ကဖင်း (Caffeine) သည် မိခင်၏ခန္ဓါကိုယ်ကိုမည်ကဲ့သို့လွှမ်းမိုးမှုရှိသနည်း။
အကယ်၍သင်သည် ကဖင်းပမာဏများပြားစွာ သောက်နေပြီဆိုပါက အိမ်သာခဏခဏသွားရပါလိမ့်မည်။ အဘယ့်ကြောင့်ဆိုသော ်ကဖင်းသည် ဆီးသွားစေသော အာနိသင်ရှိသောကြောင့်ဖြစ်ပါသည်။ ကဖင်းသည် သင့်အစာအိမ်ထဲတွင်ရှိသော အက်ဆစ်ကိုပိုထွက်စေသည်။ဤအရာသည် တစ်ခါတစ်ရံတွင် ဗိုက်အောင့်ဗိုက်နာခြင်း သို့မဟုတ် ဝမ်းပျက်ဝမ်းလျှောခြင်းကိုလည်း ဖြစ်ပေါ်စေနိုင်သည်။ အိပ်ခါနီး ကဖင်းပမာဏများစွာသောက်သုံးပါက သင်ညဘက်များတွင်အိပ်မပျော်ဘဲရှိနေတတ်သည်။ ကဖင်းပမာဏ ခန္ဓါကိုယ်ထဲတွင်ကုန်ဆုံးသွားသော အခါတွင်ခေါင်းကိုက်ခြင်းကိုဖြစ်ပေါ်စေလိမ့်မည်။ ကော်ဖီများ၊ လက်ဖက်ရည်များကိုအစာများနှင့်အတူမသောက်ပါနှင့်။ အဘယ်ကြောင့်ဆိုသော် ထိုကော်ဖီ၊ လက်ဖက်ရည် တို့တွင် သင်စားသုံးလိုက်သော အစားအစာ (အသားမပါပါ) များမှသံဓါတ်စုပ်ယူမှုများကို လျော့နည်းစေသောကြောင့်ဖြစ်သည်။
နေ့စဉ်အစားအစာများထဲတွင်ကဖင်းမည်မျှပါဝင်သင့်သနည်း။
ကော်ဖီ၊ရေနွေးကြမ်းအပါအဝင်လက်ဖက်ရည်၊ကိုလာ၊အချို့စွမ်းအားပြည့်အချိုရည်များနှင့်ချောကလက်များအားလုံးသည်ကဖင်းပါဝင်ပါသည်။
အစားအစာ(သို့) အချိုရည် | ကဖင်းပါဝင်မှုပမာဏ | ကဖင်း ၂၀၀ မီလီဂရမ် နှင့်ညီမျှသောပမာဏ |
ကော်ဖီမစ် | ၁၀၀ မီလီဂရမ် | မတ်ခွက် ၂ ခွက် |
လက်ဖက်ရည် | ၇၅ မီလီဂရမ် | မတ်ခွက် ၂ ခွက် |
ကော်ဖီကြမ်း | ၁၄၀ မီလီဂရမ် | မတ်ခွက် ၁ ခွက် |
လက်ဖက်စိမ်းရည် | ၅၀ မီလီဂရမ် | မတ်ခွက် ၄ ခွက် |
ကိုလာ | ၄၀ မီလီဂရမ် | ၅ ဘူး |
အားဖြည့်အချိုရည် | ၈၀ မီလီဂရမ် | ၂ ဘူး |
ရိုးရိုးချောကလက် | ၅၀ မီလီဂရမ် | ၄ ချောင်း (အသေး) |
နို့ချောကလက် | ၂၅ မီလီဂရမ် | ၈ ချောင်း(အသေး) |
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။