COVID-19 ဗိုင်းရပ်စ် ထက် ပိုကြောက်စရာကောင်းတဲ့အရာ?

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

နောက်ဆုံးရသတင်းများအရ COVID-19 ဗိုင်းရပ်စ်ဟာ ကမ္ဘာတစ်ဝန်းမှာ လူ ၂၇၀၀ ကျော်ကူးစက်ခံနေရပြီး သေဆုံးသူအရေအတွက်မှာ ၈၀ ကျော်သွားခဲ့ပြီဖြစ်ပါတယ်။

နိုင်ငံအသီးသီးက အုပ်ချုပ်ရေး၊ ကျန်းမာရေး အကြီးအကဲတွေဟာ ရောဂါပိုးကို ထိန်းသိမ်းနိုင်ဖို့အတွက် နည်းလမ်းမျိုးစုံနဲ့ ကြိုးစားနေကြတဲ့အချိန်မှာ COVID-19  ဗိုင်းရပ်စ်နဲ့ယှဉ်ပြီး ကြောက်စရာကောင်းတဲ့ အရာတစ်ခုကိုပါ ပူးတွဲ ရင်ဆိုင်နေရပါတယ်။

ဒါကတော့ infodemic လို့ခေါ်တဲ့ သတင်းစကားအမှားတွေ ချဲ့ကားခြင်း ပြဿနာပါ။
Epidemic ဆိုတာကတော့ ကူးစက်မြန်၊ ထိန်းချုပ်ဖို့ ခက်ခဲတဲ့ ကပ်ရောဂါတစ်ခု အချိန်ကာလ တစ်ခုမှာ ဖြစ်ပွားတာကို ဆိုလိုတာဖြစ်ပြီးတော့ သူနဲ့ ဆင်တူတဲ့ အသုံးအနှုန်း infodemic ကတော့ ပြဿနာတစ်ခုပေါ် အခြေခံပြီး ချဲ့ကားလာတဲ့ သတင်းစကားတွေကြောင့် ရှိရင်းစွဲ ပြဿနာကိုပါ ဖြေရှင်းဖို့ ပိုခက်ခဲလာနိုင်တဲ့ အခြေအနေတစ်ခုကို ခေါ်ပါတယ်။
ကိစ္စတစ်ခုဖြစ်လာတိုင်း ကောလဟာလတွေလည်း ယှဉ်ပြီးပါလာတယ်ဆိုတာ ထူးဆန်းတာတော့ မဟုတ်ပေမဲ့ ပူပန်ကြောက်ရွံ့နေကြတဲ့ လူတွေရဲ့ စိတ်ကို အမြတ်ထုတ် အခွင့်ကောင်းယူပြီး သတင်းတွေ ချဲ့ကားပြီး ရေးကြတဲ့၊ သတင်းအမှန် အမှား မစစ်ဆေးဘဲ ရေးနေကြတဲ့ မီဒီယာတွေဟာ အများအပြားရှိနေပါတယ်။

ဒါကြောင့် သတင်းအမှားတွေရော၊ အတည်ပြုဖို့အတွက် စောင့်ဆိုင်းနေဆဲ သတင်းတွေကိုပါ တစ်စုတစ်စည်းထဲဖော်ပြပေးလိုက်ပါတယ်။

၁။ အရက်ဟာ COVID-19  ဗိုင်းရပ်စ်ကို သေစေနိုင်တယ်။

ဆိုရှယ်မီဒီယာတွေအပေါ်မှာ ဦးဆုံး ပျံ့နှံ့လာတဲ့ သတင်းအမှားတွေထဲက တစ်ခုဖြစ်ပါတယ်။ အရက်သောက်ခြင်းဟာ ကူးစက်ရောဂါကို ပျောက်ကင်းစေနိုင်တယ်ဆိုတာ အခြေအမြစ်မရှိတဲ့ သတင်းတစ်ခုသာဖြစ်ပါတယ်။

၂။ HIV ရောဂါတွင် အသုံးပြုသော ဆေးများဖြင့် COVID-19  ဗိုင်းရပ်စ်ကို ကုသ အောင်မြင်နေပြီ။

HIV ရောဂါပိုးကြောင့် ခုခံအားကျဆင်းတဲ့အခါဖြစ်လာတဲ့ ပြင်းထန်အဆုတ်ရောင်ရောဂါမှာ အသုံးပြုတဲ့ ဆေးတွေကို COVID-19 ဗိုင်းရပ်စ်ကို ကုသတဲ့နေရာမှာ စမ်းသပ်ထည့်သွင်း အသုံးပြုနေတယ်ဆိုတာ မှန်ပေမယ့် ရောဂါပိုးကို အမြစ်ပြတ်အောင် ကုသနိုင်ခြင်း ရှိမရှိကတော့ အတည်မပြုရသေးပါဘူး။

