တေးဂီတဆိုတာ ကျွန်တော်တို့ လူ့စိတ်အာရုံကို ရသမျိုးစုံ ပြောင်းလဲပေးနိုင်တဲ့ အစွမ်းအာနိသင်ပါဝင်ပါတယ်။ ကိုယ်နားထောင်လိုက်တဲ့ သီချင်းပေါ်မူတည်ပြီး အကောင်းအတိုင်း ဖြစ်နေတဲ့ စိတ်က ဝမ်းနည်းသွားတာမျိုး၊ တွေဝေသွားတာမျိုး၊ စိတ်ဓာတ်ကျနေတဲ့အချိန်ဆိုလည်း စိတ်အားပြန်တက်လာတာမျိုး၊ အဲ့လိုမျိုး စိတ်ခံစားချက်အပြောင်းအလဲများစွာကို လျင်မြန်စွာ ဖြစ်စေတဲ့ ပဲ့ကိုင်ရှင်ဆိုလည်း မမှားပါဘူး။
ခုပြောပြတဲ့ တီးလုံးတွေဟာ သဘာဝ လေတိုက်သံ၊ ရေစီးသံ၊ ရေစက်တဖျောက်ဖျောက် ကျတဲ့အသံ၊ လေတိုးတိုးလေး ချွန်လိုက်တဲ့အသံ၊ စန္ဒရားသံ၊ ပုလွေသံ အစရှိသဖြင့် တီးလုံးချည်းသက်သက်ကို ထည့်သွင်းထားတာဖြစ်ပြီး နားထောင်တဲ့သူအတွက်လည်း စိတ်တည်ငြိမ်စေကာ ညစ်နေတဲ့စိတ်တွေ၊ စိတ်ဖိစီးမှုတွေကို ပြေလျော့စေပြီး ကြွက်သားညောင်းညာကိုက်ခဲတာကိုလည်း သက်သာစေနိုင်ပါတယ်။ အဓိကကတော့ ဦးနှောက်အာရုံကြောစနစ်ကို တေးဂီတက သက်ရောက်မှုဖြစ်စေပြီး နားထောင်နေတဲ့လူကို လျင်မြန်စွာ အိပ်ပျော်နိုင်စေဖို့ ကူညီပေးပါတယ်။
အနည်းဆုံးတော့ ညတိုင်းအိပ်ဆေးသောက်ပြီး အိပ်နေရတဲ့အခါ ကြုံလာနိုင်တဲ့နောက်ဆက်တွဲ ကျန်းမာရေးပြဿနာတွေ၊ အိပ်ရေးပျက်တာများလေ ကိုယ်ခံအားနည်းလေ၊ ရောဂါတွေ ပိုဖြစ်လေ စတဲ့အဖြစ်တွေနဲ့ဝေးသွားနိုင်သလို အန္တရာယ်အကင်းဆုံးနဲ့ ကိုယ့်စိတ်ကို တည်ငြိမ်အေးချမ်းစေပြီးကောင်းစွာ အိပ်စက်အနားယူနိုင်စေဖို့ ထိရောက်စွာ ကူညီပေးနိုင်တဲ့နည်းလမ်းဆိုလည်း မမှားပါဘူး။
ဘာတွေ ပြင်ဆင်ဖို့လိုအပ်လဲ။
၁။ အရင်ဆုံး ကိုယ်အိပ်နေတဲ့ အိပ်ခန်းသည် မှောင်နေပြီး အသံလုံကာ တိတ်ဆိတ်နေဖို့ လိုပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။