သင့်လက်ကောက်ဝတ် နာကျင်မှုနှင့် carpel tunnel ကို ကိုကာကွယ်ပေးနိုင်မယ့် အကြောလျော့နည်း ၃ မျိုး

    သင့်လက်ကောက်ဝတ် နာကျင်မှုနှင့် carpel tunnel ကို ကိုကာကွယ်ပေးနိုင်မယ့် အကြောလျော့နည်း ၃ မျိုး

    သင့်အနေနဲ့ စာရိုက်တာ, အဝတ်ဝတ်တာ, ကားမောင်းတာ စတာတွေလုပ်တဲ့အခါမှာ သင့်လက်ကောက်ဝတ်ကို အသုံးပြုရပါတယ်။ ရလာဒ်အနေနဲ့ကတော့ လက်ကောက်ဝတ်ကယောင်ယမ်းလွယ်ပြီး carpel tunnel syndrome တွေဖြစ်နိုင်တာပါပဲ။ ဒါပေမယ့် စိုးရိမ်စရာမလိုပါဘူး။ ကုသမှုကောင်းကောင်းနဲ့ဆို သင်ပြန်ကောင်းနိုင်ပါတယ်။ အကြောလျော့လေ့ကျင့်ခန်း တွေက သင့်အတွက်ကောင်းတဲ့ကုသမှုတွေ ဖြစ်နိုင်ပါတယ်။

    အကြောလျော့လေ့ကျင့်ခန်း တွေရဲ့ ကောင်းကျိုးများ

    သင့်မှာ လက်ကောက်ဝတ်နာကျင်မှုရှိတဲ့အခါ အကြောလျော့လေ့ကျင့်ခန်း တွေကို ဆရာဝန်တွေက ညွှန်းလေ့ရှိပါတယ်။ ဒီလေ့ကျင့်ခန်းတွေက လက်နဲ့လက်ကောက်ဝတ်မှာရှိတဲ့ median nerve ပေါ်တင်နေတဲ့ဖိအားတွေကို လျော့ချပေးတဲ့အတွက် နာကျင်မှုကို သက်သာစေနိုင်ပါတယ်။

    ဒါ့အပြင် အောက်ပါ အောက်ပါလက္ခဏာတွေ သင့်ရဲ့ လက်ကောက်ဝတ်နဲ့ carpel tunnel မှာဖြစ်လာခဲ့ရင် အကြောလျော့လေ့ကျင့်ခန်း တွေက ကူညီနိုင်ပါတယ်။

    သင့်နာကျင်မှုကို ကာကွယ်ဖို့ နည်းလမ်းများ

    ကာကွယ်မှုဟာ လက်ကောက်ဝတ်နဲ့ carpel tunnel မှာဖြစ်တဲ့ နာကျင်မှု အတွက်အကောင်းဆုံးကုသနည်းပဲဖြစ်ပါတယ်။ အောက်ပါတွေကတော့ သင်အသုံးချလို့ရနိင်တဲ့ နည်းတွေဖြစ်ပါတယ်။

    – တနေကုန် သင့်လက်ကောက်ဝတ်ကို အသုံးပြုရမယ့် ထပ်တလဲလဲအလုပ်တွေကို ရှောင်ပါ။

    – အတော်ကြီးကွေးကောက်ထားဖို့လိုတဲ့ အပြုအမူတွေကို ရှောင်ပါ။ ကြွက်သား အရွတ်နဲ့ အာရုံကြော တွေထိခိုက်နိုင်ပါတယ်။

    – အလုပ်မလုပ်ခင် သွေးပူလေ့ကျင့်ခန်းလုပ်ပါ။

    – ယောဂကျင့်စဉ်တွေ လုပ်ပါ။ ဒါဟာ လက်ကောက်ဝတ်ကို ကူညီနိင်ပါတယ်။

    – တနေကုန်ထိုင်ပြီး လက်ကောက်ဝတ်အားပြုရတဲ့ အလုပ်တွေလုပ်ရပြီဆိုရင် မတ်မတ်ထိုင်ပြီး ပခုံးတွေလျှော့ချပါ။ လက်ရောခြေထောက်ရောဆန့်ပြီး လည်ပင်းကို လှုပ်ရှားလွယ်အောင်ထားပါ။

    – စာရိုက်တဲ့အခါ အနေအထားကို ညှိယူပါ။ လက်နဲ့ လက်ကောက်ဝတ်က ပျော့ပျောင်းနေရပါမယ်။

    – ဘောပင်အကြာကြီးသုံးနေရတယ်ဆိုရင် တင်းတင်းဆုပ်ကိုင်ထားတာမျိုးရှောင်ပါ။

    – ပြီးတော့ အရမ်းအေးတဲ့အပူချိန်မှာ အလုပ်အကြာကြီးမလုပ်ပါနဲ့ ။

    သင့်အိမ်ထဲမှာလုပ်နိုင်တဲ့ လေ့ကျင့်ခန်းများ

    သင့်အိမ်ထဲမှာလုပ်နိုင်တဲ့ လေ့ကျင့်ခန်း ၃ ခုလောက်ရှိပါတယ်။

    လက်ကောက်ဝတ် ခေါက်ဆန့် လေ့ကျင့်ခန်း

    ဒီလေ့ကျင့်ခန်းက လက်ကောက်ဝတ်ကို ပေါ်အောက် ကွေးတာပေါ်မူတည်ပါတယ်။ အနေအထားတစ်မျိုးကို ၅- ၁၀ စက္ကန့်လောက်ထိန်းထားပြီး ၁၀ ကြိမ်လုပ်ပေးပါ။၁ပတ်ကို ၃ခါလုပ်ပေးနိုင်ပါတယ်။

