- ကျန်းမာရေးကောင်းစေခြင်း၊
- နာကျင်မှုကို ပြေလျော့စေခြင်း၊
- ခန္ဓာကိုယ်တွင်း ဟန်ချက်ကို ပြန်လည်ထိန်းချုပ်နိုင်ခြင်းတို့ကို ဖြစ်စေနိုင်တယ်လို့ ယုံကြည်ထားကြပါတယ်။
Reflexology ဆိုတာ လူခန္ဓာကိုယ်ထဲက အစိတ်အပိုင်းတွေဟာ တစ်ခုနဲ့ တစ်ခု ဘယ်လိုဆက်သွယ်နေသလဲဆိုတာ လေ့လာတဲ့ ပညာရပ်ဖြစ်ပါတယ်။ ဥပမာ ခန္ဓာကိုယ်ရဲ့ လက်ပေါ်က ဖိအားမှတ်တွေကို နှိပ်ပေးခြင်းဖြင့် နာကျင်မှုကို ပြေလျော့စေမှာ ဖြစ်ပါတယ်။
တကယ်လို့ မိတ်ဆွေလည်း ဒီလို နေရာတွေကို သိထားပြီး မှန်မှန်ကန်ကန် နှိပ်တတ်မယ်ဆိုရင် ခေါင်းကိုက်ခြင်းကို အထိုက်အလျောက် ကုသနိုင်မှာပါ။ ဒီစာထဲမှာတော့ သိပ္ပံနည်းအရ မှန်ကန်တဲ့ ဖိအားမှတ်တွေနဲ့ ဘယ်လို မှန်မှန်ကန်ကန် နှိပ်ရမလဲ ဆိုတဲ့ နည်းလမ်းတွေကိုပါ ဖော်ပြပေးသွားမှာပါ။
သိပ္ပံနည်းအရ ဖိအားမှတ်တွေနဲ့ ခေါင်းကိုက်လာရင် နှိပ်ပေးသင့်တဲ့ နေရာများ
Reflexology ကိုသုံးပြီး ခေါင်းကိုက်ခြင်းကို ကုသတယ်ဆိုတာနဲ့ ပတ်သတ်ပြီး ကျယ်ကျယ်ပြန့်ပြန့် လေ့လာထားတဲ့ နည်းစနစ်တော့ အခုချိန်ထိ မရှိသေးပါဘူး။ ဒါပေမဲ့ ခေါင်းနဲ့ ပုခုံးပေါ်က အမှတ်တွေကို နှိပ်ပေးခြင်းဖြင့် ခေါင်းကိုက်ခြင်းကို ပျောက်ကင်းစေနိုင်ကြောင်း လေ့လာထားတဲ့ လေ့လာချက်အနည်းငယ်တော့ ရှိနေပါတယ်။
တစ်ပတ်ကို ၂ ကြိမ်ကနေ ၃ ကြိမ် ပြင်းထန်စွာ ခေါင်းကိုက်နေတဲ့ လူလတ်ပိုင်း အရွယ်တွေကို နှိပ်နယ်ပေးခြင်းက ဘယ်လိုကူညီပေးနိုင်သလဲဆိုတာကို အဖွဲ့အစည်းတစ်ခုက ၂၀၀၂ ခုနှစ်မှာတော့ လေ့လာခဲ့ပါတယ်။ အဲ့ဒီလေ့လာချက်မှာတော့ နှိပ်နယ်ပေးခြင်းက ကုသမှုပထအအပတ်အတွင်းမှာ ခေါင်းကိုက်ခြင်း အကြိမ်အရေအတွက်ကို လျှော့ချပေးနိုင်ကြောင်းတွေ့ရှိခဲ့ပါတယ်။
ကုသမှု အပြီးမှာတော့ လူနာတွေဟာ တစ်ပတ်ကို ၇ ကြိမ်ခေါင်းကိုက်နေရာမှ တစ်ပတ်ကို ၂ ကြိမ်သာ ခေါင်းကိုက်တော့ကြောင်းတွေ့ရှိခဲ့ပါတယ်။ ဒါ့အပြင်လူနာတွေရဲ့ ခေါင်းကိုက်ကြာချိန်ကလည်း တစ်ပတ် ၈ နာရီမှ ၄ နာရီ အထိ ကျဆင်းသွားကြောင်းတွေ့ရှိခဲ့ကြပါတယ်။
တခြားသော လေ့လာချက်တွေမှာလည်း နာတာရှည်ခေါင်းကိုက်နေတဲ့သူတွေကို ကျွမ်းကျင်လက်မှတ်ရထားတဲ့ အနှိပ်သည်များက နှိပ်ပေးတဲ့အခါမှာ ခေါင်းကိုက်တဲ့ အကြိမ်အရေအတွက်၊ ကြာချိန် နဲ့ ခေါင်းကိုက်မှု ပြင်းအားကိုပါ လျှော့ချပေးနိုင်ကြောင်း တွေ့ရှိခဲ့ကြပါတယ်။ Hello Sayarwon ပရိတ်သတ်ကြီးထဲမှာလည်း ခေါင်းပုံမှန်ကိုက်တတ်သူတွေ ရှိရင် ခဏတာ သက်သာစေရန်အတွက် အာရုံကြောကို လှုံ့ဆော်ပေးနိုင်တဲ့ အမှတ်များကို ဖော်ပြလိုက်ပါတယ်။
ခေါင်းကိုက်လာရင် နှိပ်ပေးသင့်တဲ့ နေရာများ
ခေါင်းကိုက်ခြင်းကို ပျောက်ကင်းစေနိုင်တယ်လို့ သတ်မှတ်ထားတဲ့ လှုံ့ဆော်မှတ်တွေ ခန္ဓာကိုယ်မှာ ရှိပါတယ်။ အဲ့ဒီအမှတ်တွေကတော့
၁။ လက်မနဲ့ လက်ညိုးကြားက လက်ကြား အရေပြား တွင်ရှိသောအမှတ် (Union valley)။
Union valley ဆိုတာ လက်မနဲ့ လက်ညိုးကြားက လက်ကြား အရေပြား မှာ တည်ရှိတဲ့ လှုံ့ဆော်မှတ်ပါ။ ခေါင်းကိုက်တာကိုကုဖို့အတွက်တော့
- ဒီနေရာကို တစ်ဖက်လက်က လက်မနဲ့ လက်ညိုးဖြင့် အားပါပါ နဲ့ မနာကျင်စေဘဲ ၁၀ စက္ကန့် ခန့် ဖိပေးထားပါ။
- အဲ့နောက် လက်မဖြင့် Union valley ကြားကို စက်ဝိုင်းပုံစက် နာရီလက်တံအတိုင်း ၁၀ စက္ကန့်ခန့် လှည့်ပေးပါ။
- ထို့နောက် နာရီလက်တံလားရာ ဆန့်ကျင်ဘက်ဖြင့် ၁၀ စက္ကန့် ခန့်လှည့်ပေးပါ။
- ထို့နောက်တစ်ဖက်လက်မှ Union valley မှတ်ကို အပေါ်က လုပ်ဆောင်ပုံတွေ အတိုင်း ပြန်ပြုလုပ်ပေးပါ။
- များသောအားဖြင့် တင်းအားများကြောင့် ခေါင်းကိုက်ရတာပါ။ ဒီ လက်မနဲ့ လက်ကြားက အမှတ်ဟာ ခေါင်းနဲ့လည်ပင်းမှာရှိတဲ့ တင်းအားတွေကို ဖြေလျှော့ပေးနိုင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။