CoQ10 ဟာ စွမ်းအင်မြှင့်တင်ပေးခြင်း၊ ဓာတ်တိုးပျက်စီးခြင်းကို လျှော့ချပေးခြင်း၊ နှလုံးလုပ်ငန်းတာဝန်များကို တိုးတက်ကောင်းမွန်စေခြင်း စတဲ့အာနိသင်တွေ ရှိပါတယ်။
အမျိုးသမီးတွေဟာ အသက်အရွယ်ကြီးလာတာနဲ့အမျှ သားဥထွက်ပေါ်မှုနှုန်း ကျသွားပြီး ကလေးရနိုင်မှုလည်း လျော့နည်းလာနိုင်ပါတယ်။ CoQ10 သုံးစွဲရင် ဒီပြဿနာကို အတိုင်းအတာတခုအထိ ကာကွယ်ပေးနိုင်ပါတယ်။ အမျိုးသားတွေမှာလည်း အသက်ကြီးလာတဲ့အခါ သုက်ရည်သုက်ပိုးနဲ့ ပတ်သက်တဲ့ အရည်အသွေးတွေ ကျဆင်းလာနိုင်ပါတယ်။ CoQ10 ဟာ ဓာတ်တိုးဆန့်ကျင် အာနိသင်ရှိတာမို့ အမျိုးသားများ သုက်ပိုးအရည်အသွေးကောင်းစေပြီး ကလေးရနိုင်ခြေများစေဖို့ အထောက်အကူပြုပါတယ်။
အသားအရေကို နုပျိုစေခြင်း
အသားအရေကို ထိခိုက်ပျက်စီးစေတဲ့ အရာတွေဟာ ပြင်ပမှာ (ဥပမာ ခရမ်းလွန်ရောင်ခြည်) ရှိသလို ကိုယ်ခန္ဓာအတွင်းပိုင်းမှာလည်း (ဥပမာ ဆဲလ်များ ပျက်စီးခြင်း၊ ဟော်မုန်းမမျှတခြင်း) ရှိတတ်ပါတယ်။ CoQ10 ပါတဲ့အဆီကို အရေပြားပေါ်မှာ တိုက်ရိုက်လိမ်းပေးရင် အရေပြားဆဲလ်တွေကို စွမ်းအင်ပေးပြီး ဓာတ်တိုးထိခိုက်ခြင်းကိုလည်း လျှော့ချပေးပါတယ်။ အရေပြားကို ပြင်ပကရော အတွင်းပိုင်းကပါ ဒုက္ခပေးနိုင်တဲ့ အရာတွေကို ကာကွယ်နိုင်ပါတယ်။
CoQ10 ဟာ ခေါင်းကိုက်ခြင်း၊ ခေါင်းတခြမ်းကိုက်ခြင်းကို သက်သာစေပါတယ်။ ဦးနှောက်အာရုံကြောဆဲလ်တွေ စွမ်းအင်လျော့နည်းတဲ့အခါ ခေါင်းကိုက်ခြင်းကို ဖြစ်စေနိုင်ပါတယ်။ CoQ10 ဟာ ဦးနှောက်ဆဲလ်တွေကနေ ဖရီးရယ်ဒီကယ်ထွက်ခြင်းကို လျှော့ချပေးပြီး ဓာတ်တိုးဆန့်ကျင်ဂုဏ်သတ္တိတွေ တိုးမြှင့်ပြီး ဒီပြဿနာကို ကာကွယ်ပေးပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။