အစားအစာများကို ကောင်းသည် ဆိုးသည် အမည်မတပ်ပါနှင့်။
ထိုသို့ပြုလုပ်မည့်အစား သင့်ကလေးသတိပြုမိစေနိုင်မည့် အမှတ်အသားများပြုခြင်း ပြုလုပ်ပါ။ ဥပမာအားဖြင့် အသားများနှင့် နို့ထွက်ပစ္စည်းများတွင် ပါဝင်သော ကယ်လ်စီယံဓာတ်များသည် အားကစားလုပ်ရာတွင် အထောက်အကူဖြစ်စေကြောင်း သိရန် ထိုအစားအစာများတွင် “အားကစား” ဟုအမည်တပ်ထားခြင်းမျိုးပြုလုပ်ပါ။ အသီးအနှံများနှင့် ဟင်းရွက်များတွင် ပါဝင်သည့် ဓာတ်တိုးဆန့်ကျင်ဓာတ်များသည် အရေပြားများကို စိုပြေစေပြီး ဆံပင်များကို သန်စွမ်းစေသည်။ ထို့ပြင် ကျန်းမာ အာဟာရပြည့်သော မနက်စာကို စားသုံးခြင်းဖြင့် သင့်ကလေးကို အတန်းထဲတွင် အာရုံစူးစိုက်မှု ပိုကောင်းစေပါသည်။
ကျန်းမာစေသော အစားအစာများကို သင့်ကလေးက ရွေးချယ်လျှင် သူ့ကို ချီးကျုးပေးပါ။
ဟင်းသီးဟင်းရွက်များ၊ အဆီနည်းသော အသားများ၊ နို့များ၊ ကောက်ပဲသီးနှံများ စသည့် ကျန်းမာရေးနှင့် ညီညွတ်စေမည့်အစားအစာများကို သင့်ကလေးက ရွေးချယ်လျှင် အပြုံးဖြင့် ချီးမြှောက်ပါ။ သူ့ကို ချီးကျုးပေးပါ။
သင့်ကလေးက ကျန်းမာရေးနှင့် မသင့်တော်သော အစားအသောက်များကို ရွေးချယ်လျှင်လည်း ဆူပူခြင်း မပြုပါနှင့်။
သင့်ကလေးသည် အဆီများသောအစာများ၊ အကြော်များ စသည့် ကျန်းမာရေးနှင့် မသင့်တော်သော အစားအသောက်များကို ရွေးချယ်လျှင်လည်း ဆူပူခြင်း မပြုဘဲ ကျန်းမာစေသော အစားအစာများကို စားသင့်ကြောင်း အကြံပေးပါ။ အာလူးကြော်အချောင်းများကို စားမည့်အစား ဆီနည်းသော ဖုတ်ထားသည့်အစာများကို စားရန် အကြံပေးပါ။ သင့်ကလေးသည် သကြားလုံး၊ စတော်ဘယ်ရီယိုနှင့် ချောကလက်ကဲ့သို့ ချိုသော အစားအစာများကို ပူဆာပါက အိမ်တွင်ပင် သဘာဝအတိုင်းပြုလုပ်ထားသော အခြောက်ခံထားသော အသီးများကို ကျွေးနိုင်ပါသည်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။