Hemochromatosis Gene Test (မွေးရာပါသံဓါတ်များသောရောဂါ မျိုးရိုးဗီဇစစ်ဆေးခြင်း)

အဓိပ္ပါယ်ဖွင့်ဆိုချက်

Hemochromatosis Gene Test (မွေးရာပါသံဓါတ်များသောရောဂါ မျိုးရိုးဗီဇစစ်ဆေးခြင်း) ကဘာလဲ။

Hemochromatosis Gene Test ကို မွေးရာပါ သံဓါတ်များသော ရောဂါကို စစ်ဆေးဖို့ အသုံးပြုပါတယ်။ သံဓါတ်များခြင်းဆိုတာဟာ ကိုယ်ခန္ဓါက သံဓါတ်စုပ်ယူမှု များပြားတဲ့ မွေးရာပါ ရောဂါတစ်မျိုး ဖြစ်ပါတယ်။ သံဓါတ်တွေဟာ သွေး၊ အသည်း၊ နှလုံး၊ မုန့်ချိုအိတ်၊ အဆစ်၊ အရေပြားနဲ့ အခြားအင်္ဂါတွေမှာ စုပုံနေတာ ဖြစ်ပါတယ်။

အစောပိုင်းအဆင့်တွေမှာတော့ သံဓါတ်များခြင်းဟာ အဆစ်နာခြင်း၊ ဗိုက်နာခြင်း၊ အားနည်းခြင်း၊ အားအင်မရှိခြင်း၊ ကိုယ်အလေးချိန်ကျဆင်းခြင်းတွေကို ဖြစ်စေပါတယ်။ သူဟာ အသည်းခြောက်ခြင်း၊ အသားမည်းခြင်း၊ ဆီးချိုရောဂါ၊ မြုံခြင်း၊ နှလုံးရောဂါ၊ ပုံမှန်မဟုတ်တဲ့ နှလုံးခုန်နှုန်းနဲ့ အဆစ်ရောင်ခြင်းတွေကိုလည်း ဖြစ်စေပါတယ်။ ဒါပေမယ့် လူအတော်များများဟာ အစောပိုင်းအဆင့်တွေမှာ လက္ခဏာ မပြတတ်ပါဘူး။

အမျိုးသားတွေမှာတော့ မွေးရာပါသံဓါတ်များသောရောဂါ ကို အသက် ၄၀ ကနေ ၆၀ ကြားမှာတွေ့ရတတ်ပါတယ်။ အမျိုးသမီးတွေမှာတော့ သွေးမဆုံးမချင်း မတွေ့ရတတ်ပါဘူး။ ဘာလို့လဲဆိုတော့ အမျိုးသမီးတွေဟာ ရာသီလာတဲ့အခါမှာ ပုံမှန်သွေးနဲ့ သံဓါတ်တွေ ဆုံးရှုံးနေလို့ပဲ ဖြစ်ပါတယ်။

Hemochromatosis Gene Test တွေကို ဘာကြောင့် လုပ်ကြတာလဲ။

Hemochromatosis Gene Test ကို လူတစ်ယောက်မှာ သံဓါတ်များသော ရောဂါ ဖြစ်နှုန်း မြင့်မားလားဆိုတာကို တွေ့ရှိဖို့ အသုံးပြုကြပါတယ်။ သူ့ကို မိသားစုအတွင်း (မိဘ၊ ညီအကို၊ မောင်နှမ၊ ကလေး) တွေမှာ ဒီရောဂါ ရှိရင် စစ်ဆေးတတ်ကြပါတယ်။

ဒီစစ်ဆေးမှုကို သင့်မှာ သွေးအတွင်း သံဓါတ်များနေရင်လည်း ပြုလုပ်နိုင်ပါတယ်။ ဒီစစ်ဆေးမှုဟာ သင့်မှာ မွေးရာပါသံဓါတ်များရောဂါ ရှိလားဆိုတာကို ရှာဖွေပေးနိုင်ပါတယ်။

