သင့်မှာ ဗိုက်တာမင် ဘီ ၁၂ ( B12) ချို့တဲ့ တယ်ဆိုတာက သင့် ခန္ဓါကိုယ်အတွက် ဒီ ဗိုက်တာမင်အမျိုးအစား လုံလောက်မှုမရှိတော့တာကို ဆိုလိုပါတယ်။ ကျွန်ုပ်တို့ရဲ့ ခန္ဓါကိုယ်မှာ အောက်စီဂျင်ကို သယ်ပေးတဲ့သွေးနီဥတွေ ထုတ်လုပ်နိုင်ဖို့အတွက် ဗိုက်တာမင် B12 ကို လိုအပ်ပါတယ်။ အဲဒါကြောင့် ဗိုက်တာမင် B12 နည်းသွားပြီဆိုရင် အလုပ်လုပ်ဆောင် ပေးနေတဲ့ သွေးနီဥတွေ လုံလုံလောက်လောက် မထုတ်နိုင်တော့တဲ့ အတွက် သွေးအားနည်းခြင်းကို ဖြစ်စေနိုင်ပါတယ်။ သွေးအားနည်းခြင်း ဖြစ်တဲ့အခါမှာ သင့်ကို အားအင်လျော့နည်းစေပြီး ပင်ပန်းလွယ်စေနိုင်ပါတယ်။ ဗိုက်တာမင် B12ချို့တဲ့ခြင်းက သင့်ရဲ့ အာရုံကြောတွေကိုလည်းထိခိုက်စေနိုင်တဲ့ အတွက် မှတ်ဉာဏ်တွေနဲ့ တွေးတောမှုတွေအပေါ်လည်း သက်ရောက်မှုပေးနိုင်ပါတယ်။
ဗိုက်တာမင် ဘီ ၁၂ ( B12) ချို့တဲ့လို့ဖြစ်တဲ့ သွေးအားနည်းခြင်းဟာ ချမ်းသာတဲ့ နိုင်ငံတွေမှာ အထူးသဖြင့် အသက်ကြီးတဲ့သူတွေမှာ ပို ပြီး အဖြစ်များပါတယ်။ ဖွံ့ဖြိုးနေဆဲ နိုင်ငံတွေမှာ ဗိုက်တာမင် ဘီ ၁၂ ( B12) ချို့တဲ့လို့ဖြစ်တဲ့ သွေးအားနည်းခြင်းဟာ ပိုလို့တောင် အဖြစ်များပါသေးတယ်။ ဘ၀ အစောပိုင်းကတည်းက စတင်ဖြစ်ပြီး တစ်သက်လုံးရောဂါ ကြာရှည် တည်ရှိနေနိုင်ပါတယ်။
သို့ပေမယ့်လည်း ဒီရောဂါကို ဖြစ်ဖို့ အားပေးနေတဲ့ အချက်တွေကို လျှော့ချခြင်းအားဖြင့် ရောဂါကို ထိန်းချုပ်နိုင်ပါတယ်။
ဗိုက်တာမင် ဘီ ၁၂ ( B12) ချို့တဲ့လို့ဖြစ်တဲ့ သွေးအားနည်းခြင်း ရဲ့ ရောဂါ လက္ခဏာတွေက ဘာတွေလဲ?
