အရက်နာကျ နေတဲ့ မနက်ခင်းမှာ လူတော်တော်များများက မနက်စာ မစားဘဲ နေတတ်ကြပါတယ်။ ရင်ဘတ်ထဲမှာ ခေါင်းမူးသလို၊ ပျို့အန်ချင်သလို ဖြစ်နေတာဆိုတော့ အစာဝင်သွားရင် ပိုဆိုးသွားမယ်လို့ ထင်တတ်တာကိုး။ တကယ်တော့ မဟုတ်ပါဘူး။
အရက်နာကျနေတဲ့အချိန်မှာ မနက်စာပေါ့ပေါ့ပါးပါးလေး စားပေးတာက ကိုယ်ခန္ဓာအတွက် အာဟာရဓာတ်တွေ ပြန်ဖြည့်ပေးပြီး အဆိပ်အတောက်တွေကို ဖယ်ရှားပေးနိုင်တယ်။ ခေါင်းမူးခေါင်းကိုက် ဖြစ်နေတဲ့ ဝေဒနာကို သက်သာစေပြီး လန်းဆန်းတက်ကြွစေတယ်။ အများကြီး စားပေးစရာမလိုပါဘူး။ ပေါင်မုန့်၊ ကြက်ဥကြော်၊ နွားနို့တစ်ခွက်၊ ရေအဝသောက်ပြီး အသီးအနှံလေး နည်းနည်းစားပေးလိုက်ရင်ကို မနက်စာအတွက် လုံလောက်ပါတယ်။
၄။ ရေချိုးဖို့ မပျင်းပါနဲ့။
ယောက်ျားလေး တော်တော်များများရဲ့ အကျင့်က ရာသီဥတု အေးအေး၊ မအေးအေး ရေချိုးရမှာကို ပျင်းတာပါပဲ။ တစ်ကိုယ်ရေသန့်ရှင်းမှုအတွက် တစ်နေ့ကို အနည်းဆုံး တစ်ကြိမ်လောက်တော့ ရေချိုးပေးရမှာပါ။ အထူးသဖြင့် အလုပ်ကလည်း သွားရမယ်၊ အရက်ရှိန်ကလည်း မပြေသေးဘူးဆိုရင် ပိုပြီးတောင် ချိုးပေးသင့်ပါတယ်။
ရေအေးအေးလေးနဲ့ သေချာချေးတွန်းရင်း ကိုယ်ခန္ဓာကို ဖြည်းဖြည်းချင်း နှိပ်နယ်ပေးရင် ကြွက်သားတွေကို ပြေလျော့စေတယ်။ သွေးလည်ပတ်မှုကောင်းစေတယ်။ စိတ်ကိုကြည်လင်စေတယ်။ အကောင်းဆုံးကတော့ တစ်ညလုံး သောက်ထားသမျှ ပါးစပ်နဲ့ ကိုယ်ခန္ဓာမှာ စွဲနေတဲ့ အရက်နံ့ကို ဖျောက်ဖျက်ပေးနိုင်ပါတယ်။
၅။ လိုအပ်ရင် မျက်စဉ်းခတ်ပေးပါ။
အရက်ကလည်း သောက်ထားတယ်။ ညကလည်း အိပ်ရေးမဝဘူး။ ရေဓာတ်ကလည်း ခမ်းခြောက်နေတယ်။ ဒါဆိုရင်တော့ သေချာပါတယ်။ မနက်အိပ်ရာနိုးတာနဲ့ မျက်လုံးက နီရဲပြီး မျက်ရည်တွေ ယိုနေမှာပါ။ ဒါကြောင့် အလုပ်မသွားခင် ခဏလောက် အချိန်ပေးပြီး မျက်လုံးကို အေးမြစေဖို့ မျက်စဉ်းနည်းနည်း ခတ်ပေးပါ။ ခတ်ပြီးရင် မျက်လုံးကို ခဏမှိတ်ထားပြီး အနားပေးထားပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။