အသက်လေးနှစ်အောက်ကလေးတွေဟာ အသက်ကြီးတဲ့ကလေးတွေ ဒါမှမဟုတ် အရွယ်ရောက်ပြီးသားလူကြီးတွေနဲ့ယှဉ်ရင် အစာနင်တာ၊အစာသီးတာဖြစ်ဖို့အခွင့်အလမ်းပိုများပါတယ်။ ဘာလို့လဲဆိုတော့ ကလေးတွေရဲ့အသက်ရှုလမ်းကြောင်းက ပိုကျဉ်းတဲ့အပြင် အစာမြိုချတာကိုထိန်းချုပ်နိုင်စွမ်းလည်း နည်းပါးသေးတာကြောင့် ဖြစ်ပါတယ်။
အစာနင်တာ၊ သီးတာကို ကာကွယ်ဖို့အတွက် သင့်ကလေးအစာစားတဲ့အခါ ဘေးနားကစောင့်ကြည့်ပေးပါ။ သစ်သီးတွေနဲ့ဟင်းသီးဟင်းရွက်တွေကို တစ်ကိုက်စာ အဆင်ပြေအောင်လှီးပေးပါ။ ကလေးတွေ အစားကို ကျေညက်အောင်ဝါးစားတတ်ဖို့သင်ပေးပါ။ ကလေးတွေ ဂဏှာမငြိမ်လှုပ်ရှားနေတုန်း ဒါမှမဟုတ် လှဲနေတုန်း အစာကျွေးတာကိုရှောင်ရှားပါ။
ကလေးကို မကျွေးသင့်တာတွေများ ရှိသလား။
သုံးနှစ်အောက် ကလေးတွေအနေနဲ့ နင်တတ်၊ သီးတတ်တဲ့ အောက်ပါအစားအစာတွေကို ရှောင်ရှားသင့်ပါတယ်။
• သကြားလုံးမာမာတွေ၊ စပျစ်သီးတွေလို ခပ်ချောချောအစားအစာမျိုးတွေ၊ ကြက်သားတုံး ဒါမှမဟုတ် အသားတုံးအကြီးကြီးတွေ
• ခွံမာသီး၊ အစေ့၊ အာလူးကြော်၊ မုန့်ကွင်းလေးတွေ၊ မုန်လာဥနီအသေးလေးတွေ၊ စပျစ်ခြောက်တွေ
• မြေပဲထောပတ်၊ marshmallows မုန့် တွေ စတဲ့ စေးကပ်ကပ်အစာတွေစသည်တို့ ဖြစ်ကြပါတယ်။
ကလေးတွေ အစာမနင်ဖို့၊ မသီးဖို့နဲ့ဓါတ်မတည့်တာတွေ ဖြစ်ရင်ချက်ချင်းသိနိုင်ဖို့အတွက် သူတို့တွေစားနိုင်လောက်တဲ့ အရွယ်လေးတွေ ဖြစ်အောင်လှီးဖြတ်ပေးဖို့လိုတဲ့အပြင် အစာစားချိန်မှာလည်းေ ဘးကနေစောင့်ကြည့်ပေးသင့်ပါတယ်။ ဓါတ်မတည့်မှုအဖြစ်အများဆုံးအစားအစာတွေက နွားနို့၊ ကြက်ဥဘဲဥ၊ မြေပဲနဲ့အခွံမာသီးတွေ၊ ပဲပုပ်၊ ဂျုံ၊ ငါးနဲ့အခွံမာပါတဲ့ရေသတ္တဝါတွေပဲ ဖြစ်ကြပါတယ်။ သင့်မိသားစုအရင်းအခြာတစ်ယောက်မှာ ဒါမှမဟုတ် တစ်ယောက်ထက်ပိုပြီး ဓါတ်မတည့်တတ်တဲ့အခြေအနေမျိုးရှိမယ် ဒါမှမဟုတ် ဓါတ်မတည့်တာကြောင့် ဖြစ်တတ်တဲ့ရောဂါတွေ (ပန်းနာရင်ကျပ်၊ နှင်းခူ၊ အစားအသောက်ဓါတ်မတည့်တာစသဖြင့်ပေါ့) ရှိနေမယ်ဆိုရင် သင့်ရင်သွေးလေးမှာ ဓါတ်မတည့်တာ ဖြစ်နိုင်ချေ ပိုပြီးများလိမ့်မယ်ဆိုတာ သိထားသင့်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။