B12 ချို့တဲ့ ခြင်းပမာဏဟာနည်းမယ်ဆိုရင်တော့ ရောဂါ လက္ခဏာတွေက အရမ်း မပြင်းထန်နိုင်ပါဘူး။ တစ်ချို့သောသေူတွက အဲဒါတွေဟာ အသက်ကြီးလာလို့ဖြစ်တာတွေ လို့တောင် ထင်တတ်ကြပါတယ်။ သွေးအားနည်းခြင်းဟာ တစ်ဖြည်းဖြည်း ဆိုးလာတာနဲ့ အမျှ သင့်မှာ အောက်ပါ ရောဂါ လက္ခဏာတွေ ဖြစ်လာနိုင်ပါတယ်။
အဲဒီလို ဗိုက်တာမင် B12 အကြာကြီး ချို့တဲ့ လျော့နည်းနေမယ်ဆိုရင်တော့ သင့်ရဲ့ အာရုံကြော ဆဲလ်တွေကို တောင် လာထိခိုက်နိုင်ပါတယ်။ အဲလိုဖြစ်လာပြီဆိုရင်တော့ ပိုပြီး ပြင်းထန်တဲ့ အခြေအနေတွေကို ခံစားလာရနိုင်ပါတယ်။
စောစောသိရှိပြီးကုသမှုခံယူတာက ဒီအခြေအနေကို ပိုပြီးဆိုးလာခြင်းမှ ကာကွယ်ပေးနိုင်တဲ့ အပြင် အရေးပေါ်အခြေအနေတွေ ဖြစ်မလာအောင်လည်း တားဆီးပေးနိုင်ပါတယ်။ ဒါ့ကြောင့် ဆရာဝန်နဲ့ စောနိုင်သမျှစောစော တွေ့ဆုံပြီး ဒီလို ဆိုးရွားတဲ့ အခြေအနေတွေ ဖြစ်လာမှာကို ကာကွယ်သင့်ပါတယ်။
တကယ်လို့ သင့်မှာ အထက်ဖော်ပြပါ ရောဂါ လက္ခဏာ ရှိနေရင်(သို့) သိလိုတဲ့ အချက်တွေရှိနေရင် ဆရာဝန်နဲ့ တွေ့ဆုံသင့်ပါတယ်။ လူတွေရဲ့ ခန္ဓါကိုယ်ဟာ တစ်ဦးနဲ့ တစ်ဦးတုံ့ပြန်မှုချင်း မတူပါဘူး။ ဒါကြောင့် သင့်အခြေအနေအတွက် ဘယ်ဟာက အကောင်းဆုံးလဲဆိုတာကို သေချာသိနိုင်ဖို့ ဆရာဝန်နဲ့ အမြဲတမ်းဆွေးနွေးတိုင်ပင်တာ အကောင်းဆုံးပါပဲ။
အသား၊ ဥမျိုးစုံ၊ နို့၊ နှင့် ချိစ် စတဲ့ နေ့စဉ် အစားအစာ တွေထဲမှာပင် လူတော်တော်များများက လိုအပ်တာထက်ပိုတဲ့ B12 ပမာဏကို ရကြပြီးသားဖြစ်ပါတယ်။ ပုံမှန်အားဖြင့် အဲဒီ ဗိုက်တာမင်ကို အစာအိမ်လမ်းကြောင်းရဲ့ အစာအိမ်နဲ့ အူတွေမှာ စုပ်ယူပါတယ်။ ဗိုက်တာမင် B12 ချို့တဲ့ ရခြင်းဟာ အဲလို ဗိုက်တာမင်တွေကို အစာလမ်းကြောင်းမှာ မစုပ်နိုင်တာကြောင့် ဖြစ်နိုင်ပါတယ်။ အောက်ပါ အခြေအနေတွေရှိနေပါက အစာခြေလမ်းကြောင်းမှ ဗိုက်တာမင်တွေကို မစုပ်နိုင်တော့တာမျိုးတွေ ဖြစ်စေနိုင်ပါတယ်။
Celiac disease တို့၊ Chron’s disease စတဲ့ရောဂါဖြစ်နေတဲ့သူတွေ ရဲ့ အူတွေမှာ ဘက်တီးယီးယားအကောင်တွေ၊ ကပ်ပါးကောင်တွေက ကြီးထွားနေတတ်ပါတယ်။
သာမာန်အားဖြင့် သင့်မှာ အောက်ပါ အခြေအနေတွေရှိနေရင် ဗိုက်တာမင် B 12 ချို့တဲ့ခြင်း ဖြစ်နိုင်ဖို့ ပိုများပါတယ်။
ဗိုက်တာမင်စုပ်ယူခြင်းကို တားဆီးနိုင်တဲ့ ဆေးတွေသောက်သုံးခြင်း။ antacids တွေနဲ့ ဆးီချို အမျိုးအစား ၂ ကို ကုသဖို့ အသုံးပြုနေတဲ့ဆေး တစ်ချို့ဟာ B12 စုပ်ယူတာကို နှောက်ယှက်နိုင်ပါတယ်။
ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.