Hemochromatosis Gene Test(HFE testing) ဟာ HFE genes တွေ ဗီဇပြောင်းလဲခြင်းခြင်းနဲ့ တည်နေရာကို ရှာဖွေပေးနိုင်ပါတယ်။ ဒီ ဗီဇပြောင်းလဲခြင်းတွေကိုတော့ C282Y နဲ့ H63D လို့ခေါ်ပါတယ်။

ပြင်ဆင်မှု

Hemochromatosis Gene Test ကိုမလုပ်ခင် ဘာတွေ သိထားသင့်သလဲ။

Hemochromatosis Gene Test ဟာ သင့်မှာ မွေးရာပါသံဓါတ်များရောဂါ ဖြစ်လာမှာလားဆိုတာကို ခန့်မှန်းခြင်း မပြုလုပ်နိုင်ပါဘူး။ ဒီစစ်ဆေးမှုဟာ HEF mutation ဗီဇ ပြောင်းလဲခြင်း တွေရဲ့ အဖြစ်များတဲ့ နေရာတွေကို တွေ့ရှိနိုင်သော်လည်း ဒီစစ်ဆေးမှုက မတွေ့နိုင်တဲ့ အခြားနေရာတွေ ရှိနိုင်ပါသေးတယ်။ သင့်မှာ HFE ဗီဇပြောင်းလဲခြင်း ရှိပြီး ရောဂါမရှိတာမျိုး (သို့)ဗီဇပြောင်းလဲခြင်း တွေကို ရှာမတွေ့ပဲနဲ့ ရောဂါလက္ခဏာ ရှိနေတာမျိုးတွေလည်း ဖြစ်နိုင်ပါတယ်။

Hemochromatosis Gene Test ဟာ သံဓါတ်များနေခြင်းရဲ့ အကြောင်းရင်းကို ရှာဖွေပေးနိုင်ပြီး အခြားစစ်ဆေးမှုတွေ (ဥပမာ အသည်းအသားစယူခြင်း)တွေ လိုအပ်ခြင်းတွေကိုလည်း ပပျောက်စေပါတယ်။

သံဓါတ်နဲ့ ferritin (တစ်ရှူးတွေမှာ သံဓါတ်သိမ်းဆည်းပေးသော ပရိုတင်း) ပမာဏတွေကို Hemochromatosis Gene Test လုပ်တာနဲ့ တစ်ချိန်တည်းမှာ စစ်ဆေးသင့်ပါတယ်။

Hemochromatosis Gene Test တွေကို ဘယ်လိုပြင်ဆင်သင့်သလဲ။

ယေဘုယျအားဖြင့် Hemochromatosis Gene Test မလုပ်ခင်မှာ အထူးတလည် ပြင်ဆင်ဖို့မလိုအပ်ပါဘူး။ စစ်ဆေးရန်လိုအပ်မှု၊ ဖြစ်လာနိုင်တဲ့ ဆိုးကျိုး၊ စစ်ဆေးမှု ဘယ်လိုလုပ်ရမလဲဆိုတာနဲ့ အဖြေတွေက ဘာကိုဆိုလိုတာလဲ ဆိုတာတွေနဲ့ပတ်သက်တဲ့ စိုးရိမ်မှုတွေ ရှိတယ်ဆိုရင် ဆရာဝန်နဲ့ တိုင်ပင်သင့်ပါတယ်။

စစ်ဆေးမှု

Hemochromatosis Gene Test နဲ့ စစ်ဆေးနေချိန်မှာ ဘယ်လို ဖြစ်မှာလဲ။

ပါးမှာ စစ်ဆေးမှု (သို့) သွေးဖောက်စစ်ဆေးမှုတွေကို လိုအပ်နိုင်ပါတယ်။

ပါးစစ်ဆေးမှုအတွက်ကတော့ ဆရာဝန်က ပါးအတွင်းပိုင်းကို အနည်းငယ်ခြစ်ထုတ်ပြီး ဆဲလ်ပမာဏအနည်းငယ်ကို ရယူမှာ ဖြစ်ပါတယ်။

