နို့ဦးရည် [colostrum]၊ ကြားကာလနို့ရည် [transitional milk]၊ ရင့်သန်ချိန် နို့ရည် [mature milk] တို့ပဲ ဖြစ်ပါတယ်။ နို့ဦးရည် [colostrum]
နို့ဦးရည်ဆိုတာက ဘေဘီလေးကို မွေးဖွားပြီးချိန်မှာ ပထမဆုံး ထွက်လာတဲ့ နို့ရည်ပါ။ ကိုယ်ဝန်ဆောင်နေချိန်မှာလည်း ထွက်နိုင်ပါတယ်။ အရောင်အားဖြင့် ဝါကျင့်ကျင့်ရှိပြီး နို့ရည်က ခပ်ပျစ်ပျစ်ပါ။ ပရိုတင်း နဲ့ အဆီဓာတ် ကြွယ်ဝစွာ ပါဝင်နေသလို ဗီတာမင် နဲ့ သတ္တုဓာတ်တွေအပြင် immunoglobulins လို့ခေါ်တဲ့ ဘေဘီလေးကို ကိုယ်ခံအားရစေမယ့် antibodies တွေလည်း ပါဝင်နေပါတယ်။
နို့ဦးရည်ကနေ ရရှိတဲ့ ကိုယ်ခံအားက ဘေဘီလေးကို ဘက်တီးရီးယားတွေနဲ့ ဗိုင်းရပ်စ်တွေကြောင့် ဖျားနာတာမျိုး မဖြစ်စေဖို့ ကာကွယ်ပေးပါတယ်။ နို့ဦးရည်က ဘေဘီလေးကို မွေးဖွားပြီး ၂ ရက်ကနေ ၄ ရက်အတွင်း ထွက်ပါတယ်။
ကြားကာလနို့ရည် [transitional milk]
ကြားကာလနို့ရည်က ဘေဘီလေးကို မွေးဖွားပြီး ၅ ရက်လောက်မှာ စထွက်ပါတယ်။ နို့ဦးရည်နေရာကို အစားထိုးယူလာတဲ့ သဘောပါ။ ၂ ပတ်လောက်အထိ ထွက်ပါတယ်။ အဆီဓာတ် ကြွယ်ဝသလို ရေမှာပျော်ဝင်နိုင်တဲ့ ဗီတာမင်တွေပါဝင်ပါတယ်။ နို့ဦးရည်ထက် ကယ်လ်လိုရီ ပါဝင်မှု များပါတယ်။
ရင့်သန်ချိန် နို့ရည် [mature milk]
ရင့်သန်ချိန်နို့ဆိုတာက ရှေ့အဆင့် ၂ ခုကို ကျော်ပြီးချိန်မှာ ထွက်လာတဲ့ နို့ရည်ပါ။ ရေဓာတ် ၉၀ ရာခိုင်နှုန်းပါဝင်နေပြီး ဘေဘီလေးကို ရေဓာတ်ဖြည့်ပေးပါတယ်။ နောက်ထပ် ၁၀ ရာခိုင်နှုန်းကတော့ ဘေဘီလေး အားအင်ပြည့်ဝပြီး ကြီးထွားဖွံ့ဖြိုးစေဖို့အတွက် ထောက်ကူပေးမယ့် ကာဗိုဟိုက်ဒရိတ်၊ ပရိုတင်း နဲ့ အဆီဓာတ်တွေပါ။
ရင့်သန်ချိန် နို့ရည် [mature milk] မှာမှ ၂ မျိုး ကွဲပါသေးတယ်။ ဒါကတော့
- Fore-milk – ဒီနို့ရည် အမျိုးအစားကို ရင့်သန်ချိန် နို့ရည် ထွက်ကာစမှာ တွေ့ရနိုင်ပြီး ရေဓာတ်၊ ဗီတာမင် နဲ့ ပရိုတင်းတို့ ပါဝင်နေပါတယ်။
- Hind-milk – ဒီနို့ရည် အမျိုးအစားကို Fore-milk ထွက်ပြီးချိန်မှာ တွေ့ရနိုင်ပါတယ်။ ဘေဘီလေးလေးကို ကိုယ်အလေးချိန် တက်စေဖို့ လိုအပ်တဲ့ အဆီဓာတ် ပြည့်ဝစွာ ပါဝင်နေပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။