နွေရာသီမှာ ရေဓာတ်ပြည့်ဝစေဖို့က အရေးအကြီးဆုံး အချက်တစ်ခုပါ။ ဒါကြောင့် နွေရာသီမှာ ရေဓာတ်ပြည့်ဝအောင် ဂရုစိုက်ရပါမယ်။ ရေဓာတ်ပြည့်ဝစေဖို့ဆိုရင် ရေတိုက်လို့ ရပါတယ်။ နောက်တစ်မျိုး အနေနဲ့ ဓာတ်ဆားရည်၊ သဘာဝ အသီးဖျော်ရည်တွေ၊ အုန်းစိမ်းရည်တွေ တိုက်ပေးလို့ ရပါတယ်။ ဒီလို တိုက်ပေးတာက နွေရာသီမှာ ဆုံးရှုံးသွားတဲ့ ရေဓာတ်ကို ဖြည့်ပေးနိုင်ရာရောက်သလို ဓာတ်ဆားဓာတ်တွေကိုပါ ဖြည့်ပေးနိုင်မှာပါ။
- အာဟာရပြည့်ဝအောင် ပြင်ဆင်ပေးပါ
အာဟာရ ပြည့်ဝအောင် ပြင်ဆင်ပေးတာကလည်း ဖေဖေမေမေတို့ကို နွေရာသီမှာ ကျန်းမာစေဖို့ အထောက်အကူပြုပေးနိုင်ပါတယ်။ ဒီလို ပြင်ဆင်ပေးတဲ့အခါမှာ အရည်ရွှမ်းတဲ့ သစ်သီးလေးတွေ၊ စွပ်ပြုတ်၊ ဆန်ပြုတ်စတာတွေ ပြင်ဆင်ပေးလို့ ရသလို သစ်သီးဖျော်ရည်တွေ၊ ဓာတ်ဆားရည်တွေကိုလည်း ပြင်ဆင်ပေးလို့ ရပါတယ်။ ဟင်းသီးဟင်းရွက်လေးတွေ ပါအောင် ပြင်ဆင်ပေးဖို့လည်း မမေ့ပါနဲ့။
- အပူချိန် ပြင်းနေချိန်မှာ အပြင်ထွက်တာမျိုး မလုပ်ပါစေနဲ့
နေပူချိန်နဲ့ တိုက်ရိုက် ထိတွေ့တာ ဖေဖေမေမေတို့ကို အပူဒဏ် ပြဿနာတွေ ခံစားရနိုင်ခြေ များစေသလို အပူလျှပ်တာလိုမျိုး အသက်အန္တရာယ် ထိခိုက်စေနိုင်တဲ့ ကျန်းမာရေး ပြဿနာတွေကို ဖြစ်စေနိုင်ပါတယ်။ ဒါကြောင့် အသက်အရွယ်ရနေပြီဖြစ်တဲ့ ဖေဖေမေမေတို့ကို မနက် ၁၀နာရီနဲ့ နေ့လယ် ၄နာရီကြား နေပူနေချိန်မှာ အပြင်ထွက်တာမျိုး၊ လေ့ကျင့်ခန်း ပြင်းပြင်းထန်ထန် လုပ်တာမျိုး မဖြစ်စေဖို့ ဂရုစိုက်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။