    – လက်မောင်းကို စားပွဲပေါ်တင်ပါ။ လက်ကောက်ဝတ်ကနေ လက်ဖဝါးထိက စားပွဲစွန်းကနေ တွဲလျားကျနေပါ။

    – ပဝါ သို့မဟုတ် အခုခံလေးတစ်ခုကို လက်ကောက်ဝတ်အောက်မှာထားပါ။

    – ပြီးရင်လက်ကို ကော့လိုက်ပါ။ လက်နဲ့ လက်ကောက်ဝတ်မှာ အကြောလျော့သွားသလိုခံစားရပါမယ်။

    – ပြီးရင်မူလအနေအထားပြန်ထားပါ။

    – ပြီးရင် အခြား ဆန့်ကျင်ဘက်အနေအထားနဲ့စရပါမယ်။ လက်ကောက်ဝတ်ကို အောက်ဘက်ကွေးပါ။

    လက်ကောက်ဝတ် ဘယ်ညာစောင်းလေ့ကျင့်ခန်း

    ဒီလေ့ကျင့်ခန်းက လက်ကောက်ဝတ်ကို ဘေးစောင်းတာပေါ်မူတည်ပါတယ်။ အနေအထားတစ်မျိုးကို ၅- ၁၀ စက္ကန့်လောက်ထိန်းထားပြီး ၁၀ ကြိမ်လုပ်ပေးပါ။၁ရက်ကို ၃ခါလုပ်ပေးနိုင်ပါတယ်။

    – လက်မောင်းကို စားပွဲပေါ်တင်ပါ။ လက်ကောက်ဝတ်က စားပွဲစွန်းကနေ တွဲလျားကျနေပါ။ လက်ဖဝါးကို စားပွဲနဲ့90′ ဒေါင်လိုက်ထောင်ထားပါ။

    – ပဝါ သို့မဟုတ် အခုခံလေးတစ်ခုကို လက်ကောက်ဝတ်အောက်မှာထားပါ။

    – ပြီးရင်လက်ကောက်ဝတ်ကို ပေါ်အောက်ကွေးပါ။

    လက်အုပ်ချီ အကြောလျော့နည်း

    ဒီပုံကတော့ လက်အုပ်ချီပုံမျိုးဖြစ်ပါတယ်။ အနေအထားတစ်မျိုးကို ၁၅- ၃၀ စက္ကန့်လောက်ထိန်းထားပြီး တစ်ကြိမ်ကို ၂- ၄ ကြိမ် ပြန်လုပ်ပေးပါ။

    – လက်ဝါးနှစ်ခုထိထားပါ။ ရင်ဘတ်ရှေ့ မေးအောက်တည့်တည့် မှာ ထားပါ။

    – လက်ဝါး၂ဖက်ကို ဆိုင်လျက် ခါးနားထိအောင်တွန်းပါ။ တွန်းပါ။ တွန်းနေစဉ်လည်း ဗိုက်နဲ့ ထိထားပါ။

    – သင့်လက်ကောက်ဝတ်, လက်ဝါးနဲ့ လက်ဖျံမှာ အကြောလျော့သွားသလိုခံစားရပါမယ်။

    သင့်အနေနဲ့ စာရိုက်တာ, ကားမောင်းတာ နဲ့ ရေထွက်ပစ္စည်းစက်ရုံတွေမှာ လုပ်ရင် သင့်လက်ကောက်ဝတ် နာကျင်တာတွေ carpel tunnel syndrome တွေပိုဖြစ်နိုင်ပါတယ်။ ဒါပေမယ့် ဂရုတစိုက်ရှိရင် ဒါမှမဟုတ် ရိုးရှင်းပြီး ထိရောက်တဲ့ လေ့ကျင့်ခန်းတွေလုပ်ပေးရင် သက်သာနိုင်ပါတယ်။

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    ရင်းမြစ်များ
    1. Wrist pain. https://medlineplus.gov/ency/article/003175.htm. Accessed December 25, 2016.
    2. Carpal tunnel syndrome. http://umm.edu/health/medical/reports/articles/carpal-tunnel-syndrome. Accessed December 25, 2016.
    3. Stretching Exercises to Help Prevent Carpal Tunnel Syndrome. http://www.webmd.com/pain-management/carpal-tunnel/stretching-exercises-for-preventing-carpal-tunnel-syndrome. Accessed December 25, 2016.
    4. 5 exercises to improve hand mobility. http://www.health.harvard.edu/pain/5-exercises-to-improve-hand-mobility-and-reduce-pain. Accessed December 25, 2016.

    Stretches to Ease Wrist and Arm Aches and Fatigue. http://www.webmd.com/fitness-exercise/stretches-to-ease-wrist-and-arm-fatigue. Accessed December 25, 2016.

    စာရေးသူ ဓာတ်ပုံbadge
    Phyo Wai Yan မှ ရေးသားသည်။ 09/01/2022 တွင် ပြန်လည်ပြင်ဆင်ခဲ့သည်။
    Hello Sayarwon Panel မှ အချက်အလက် စစ်ဆေးထားပါသည်။