သွေးစစ်ဆေးမှုအတွက်တော့ သင့်ဆရာဝန်ဟာ လက်မောင်း (သို့) တံတောင်ဆစ်နားက နေရာကို ပိုးသတ်ဆေးနဲ့ သန့်စင်မှာ ဖြစ်ပါတယ်။ အချို့အခြေအနေတွေမှာ လက်မောင်းအပေါ်မှာ သားရေကြိုးကိုချည်နှောင်ပြီး သွေးစီးဆင်းမှုကို တိုးမြှင့်မှာ ဖြစ်ပါတယ်။ ဒီလိုလုပ်ခြင်းဟာ သွေးပြန်ကြောတွေကနေ သွေးယူဖို့ လွယ်ကူစေပါတယ်။

အပ်နဲ့ သင့်လက်မောင်းကိုဖေါက်ပြီး သွေးပြန်ကြောထဲကို စိုက်လိုက်မှာ ဖြစ်ပါတယ်။ သွေးယူမယ့် ဖန်ချောင်းကိုတော့ အပ်ရဲ့ အခြားထိပ်တစ်ခုမှာ ဆက်ထားမှာဖြစ်ပါတယ်။ သွေးပြန်ကြောထဲကို အပ်ဝင်သွားတာနဲ့ သွေးတွေဟာ တစ်ဖက်ထိပ်က သွေးစုဖန်ချောင်းထဲကို အလိုအလျောက် စီးဆင်းသွားမှာ ဖြစ်ပါတယ်။

သွေးအလုံအလောက်ရသွားရင်တော့ ဆရာဝန်ဟာ အပ်ကိုဖယ်လိုက်မှာ ဖြစ်ပြီး အပ်ဖေါက်ထားတဲ့နေရာကို ဂွမ်းနဲ့ သွေးတိတ်သွားအောင် ဖိထားမှာ ဖြစ်ပါတယ်။

စစ်ဆေးပြီးနောက်

Hemochromatosis Gene Test လုပ်ပြီးသွားချိန် ဘာဖြစ်မှာလဲ။

သွေးအဖြေကို ရရှိဖို့ ရက်ချိန်းပေးမှာ ဖြစ်ပါတယ်။ သင့်ဆရာဝန်က သွေးအဖြေက ဘာကို ဆိုလိုတယ်ဆိုတာ ရှင်းပြမှာ ဖြစ်ပြီး ဆရာဝန် ညွှန်ကြားချက်တွေကို လိုက်နာသင့်ပါတယ်။

ရလဒ်

ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.

Hemochromatosis Gene Test (မွေးရာပါသံဓါတ်များသောရောဂါ မျိုးရိုးဗီဇစစ်ဆေးခြင်း) အဖြေတွေက ဘာကို ဆိုလိုတာလဲ။

ပုံမှန်အဖြေ

HFE gene ပုံမှန် မဟုတ်တာမတွေ့ဘူးဆိုရင် လူနာဟာ ပုံမှန်လို့ ယူဆနိုင်ပြီး မွေးရာပါသံဓါတ်များသောရောဂါ မဖြစ်နိုင်ပဲ ကလေးမွေးလာရင်လည်း ကလေးတွေကို လက်ဆင့်ကမ်းမှု မရှိဘူးလို့ ယူဆနိုင်ပါတယ်။