၃။ ရောဂါလက္ခဏာမပြသေးဘဲ (ရောဂါပျိုးချိန်) လူတစ်ဦးပေါ်တစ်ဦး ကူးစက်နိုင်တယ်။

ရောဂါစတင်ကူးစက်ခံရတဲ့အချိန်နဲ့ ရောဂါလက္ခဏာတွေစပြတဲ့အချိန် ကြားထဲက ကြားကာလကို ရောဂါပျိုးချိန် (incubation period) လို့ခေါ်ပါတယ်။ ခု COVID-19 ဗိုင်းရပ်စ်အတွက် ရောဂါပျိုးချိန်ကို တိတိကျကျမသိရသေးပေမယ့် ၁၀ ရက်ကနေ ၁၄ ရက်အတွင်းဖြစ်နိုင်တယ်လို့ ယူဆထားကြပါတယ်။
ရောဂါပိုးတစ်ခုဟာ ရောဂါလက္ခဏာပြနေတဲ့သူဆီကပဲ ကူးစက်နိုင်တာပါတယ်လို့ သိထားရာကနေ နောက်ဆုံး ယူဆချက်တွေအရ COVID-19 ဗိုင်းရပ်စ်ပိုးကူးစက်ခံထားရပေမဲ့ ရောဂါလက္ခဏာမပြသေးတဲ့ ကျန်းမာနေတဲ့ လူတစ်ယောက်ဆီကလည်း ကူးစက်နိုင်တယ်ဆိုတဲ့ သတင်းထွက်ပေါ်လာပါတယ်။ အတည်ပြုဖို့လိုအပ်နေတဲ့ အချက်ဖြစ်တဲ့အတွက်လည်း အလွန်အမင်း ကြောက်ရွံ့တာတွေ မဖြစ်ဖို့ သတိပေးချင်ပါတယ်။

၄။ မျက်လုံးကနေလည်း ကူးစက်နိုင်ပါတယ်။

ဒီအချက်ကတော့ မှန်ပေမယ့် လူအများ မှားယွင်းယူဆနေကြပါတယ်။ မျက်လုံးချင်း ဆုံမိလိုက်တာနဲ့ ကူးတာမျိုးမဟုတ်ဘဲ ရောဂါပိုးကို ကိုင်မိထားတဲ့လက်နဲ့ မျက်လုံးကို ပွတ်မိတဲ့ အချိန်မျိုးမှာ ကူးစက်နိုင်တာကို ဆိုလိုခြင်းဖြစ်ပါတယ်။
ဒါကြောင့် လက်ဆေးဖို့ အရမ်းအရေးကြီးပါတယ်။

၅။ COVID-19 ဗိုင်းရပ်စ်ဟာ ချက်ချင်းဆိုသလို ဗိုင်းခနဲ လဲကျသေဆုံးစေနိုင်တယ်။

ဖေ့ဘွတ်မှာ ပျံ့နှံ့နေတဲ့ လူတွေ ရုတ်တရက်ဆိုသလို လဲကျသွားတဲ့ ဗီဒီယိုတွေဟာ လူတွေကို မလိုအပ်ဘဲ အထိတ်တလန့်ဖြစ်စေပါတယ်။
ဗိုင်းရပ်စ်ကြောင့်ဖြစ်တဲ့ ရောဂါတွေဟာ ရုပ်ရှင်တွေထဲကလို ရုတ်တရက်သေဆုံးနိုင်ချေ အလွန်နည်းပါးပါတယ်။ ရောဂါလက္ခဏာက ကူးစက်ခံရပြီးချင်း ချက်ချင်းပေါ်လာတာမျိုးလည်း မဟုတ်ပါဘူး။

၆။ COVID-19 ဗိုင်းရပ်စ် ပျံ့ပွားမှုဟာ အလွန်အမင်း ကြောက်လန့်ရမယ့် အချိန်တစ်ခုကိုရောက်နေပြီ။

COVID-19 ဗိုင်းရပ်စ်ဟာ လူမှလူကို ကူးနိုင်သည်ဆိုတဲ့ အချက်ကို အသိနောက်ကျခြင်း၊ စတင်ဖြစ်ပွားတဲ့ အချိန်ဟာ လူအများ ခရီးသွားလာမှုများတဲ့ တရုတ်နှစ်သစ်ကူးအချိန်အခါတွင်ဖြစ်နေခြင်း၊ ဝူဟန်မြို့သည် လူနေထူထပ်ပြီး ခရီးသွားများတဲ့ဒေသဖြစ်ခြင်း၊ ရောဂါရှာဖွေအတည်ပြုရန် ခက်ခဲခြင်း ကြောင့် ကူးစက်မှုနှုန်းဟာ လျင်မြန်ပေမဲ့ သေဆုံးမှုနှုန်းဟာ ယခုချိန်မှာ ကူးစက်သူစုစုပေါင်းရဲ့ ၁၀ ရာခိုင်နှုန်းအောက်မှာ သာရှိနေပါတယ်။

