Swollen Lymph Nodes (ပြန်ရည်ကျိတ်ရောင်ခြင်း)

အဓိပ္ပါယ်ဖွင့်ဆိုချက်

Swollen Lymph Nodes (ပြန်ရည်ကျိတ်ရောင်ခြင်း) ကဘာလဲ။

ခန္ဓါကိုယ်အနှံမှာတွေ့နိုင်တဲ့သေးငယ်လုံးဝန်းတဲ့တစ်ရှူးအစိုင်အခဲလေးတွေဖြစ်ပါတယ်။ ကိုယ်ခံအားစနစ်ရဲ့တစ်စိတ်တစ်ပိုင်းဖြစ်ပြီးပိုတိတိကျကျပြောရမယ်ဆိုရင်တော့ကူးစက်ရောဂါပိုးတွေကိုတိုက်ထုတ်ပေးနေတဲ့ပြန်ရည်စနစ်ကြီး၏အစိတ်အပိုင်းဖြစ်ပါတယ်။ ပြန်ရည်ကျိတ်ရောင်နေခြင်းကကူးစက်ပိုးဝင်နေခြင်းရဲ့သင်္ကေတဖြစ်ပါတယ်။

Swollen Lymph Nodes (ပြန်ရည်ကျိတ်ရောင်ခြင်း) က ဘယ်လောက်အဖြစ်များသလဲ

အဖြစ်များပါတယ်။ အသက်အရွယ်မရွေးဖြစ်ပွားနိုင်ပါတယ်။ အမျိုးသမီးတွေမှာပိုဖြစ်နိုင်ချေရှိပါတယ်။

ခန္ဓါကိုယ်အနှံမှာတွေ့နိုင်ပါတယ်။ တွေ့နိုင်တဲ့နေရာတွေကတော့

• ချိုင်းကြား
• မေးရိုးအောက်
• လည်ပင်းဘေး
• ပေါင်ခြံဘေး
• ညှပ်ရိုးအပေါ်ဘက်စတဲ့နေရာတွေရဲ့အရေပြားအောက်မှာတွေ့နိုင်ပါတယ်။

ဖြစ်စေနိုင်တဲ့အကြောင်းရင်းတွေကိုရှောင်ရှားခြင်းဖြင့်ကာကွယ်နိုင်ပါတယ်။ အသေးစိတ်သိလိုတယ်ဆိုရင်တော့ဆရာဝန်နဲ့သွားပြသင့်ပါတယ်။

လက္ခဏာများ

Swollen Lymph Nodes (ပြန်ရည်ကျိတ်ရောင်ခြင်း) ရဲ့လက္ခဏာတွေကဘာတွေလဲ

အတွေ့ရများတဲ့လက္ခဏာတွေကတော

• ပြန်ရည်ကျိတ်များအပေါ်ဖိမိလျှင်နာခြင်း
• နဂိုအရွယ်ထက်အများကြီးကြီးလာခြင်း
• ချောင်းဆိုးခြင်း
• မောပန်းနွမ်းနယ်ခြင်း
• နှာရည်ယိုခြင်း
• ချမ်းတုန်ခြင်း၊ချွေးထွက်ခြင်း
• လည်ချောင်းနာခြင်း
• ဖျားခြင်း
• အရေပြားပူနီရောင်ခြင်း

အထက်မှာဖော်ပြထားတဲ့အထဲမှာမပါဝင်တဲ့အခြားသောလက္ခဏာတွေလည်းရှိနိုင်ပါသေးတယ်။ တကယ်လို့ကိုယ့်ဆီမှာရောဂါလက္ခဏာတစ်ခုခုများရှိနေမလားဆိုပြီးစိုးရိမ်နေမယ်ဆိုရင်ဆရာဝန်နဲ့ဆွေးနွေးတိုင်ပင်သင့်ပါတယ်။