သယ်ဆောင်သူ ဆိုတဲ့ အဖြေ

စစ်ဆေးခံရတဲ့ လူနာမှာ HFE gene ပုံမှန်တစ်ခုနဲ့ ပုံမှန်မဟုတ်တာ တစ်ခု ဖြစ်မယ်ဆိုရင် ဒီလူကို မွေးရာပါသံဓါတ်များသော ရောဂါ သယ်ဆောင်သူလို့ ယူဆနိုင်ပါတယ်။ သယ်ဆောင်သူဟာ ရောဂါလက္ခဏာ ပြသခြင်းမရှိပဲ နောက်မျိုးဆက်ကို ရောဂါလက်ဆက်ကမ်းနိုင်မယ့် ရာခိုင်နှုန်းတစ်ဝက်ရှိပါတယ်။ တကယ်လို့ ရောဂါသယ်ဆောင်သူမှာ ကလေးနှစ်ယောက် ရှိမယ်ဆိုရင် ဒီကလေးတွေပုံမှန်ဖြစ်ဖို့ ရာနှုန်း ၂၅ ရာခိုင်နှုန်း ရှိပြီး သယ်ဆောင်သူ ဖြစ်ဖို့ ရာနှုန်း ၅၀၊ ရောဂါဖြစ်ဖို့ ရာနှုန်း ၂၅ ရှိပါတယ်။

ရောဂါရှိတယ်ဆိုတဲ့ အဖြေ

ရောဂါစမ်းသပ်စစ်ဆေးသူမှာ ပုံမှန်မဟုတ်တဲ့ ဗီဇနှစ်စုံ ရှိနေရင် ဒီလူကို ရောဂါဖြစ်နိုင်တယ်၊ သံဓါတ်ကို အလွန်အကျွံစုပ်ယူဖို့ ရာခိုင်နှုန်းများပြီး နောက်ဆုံးမှာတော့ မွေးရာပါ သံဓါတ်များသော ရောဂါ ဖြစ်နိုင်တယ်လို့ ယူဆနိုင်ပါတယ်။ ရောဂါလက္ခဏာတွေနဲ့ ရောဂါဟာ လူတွေကြားမှာ ကွဲပြားခြားနားမှု ရှိပါတယ်။ အချို့သူတွေမှာ ရောဂါ လက္ခဏာမပြတတ်ပေမယ့် အချို့သူတွေမှာတော့ ရောဂါပြင်းထန်နိုင်ပါတယ်။ ရောဂါရှိသူတွေမှာ နောက်မျိုးဆက်ကို လက်ဆင့်ကမ်းနိုင်မယ့် ရာနှုန်း အပြည့်ရှိပါတယ်။

HFE gene test မှာ ရောဂါရှိတယ်ဆိုပြီးပြတာဟာ လူနာတင်မက မိသားစုဝင်တွေမှာ ရောဂါရှိနိုင်တာမို့ စစ်ဆေးသင့်ပါတယ်။ ပုံမှန်မဟုတ်တဲ့ ဗီဇ တစ်ခု (သို့) တစ်ခုထက်ပိုရှိသူတွေမှာ မွေးလာတဲ့ကလေးမှာ မွေးရာပါ သံဓါတ်များသောရောဂါ ရှိနိုင်ခြေ ကိုသိရှိဖို့ ကလေးမယူခင် အိမ်ထောင်ဖက်နဲ့ တိုင်ပင်ဆွေးနွေးသင့်ပါတယ်။

ဓါတ်ခွဲခန်းနဲ့ ဆေးရုံတွေပေါ်မူတည်ပြီး Haemochromatosis Gene Test ရဲ့ အဖြေတွေဟာ ကွဲပြားနိုင်ပါတယ်။ စစ်ဆေးမှုနဲ့ပတ်သက်ပြီး ပိုမိုသိလိုတယ်ဆိုရင် ဆရာဝန်ကို တိုင်ပင်ဆွေးနွေးသင့်ပါတယ်။

Hemochromatosis Gene Test နဲ့ပတ်သက်ပြီး မေးခွန်းတွေရှိတယ်ဆိုရင် ညွှန်ကြားချက်တွေကို ပိုမိုနားလည်စေဖို့ ဆရာဝန်နဲ့ တိုင်ပင်သင့်ပါတယ်။

Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ

[embed-health-tool-bmi]