သင့်ဆရာဝန်က သင့်ကို ဒီရောဂါ ဖြစ်နေတယ်လို့ သံသယရှိပါက အရင်က သင့်ရဲ့ကျန်းမာရေး အခြေအနေတွေ၊ အခုဘယ်လိုခံစားနေရတယ်ဆိုတာတွေ နဲ့ပတ်သတ်ပြီး မေးခွန်းတွေမေးပြီး စစ်ဆေးနိုင်ပါတယ်။ သွေးနီဥအရေ အတွက် နဲ့ ဗိုက်တာမင် B12 အလုံအလောက်ရှိ၊ မရှိ စစ်ဆေးဖို့အတွက် သွေးစစ်ဆေးချက် တစ်ချို့ကိုလည်း လုပ်ဆောင်ရနိုင်ပါတယ်။
အခြား ဗိုက်တာမင် Bတွေနဲ့ folic acidတွေကို လည်းစစ်ဆေးရနိုင်ပါတယ်။ တစ်ချို့သော ဗိုက်တာမင် B12 ချို့တဲ့ နေတဲ့သူတွေမှာ folic acid ပမာဏလည်းနည်းနေတတ်ပါတယ်။ အဲဒီ အခြေအနေနှစ်ခုဟာ ရောဂါ လက္ခဏာလည်းခပ်ဆင်ဆင် ဖြစ်ပါတယ်။ ဒါပေမယ့် ကုသမှုကတော့ မတူပါဘူး။
ဗိုက်တာမင် B12 ချို့တဲ့မှုကြောင့် ဖြစ်တဲ့ သွေးအားနည်းခြင်းကို ဗိုက်တာမင် B12 ပေးပြီး ကုသနိုင်ပါတယ်။ ဗိုက်တာမင် ပမာဏကို ပုံမှန် ပြန်ရောက်သွားအောင်လို့ စစချင်းလုပ်ဆောင်ရမှာက ဗိုက်တာမင် B12 ပေးတာပါပဲ။ အဲလို B12 သောက်လိုက်တဲ့အခါ ရောဂါလက္ခဏာတွေ လည်း ပျောက်သွားပါတယ်။ ဒါပေမယ့် ဒီလို အမြဲပုံမှန်ပမာဏရောက်အောင် ထိန်းထားနိုင်ဖို့က အမြဲတမ်း၊ ဘဝတစ်လျှောက်လုံး B12 သောက်နေရမှာပါ။ ဆေးရပ်လိုက်တာနဲ့ သွေးအားနည်းတာ သေချာပေါက်ထပ်ဖြစ်လာမှာပါ။
B12 ပေးတာက သောက်ဆေးလုံးလေးတွေ ဖြစ်နိုင်သလို ထိုးဆေးလည်း ဖြစ်နိုင်ပါတယ်။ ထိုးဆေးကို အသုံးပြုမယ်ဆိုရင် အိမ်မှာ ကိုယ့်ဘာသာ လုပ်ဆောင်နိုင်အောင်လို့ သင်ကြားထားနိုင်ပါတယ်။ လူတော်တော်များများ အတွက်တော့ ဆေးလုံးတွေက ထိုးဆေး လိုပဲ လုပ်ဆောင်နိုင်ပါတယ်။ ထိရောက်မှုလည်းရှိပါတယ်။ ဆေးလုံးတွေက အကုန်အကျ သက်သာပြီး အသုံးပြုဖို့လည်း လွယ်ကူပါတယ်။ တကယ်လို့သင်ဟာ ထိုးဆေးထိုးနေရတယ်ဆိုရင် ဆေးလုံးပြောင်း သောက်လို့ရလား ဆိုတာကို ဆရာဝန်နဲ့ မေးမြန်း ဆွေးနွေးနိုင်ပါတယ်။ အခြားကုသမှု တစ်မျိုးက B12 ပါဝင်တဲ့ နှာခေါင်း ဖြန်းဆေး ဖြစ်ပါတယ်။
အိမ်မှာပဲ ဗိုက်တာမင် B12 ကြွယ်ဝတဲ့ အသား၊ နို့၊ ချိစ်၊ ဥ စတာတွေ စားပေးခြင်းအားဖြင့်လည်း သင့်ကျန်းမာရေးကို တိုးတက်အောင် ကူညီပေးနိုင်ပါတယ်။ ဒါ့အပြင် ဗိုက်တာမင် B အမျိုးအစားတစ်မျိုးဖြစ်တဲ့ folic acid ပါဝင်တဲ့ အစားအစာတွေလည်း စားပေးရပါမယ်။ အဲဒါတွေကတော့ အစိမ်းရောင် ဟင်းရွက်များ၊ ချဉ်သော အသီးများ၊ နဲ့ ပေါင်မုန့်၊ ပြောင်း၊ဂျုံ၊ဆန် စတာတွေ ဖြစ်ပါတယ်။
သင့်မှာ မေးစရာမေးခွန်းတွေ ရှိနေပါက ဆရာဝန်နဲ့တွေ့ဆုံ ဆွေးနွေးပြီး သင့်အတွက် ပိုကောင်းမွန်တဲ့ အဖြေကိုရှာဖွေ နိုင်ပါတယ်။
Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။