ဘယ်အချိန်မှာ ဆရာဝန်နဲ့ သွားရောက်တွေ့ဆုံသင့်သလဲ

အောက်ဖော်ပြပါအချက်တွေထဲကတစ်ခုခုရှိခဲ့မယ်ဆိုရင်သွားပြသင့်ပါတယ်။

• ပြန်ရည်ကျိတ်တွေ ကြီးမားပြန့်ကားလာခြင်း
• ပြန်ရည်ကျိတ်များမာခဲလာခြင်း
• နာတာရှည်ဖျားခြင်း၊ညဘက်ချွေးထွက်ခြင်းသို့ကိုယ်အလေးချိန်ကျခြင်း
• လည်ချောင်းနာခြင်း(သို့)မြိုချရခက်ခြင်း(သို့)အသက်ရှူရခက်ခြင်း

သင့်ဆီမှာအထက်ဖော်ပြပါရောဂါလက္ခဏာတွေထဲကတစ်ခုခုများရှိနေမယ်ဆိုရင်ဒါမှမဟုတ်မေးခွန်းတစ်ခုခုရှိနေမယ်ဆိုရင်ဆရာဝန်နဲ့တိုင်ပင်ဆွေးနွေးပါ။ လူတိုင်းရဲ့ခန္ဓါကိုယ်တုံ့ပြန်မှုဟာမတူညီနိုင်ပါဘူး။ သင့်အခြေအနေအတွက်ဘာအကောင်းဆုံးလဲဆိုတာကိုသင့်ဆရာဝန်နဲ့တိုင်ပင်တာကအကောင်းဆုံးပါပဲ။

အကြောင်းရင်းများ

Swollen Lymph Nodes (ပြန်ရည်ကျိတ်ရောင်ခြင်း) ကိုဘာတွေကဖြစ်စေသလဲ

အောက်ပါအချက်များကြောင့် ပြန်ရည်ကျိတ်ရောင်ခြင်းကို ဖြစ်ပွားစေပါတယ်။

• နားပိုးဝင်ခြင်း
• ဗိုင်းရပ်စ်ပိုးဝင်ခြင်း
• ဘတ်တီးရီးယားပိုးဝင်ခြင်း
• HIVပိုးကူးစက်ခံရခြင်း
• သွားပိုးဝင်ခြင်း
• အရေပြားကူးစက်ပိုးဝင်ခြင်း
• လည်ချောင်းနာခြင်း
• ခုခံအားစနစ် ဖောက်လွဲဖောက်ပြန်ဖြစ်ခြင်း
• ကင်ဆာ
• ရောင်ရမ်းခြင်းဆိုင်ရာရောဂါများ

ဖြစ်နိုင်ခြေများ

ငါ့ဆီမှာ Swollen Lymph Nodes (ပြန်ရည်ကျိတ်ရောင်ခြင်း) ဖြစ်နိုင်ခြေကိုဘာ်တွေက မြင့်တက်စေသလဲ

ဖစ်ပွားနိုင်ချေကို မြင့်မားစေသောအကြောင်းရာတွေ အများကြီးရှိပါတယ်။ ဥပမာ-

• အသက်၆၅ နှစ်အထက်
• HIV/AIDSရောဂါရှိခြင်း
• အရက်သောက်ခြင်း
• ဆီးချိုရောဂါ

ရောဂါအဖြေရှာခြင်းနှင့် ကုသမှု

ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.

