Crowns ဆိုတာကတော့ ပျက်ဆီးနေတဲ့ သွားအပေါ်ကို ဖုံးထားရတဲ့ သွားပုံစံ အစွပ်ဖြစ်ပြီးသွားရဲ့ ပုံစံ၊ အရွယ်အစားကိုပြောင်းလဲပေးနိုင်တဲ့ပြင် သွားပိုသန်မာလာစေတဲ့ ကုသမှု နည်းလမ်း ဖြစ်ပါတယ်။ Crowns အများစုကတော့ ၅ နှစ်ကနေ ၁၅ နှစ်အထိခံပြီး သတ္တုများ၊ ကြွေထည်နဲ့ သတ္တုရောများ၊ ပလတ်စတစ်နဲ့ ကြွေသားတို့နဲ့ ပြုလုပ်ထားကြပါတယ်။ Crown မတပ်ခင်မှာ သွားဆရာဝန်ဟာ သွားနဲ့ သွားဖုံး တစ်ရှုးတွေကို ထုံဆေးပေးမှာ ဖြစ်ပြီး သွားကို Crown တပ်နိုင်စေဖို့ အတွက်ပါးမှာ ဖြစ်ပါတယ်။ သွားအထူ ဘယ်လောက်ကို တိုက်စားပစ်မလဲဆိုတာက ဘယ်လို Crown ကို သုံးမလဲဆိုတဲ့ အပေါ်မှာ မူတည်ပါတယ်။ အဲ့နောက်မှာတော့ Crown ကို သွားရဲ့ အပေါ်မှာ သွားအကုန်လုံးဖုံးသွားအောင် စွပ်ပြီး အထူးပြုလုပ်ထားတဲ့ ကော်နဲ့ ကပ်မှာ ဖြစ်ပါတယ်။
၄။ သွားအပေါ် ယံကြွေလွှာကို ပုံဖော်ခြင်း။
သွားအပေါ် ယံကြွေလွှာကို ပုံဖော်ခြင်းဆိုတာ မွေးရာပါသွားကိုပဲ ကြည့်ကောင်းစေရန်အတွက် ပုံဖော်တဲ့ နည်းစနစ် ဖြစ်ပါတယ်။ အကယ်၍ သင့်ရဲ့ သွားက အစလေးတွေပဲ့နေမယ်၊ သွားတွေက မညီမညာ ဖြစ်နေမယ်ဆိုရင် အသုံးပြုနိုင်ပြီး ဈေးချိုတဲ့ နည်းလမ်းတစ်ခုလည်း ဖြစ်ပါတယ်။ ဒီနည်းလမ်းကို အလျင်အမြန်ပြုလုပ်လို့ရပြီး များသောအားဖြင့် ကြွေလွှာပါးပြီး ပုံဖော်မှုကို သွားဖြူစေတဲ့ ကုသမှုတွေ၊ သွားအပေါ်ယံမှ အလွှာပါး အုပ်ခြင်း ( Dental veneers)၊ သွားများကို ပလတ်စတစ်ဖြင့် ကပ်ခြင်း စတဲ့ နည်းလမ်းတွေနဲ့ တွဲပြီး လုပ်လေ့ရှိကြပါတယ်။
၅။ သွားထိန်း (Braces)။
ကမ္ဘာပေါ်မှာ လူအနည်းငယ်လောက်ကပဲ ကံကောင်းစွာနဲ့ မွေးရာပါသွားတွေလှပစွာ မွေးဖွားလာကြတာပါ။ ကျန်တဲ့ လူအများစုရဲ့ သွားတွေ ဟာ မညီမညာဖြစ်နေတတ်ပါတယ်။ ဒါပေမဲ့ စိတ်ဓါတ်မကျပါနဲ့။ ဒီလို သွားမလှရင် သွားလှအောင် ပြုလုပ်ပေးနိုင်တဲ့ နည်းလမ်းတွေ ရှိပါတယ်။ ဒီအထဲက တစ်ခုကတော့ Braces လို့ခေါ်တဲ့ သွားထိန်းပါ။ သွားထိန်းတွေဟာ လိမ်ဖယ်နေတဲ့ သွားတွေ၊ ပုံစံမမှန်တဲ့ သွားတွေကို ပုံစံမှန်ရောက်အောင်ပြင်ဆင်ပေးနိုင်ပြီး လူငယ်ပဲ ဖြစ်ဖြစ် လူကြီးပဲ ဖြစ်ဖြစ် အပြုံးတွေကို ပိုမို လှပစေနိုင်ပါတယ်။ သွားထိန်းတွေဟာ သွားတွေကို ညီညာတဲ့ ပုံစံတစ်ခု ဖြစ်လာအောင် တိကျတဲ့ ဖိအားတစ်ခုနဲ့ သွားတွေကို ရွေ့ပေးနိုင်တဲ့ ပစ္စည်းတွေ ဖြစ်ပြီး သွားရွေ့သွားတာနဲ့ သွားစွပ်အရိုးတွေလည်း လိုက်ရွေ့လာမှာ ဖြစ်ပါတယ်။ သွားထိန်း တပ်ဆင်ဖို့ အတွက် အသက်အရွယ်နဲ့ မဆိုင်ပါဘူး။ လုပ်ဆောင်ရတဲ့ နည်းစနစ်တွေဟာ လူကြီးတွေရော ကလေးတွေမှာပါ အတူတူပါပဲ။ အဓိကကွာခြားချက်ကတော့ လူကြီးပိုင်းအရွယ်ရောက်လာရင် အရိုးတွေက ဆက်မရှည်တော့တဲ့ အတွက် သွားထိန်းတပ်ရတဲ့ အချိန်ပိုကြာတာပဲ ရှိမှာ
ဖြစ်ပါတယ်။ သွားထိန်း အမျိုးအစားအနေနဲ့ သတ္တုတွေကို အများဆုံးအသုံးပြုကြပေမဲ့ သိပ်မသိသာတဲ့ သွားထိန်း အကြည်တွေကိုလည်း အသုံးပြုနိုင်မှာပါ။ သွားထိန်းတွေကို သွားအရောင်၊ အရောင်စုံ စသဖြင့် တပ်ဆင်နိုင်ပြီး မမြင်ရအောင်လို့ သွားရဲ့ နောက်ဘက်ပိုင်းမှာပါ တပ်ဆင်နိုင်ပါသေးတယ်။
၆။ သွားဖြူစေနိုင်တဲ့ ကုသမှု။
တောက်ပနေတဲ့ အပြုံးလေးတွေ ပိုင်ဆိုင်ချင်တဲ့ သူတွေအတွက် သွားတိုက်ဆေးတွေ၊ ပလုတ်ကျင်းဆေးတွေ၊ ဂျယ်လ်တွေ၊ ချွတ်ဆေးတွေ၊ သွားဖြူစေတဲ့ အစွတ်တွေ အမျိုးမျိုး ရှိပါတယ်။ ဒါပေမဲ့ ဒီကုသမှုတွေကို ကျန်းမာတဲ့သွားတွေနဲ့ သွားမပြုမပြင်ထားတဲ့ လူတွေသာလျှင် အသုံးပြုနိုင်မှာ ဖြစ်ပါတယ်။ သွားဝါနေတဲ့ လူတွေအတွက် ဒီနည်းလမ်းဟာ အကောင်းဆုံးဖြစ်ပြီး ဘယ်လို နည်းလမ်းက သင့်အတွက် အဆင်ပြေဆုံး ဖြစ်မလဲဆိုတာ ဆရာဝန်နဲ့ အရင်တိုင်ပင်သင့်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။