ပုံစံ မှာ အမျိုးသမီးက ခြေထောက်နှစ်ဖက်ကို စုထားတာဖြစ်တဲ့အတွက် ပြီးမြောက်ဖို့ လွယ်ကူပါတယ်။ ပြီးမြောက်မှုကိုလည်း အပြည့်အဝခံစားရပါတယ်။ သက်သောင့်သက်သာလည်းဖြစ်တဲ့အတွက် နှစ်ဦးနှစ်ဖက် စိတ်ကျေနပ်ဖွယ်ဆက်ဆံနည်းလည်း ဖြစ်ပါတယ်။

ကျန်းမာရေးရှုထောင့်:

-ခါးနာသက်သာစေခြင်း

မှောက်ရက်လှဲနေတဲ့အတွက် အမျိုးသမီးက သူ့ခါးကို မနာအောင် ပြောင်းလွယ်ပြင်လွယ်နေလို့ ရပါတယ်။ လိုအပ်ရင် ဆီးခုံအောက်မှာ မျက်နှာသုတ်ပဝါကို လိပ်ပြီး ခုထားလို့ရပါတယ်။ ဒါလည်း အဆင်မပြေသေးဘူးဆိုရင် တံတောင်ထောက်ပြီး နေလို့ရပါတယ်။ သူ့အနေနဲ့ အဆင်ပြေတဲ့ပုံစံကို အလွယ်တကူပြောင်းနိုင်ပါတယ်။

-သားအိမ် သွေးလုံးကြောင့် နာကျင်မှု သက်သာခြင်း

ဒီပုံစံနဲ့ဆိုရင် အမျိုးသမီး တင်ပါးခံနေတာ ဖြစ်တဲ့အတွက် အမျိုးသားလိင်တံက အတွင်းနက်နက်ထဲထိ မရောက်နိုင်ပါဘူး။ ဒါကြောင့် အတူနေတဲ့အခါ နာကျင်တာမျိုး မဖြစ်နိုင်ပါဘူး။

-အဆစ်အမြစ်ကိုက်တာ သက်သာစေခြင်း

လူက အဖြောင့်တိုင်း လှဲရက်ဖြစ်နေတာကြောင့် ဒူးဆစ်၊ ခြေကျင်းဝတ်၊ လက်ဆစ်တွေအပေါ်မှာ ဝန်ပိတာမျိုး သက်သာစေပါတယ်။