Swollen Lymph Nodes (ပြန်ရည်ကျိတ်ရောင်ခြင်း) ကို ဘယ်လိုအတည်ပြုပါသလဲ

အကြောင်းရင်းကိုဆုံးဖြတ်နိုင်ဖို့ အောက်ပါအချက်တွေလိုအပ်နိုင်ပါတယ်။

• ရောဂါရာဇဝင်
• ကိုယ်ခန္ဓါပိုင်းစမ်းသပ်စစ်ဆေးမှုများ
• သွေးစစ်ဆေးခြင်း
• ရင်ဘတ်ဓါတ်မှန်ရိုက်ခြင်း(သို့)ကွန်ပျူတာဓါတ်မှန်ရိုက်ခြင်း
• ပြန်ရည်ကျိတ်အသားစစစ်ဆေးခြင်း

Swollen Lymph Nodes (ပြန်ရည်ကျိတ်ရောင်ခြင်း) ကို ဘယ်လိုကုသပါသလဲ

• ပဋိဇီဝပိုးသတ်ဆေးများ(သို့) ဗိုင်းရပ်စ်ဆန့်ကျင်ဆေးများ

(ဘက်တီးရီးယားကူးစက်မှုကြောင့်ဖြစ်တဲ့ပြန်ရည်ကျိတ်ရောင်ခြင်းအတွက်အသုံးအများဆုံးကုသမှုဖြစ်ပါတယ်။)

• ဇာစ်မြစ်ကိုကုသခြင်း

(နာတာရှည်အရေပြားရောဂါ၊အဆစ်ရောင်ရောဂါစတဲ့ကျန်းမာရေးပြဿနာတွေကြောင့်ဖြစ်တဲ့အခါမျိုးမှာထိုရောဂါတွေကိုကုလိုက်ခြင်းဖြင့်ပြန်ရည်ကျိတ်ရောင်ခြင်းပျောက်ကင်းသွားနိုင်ပါတယ်။)

• ကင်ဆာကုထုံး

(ကင်ဆာကြောင့်ဖြစ်တဲ့အခါမျိုးမှာသုံးပါတယ်။ ကုသခြင်းမှာခွဲစိတ်ကုသခြင်း၊ရောင်ခြည်ကုထုံး(သို့)ဓါတုကုထုံးတွေပါဝင်နိုင်ပါတယ်။)

လူနေမှုပုံစံပြောင်းလဲခြင်းနဲ့အိမ်သုံးကုထုံးတွေအသုံးပြုခြင်းကပြန်ရည်ကျိတ်ရောင်ခြင်င်းကိုကုသရာမှာဘယ်လိုအထောက်အကူပြုနိုင်မလဲ။

အောက်ဖော်ပြပါလူနေမှုပုံစံများနဲ့အိမ်သုံးကုထုံးများကသင့်အနေဖြင့်ပြန်ရည်ကျိတ်ရောင်ခြင်းကိုကုသတဲ့နေရာမှာနဲ့လိုက်လျောညီထွေဖြစ်အောင်နေတဲ့နေရာတွေမှာအကူအညီပေးနိုင်ပါတယ်။

• ဆေးဆိုင်တွေမှာအလွယ်တကူဝယ်ယူရနိုင်တဲ့ Tylenol (သို့) စတီးရွိုက်မပါသောအရောင်ကျဆေးများ (ဥပမာ- Advil၊ Motrin၊ Aleve)
• ကလေးများတွင် aspirinဆေးတိုက်ခြင်းကိုရှောင်ကြဉ်ခြင်း (ကလေးငယ်များတွင် aspirin ကြောင့်ဖြစ်တတ်သောဦးနှောက်ရောင်ခြင်းနှင့် အသည်းစွမ်းဆောင်ရည်ကျဆင်းခြင်းရောဂါစုကိုဖြစ်စေနိုင်တဲ့အတွက်ကြောင့်ဖြစ်ပါတယ်။)
• ဖြစ်တဲ့နေရာကိုပူနွေးစွတ်စိုတဲ့ရေပတ်ဝတ်ကပ်ပေးခြင်း
• ပြည့်ပြည့်၀၀အနားယူခြင်း

အကယ်၍သင့်မှာမေးခွန်းတွေရှိမယ်ဆိုရင်သင့်အတွက်အကောင်းဆုံးအဖြေကိုရှာဖွေနိုင်ဖို့ဆရာဝန်နဲ့ဆွေးနွေးတိုင်ပင်သင့်ပါတယ်။

Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