သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

သွေးတိုး၊ ဆီးချိုကို ထိန်းနိုင်မယ့် ဆေးဖက်ဝင်ပစ္စည်း (၇) မျိုး

သွေးတိုး၊ ဆီးချိုကို ထိန်းနိုင်မယ့် ဆေးဖက်ဝင်ပစ္စည်း (၇) မျိုး

ဆီးချိုသွေးချိုရောဂါရှိနေပြီဆိုတာနဲ့ အရင်လို စားလို့သောက်လို့မရတော့သလို နေထိုင်သွားလာလှုပ်ရှားမှုတွေမှာလည်း သတိထားဆင်ခြင်လာရပါတယ်။ သွေးတိုးနဲ့ဆီးချိုဆိုတာ မထိန်းသိမ်းလို့မဖြစ်တဲ့ အန္တရာယ်ကြီးတဲ့ရောဂါအခြေအနေတွေဖြစ်ပါတယ်။

သွေးတိုးကျစေနိုင်တဲ့တိုင်းရင်းဆေးနည်းတွေကို တော်တော်များများသိကြပေမယ့် သွေးတိုးကိုရော ဆီးချိုကိုပါ ထိန်းညှိပေးနိုင်တဲ့ဆေးဖက်ဝင်ပစ္စည်းတွေရှိနေသေးတယ်ဆိုတာ သိစေချင်ပါတယ်။ ဒါတွေက ဟင်းခတ်အမွှေးအကြိုင်တွေအဖြစ် အသုံးများလို့ ဟင်းထဲထည့်ချက်ရုံနဲ့ဆေးဖက်ဝင်အာနိသင်တွေရနိုင်ပါတယ်။

(၁) ပင်စိမ်း

အနံ့ပြင်းရှရှနဲ့ ထမင်းမြိန်စေတတ်တဲ့ ပင်စိမ်းရွက်က သွေးတိုးကျစေနိုင်ပါတယ်။ ဟင်းချို၊ အသုပ် စတာတွေမှာ ပင်စိမ်းလေး ထည့်ခတ်စားရရင် ခံတွင်းလည်းတွေ့၊ ကျန်းမာရေးအတွက်လည်းကောင်းပါတယ်တဲ့။

(၂) သစ်ကြံပိုးခေါက်

သစ်ကြံပိုးခေါက်က သွေးတိုးကိုကျစေတဲ့အပြင် ဆီးချိုသမားတွေဟာလည်း နေ့တိုင်း တစ်နည်းနည်းနဲ့ ထည့်သွင်းစားသုံးသင့်တယ်လို့ ဆိုကြပါတယ်။

(၃) နှမ်းကြတ်စေ့

နှမ်းကြတ်စေ့မှာ Omega-3 fatty acids ကြွယ်ဝပါတယ်။ Omega-3 fatty acids က သွေးတိုးကျစေတဲ့အပြင် နှလုံးသွေးကြောမာရောဂါမဖြစ်အောင်ကာကွယ်ပေးနိုင်တယ်လို့သိရပါတယ်။ ကိုလက်စထရောလျော့ကျစေတဲ့အချက်နဲ့ လူသိများပြီး ဂလူးကို့စ်ခံနိုင်ရည်ကိုတိုးတက်စေပါတယ်။

(၄) ကြက်သွန်ဖြူ

ကြက်သွန်ဖြူက ခံတွင်းနံ့ဆိုးစေနိုင်တယ်ဆိုပေမယ့် ကျန်းမာရေးအကျိုးကျေးဇူးက များပါတယ်။ သူက သွေးကြောတွေကိုချဲ့ပေးပြီး သွေးလည်ပတ်မှုကိုကောင်းစေလို့ သွေးတိုးကိုကျစေပါတယ်။

(၅) ချင်း

စားတဲ့အထဲမှာ ချင်းအနည်းငယ်ထည့်စားပေးခြင်းအားဖြင့် သွေးတိုးကိုထိန်းညှိပေးနိုင်ပါတယ်။ သွေးကြောတွေကိုပြေလျော့စေပြီး သွေးလည်ပတ်မှုကိုကောင်းစေပါတယ်။ ချင်းသုပ်လေးသုပ်စားတာလည်း ဆေးဖက်ဝင်ပါတယ်။

(၆) နံနံစေ့

နံနံစေ့ဟာ ဆီးရွှင်စေပြီး သွေးတိုးကျစေတယ်လို့ တရုတ်တွေက ယုံကြည်ကြပါတယ်။ ဟင်းထဲမှာ၊ စွပ်ပြုတ်၊ဟင်းရည်စတာတွေမှာထည့်သုံးကြပါတယ်။ တရုတ်နံနံပင်ရော၊ အစေ့မှာပါ ကျန်းမာရေးအကျိုးကျေးဇူးတွေအများကြီးပါဝင်နေပါတယ်။

(၇) ဖာလာစေ့

ဖာလာစေ့ကိုနေ့တိုင်းစားသုံးပေးရင် သွေးတိုးကိုကျစေပြီး ဆီးချိုကိုပါထိန်းညှိပေးနိုင်ပါတယ်။ ဒါကို ဟင်းခတ်အမွှေးအကြိုင်အဖြစ်နဲ့သုံးစွဲနေကျ အာရှမှာတော့ ဟန်ကျလှပါတယ်။

Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

health-tool-icon

ရှိသင့်သည့် နှလုံးခုန်နှုန်း တွက်ချက်ကိရိယာ

သင့်အသက်အလိုက် နားနေချိန်နှင့် လှုပ်ရှားချိန်မှာ ရှိရမယ့် နှလုံးခုန်နှုန်းက ဘယ်လောက်လဲဆိုတာ တွက်ချက်လိုက်ပါ။ နှလုံးခုန်နှုန်းကို လေ့ကျင့်ခန်းနှင့် အခြားအချက်များက ဘယ်လိုသက်ရောက်စေသလဲဆိုတာာကို လေ့လာလိုက်ပါ။

အမျိုးသား

အမျိုးသမီး

မည်သူ့အတွက် စစ်ဆေးမည်နည်း။

နားနေချိန်မှာ ရှိသည့် နှလုံးခုန်နှုန်း (တစ်မိနစ်လျှင် အကြိမ်ရေ)

60

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

စာရေးသူ ဓာတ်ပုံbadge
Yun Sandi Nan Mon မှ ရေးသားသည်။ 16/09/2020 တွင် ပြန်လည်ပြင်ဆင်ခဲ့သည်။
Dr. Thurein Hlaing Win မှ အချက်အလက် စစ်ဆေးထားပါသည်။