ယခုဖြစ်ပွားနေတဲ့ COVID-19 ဗိုင်းရပ်စ်နဲ့ အုပ်စုတူ ၂၀၀၂ ကဖြစ်ခဲ့တဲ့ ပြင်းထန်အဆုတ်ရောင်ရောဂါ (SARS) ရဲ့ သေဆုံးမှုနှုန်းမှာ ၁၅ ရာခိုင်နှုန်းရှိခဲ့ပြီး အရှေ့အလယ်ပိုင်းဒေသအဆုတ်ရောင်ရောဂါ (MERS) ရဲ့ သေဆုံးမှုနှုန်းမှာတော့ အဆိုးရွားဆုံးချိန်မှာ ၃၅ ရာခိုင်နှုန်း ကျော်လွန်ခဲ့ပါတယ်။
ရှေ့ကဖြစ်ခဲ့ဖူးတဲ့ ရောဂါပိုးနှစ်ခုနဲ့ ယှဉ်ရင် COVID-19  ဗိုင်းရပ်စ်ဟာ ကူးစက်မှုနှုန်း ပိုမြန်ဆန်ပေမယ့် သေဆုံးမှုနှုန်း၊ ရောဂါပြင်းထန်မှုကတော့ လျော့နည်းနေပါသေးတယ်။

မဖြစ်ခင်မှာ ကြိုတင်ကာကွယ်နိုင်အောင် သတင်းတွေကို သိထားတာဟာ ကောင်းပေမယ့် သတင်းအမှားတွေကြောင့် စိုးရိမ်ထိတ်လန့်နေတာတော့ မဖြစ်သင့်ပါဘူး။ ဆိုရှယ်မီဒီယာတွေ တွင်ကျယ်လာတဲ့ခေတ်မှာ လူတွေရဲ့ စိတ်အခြေအနေကို အခွင့်ကောင်းယူပြီး အမြတ်ထုတ်မယ့် အွန်လိုင်းမီဒီယာတွေရဲ့ သားကောင်တွေမဖြစ်စေဖို့ သတိပေးရင်း သတင်းစစ်၊ သတင်းမှန်တွေကို Hello Sayarwon Facebook page, ဝက်ဆိုဒ်ကနေဖြစ်စေ၊ တခြား မှန်ကန်တိကျတဲ့ သတင်းမီဒီယာတွေကနေ ဖြစ်စေ စောင့်ကြည့်ကြဖို့ တိုက်တွန်းချင်ပါတယ်။

Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ဘက်တီးရီးယားပိုးကြောင့် အဆုတ်ရောင်ခြင်း

ဘက်တီးရီးယားပိုးကြောင့် အဆုတ်ရောင်ရမ်းခြင်းသည် အဆုတ်တစ်ပိုင်း ဒါမှမဟုတ် အဆုတ်တစ်ခုလုံးမှာ ဖြစ်တတ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

ကိုရိုနာဗိုင်းရပ်စ်များအကြောင်း

ကိုရိုနာဗိုင်းရပ်စ်တွေမှာ မျိုးကွဲအများကြီးရှိပြီး MERS-CoV၊ SARS-CoVနဲ့ SARS-CoV-2က အပြင်းထန်ဆုံး ဖြစ်ပါတယ်။ မားစ်၊ ဆားစ်နဲ့ COVID-19ကို ဖြစ်စေပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

FDA ခွင့်ပြုချက်ရသွားပြီဖြစ်တဲ့ ကိုဗစ်အတွက်ဆေး ‘Remdesivir’

Remdesivir ဆိုတာ ကိုဗစ်ရောဂါကို ကုသတဲ့နေရာမှာ အသုံးပြုရန်အတွက် စမ်းသပ်နေဆဲဆေးဖြစ်ပါတယ်။ပြီးခဲ့တဲ့အပတ်က FDAက တရားဝင်ခွင့်ပြုချက်ပေးလိုက်ပြီလို့ သိရပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 29, 2020 . 2 mins read

ကြက်ညှာချောင်းဆိုးရောဂါ အချိန်မှီကာကွယ်ပါ

ကြက်ညှာချောင်းဆိုးရောဂါ ကူးစက်တဲ့ရောဂါ ကိုယ်အလေးချိန် မေးခိုင် ရောဂါ ဦးနှောက်အမြှေးရောင် ရောဂါလက္ခဏာများ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint

သင့်အတွက် ရွေးချယ်ထားသည်

how-this-empath-copes-with-shocking-events မျှဝေခံစားလိုစိတ်

အခက်ခဲဆုံးအချိန်တွေကို မျှဝေခံစားလိုစိတ် နဲ့ ကျော်ဖြတ်ပါ

ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 23, 2021 . 2 mins read
ကိုဗစ်ကာကွယ်ဆေး နဲ့ myths များစွာ

ကိုဗစ်ကာကွယ်ဆေး နဲ့ myths များစွာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 20, 2021 . 3 mins read
အဖြစ်များတဲ့ အသက်ရှူလမ်းကြောင်း ပိုးဝင်ခြင်းများ

အဖြစ်များတဲ့ အသက်ရှူလမ်းကြောင်း ပိုးဝင်ခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဇန်နဝါရီ 14, 2021 . 3 mins read
COVID-19 ပိုးကို ထိမ်းချုပ်နိုင်မယ့် သောက်ဆေးပေါ်ထွက်လာတော့မလား

COVID-19 ပိုးကို ထိန်းချုပ်နိုင်မယ့် သောက်ဆေးပေါ်ထွက်လာတော့မလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဒီဇင်ဘာ 10, 2020 . 2 mins read