အဓိကကတော့ ကိုယ့်ရဲ့ တစ်နေ့တာ စားသောက်နေထိုင်မှုပုံစံ မမှန်ကန်တာကြောင့် အဖြစ်များပြီး အစာခြေစနစ်နဲ့ ဆက်စပ်နေတဲ့ ကိုယ်တွင်းအင်္ဂါတွေ ကောင်းစွာအလုပ်မလုပ်တာ၊ ချို့ယွင်းတာကြောင့်ဖြစ်ရတာပါ။
အဓိကကတော့ ကိုယ့်ရဲ့ တစ်နေ့တာ စားသောက်နေထိုင်မှုပုံစံ မမှန်ကန်တာကြောင့် အဖြစ်များပြီး အစာခြေစနစ်နဲ့ ဆက်စပ်နေတဲ့ ကိုယ်တွင်းအင်္ဂါတွေ ကောင်းစွာအလုပ်မလုပ်တာ၊ ချို့ယွင်းတာကြောင့်ဖြစ်ရတာပါ။
အစာမကြေတာ အရမ်းပြင်းထန်လွန်းတဲ့အခါ အရမ်းအန်တာ၊ အန်လိုက်တဲ့အစာတွေက ကော်ဖီရောင်တွေဖြစ်နေတာ၊ ဝမ်းက အမည်းရောင်ဖြစ်နေတာ၊ အစာမမျိုချနိုင်တာတွေပါ ဖြစ်နိုင်ပါတယ်။
များသောအားဖြင့် အစာကို အများကြီးစားလိုက်တာ၊ လောကြီးပြီးတော့ အစာကို တစ်လုပ်ပြီး တစ်လုပ်စားတာ၊ သေချာမဝါးတာကြောင့် အစာမကြေဖြစ်ရတာပါ။ စပ်လွန်းတဲ့၊ ဆီများတဲ့ အစားအစာတွေစားတတ်တဲ့သူတွေ၊ စားပြီးတာနဲ့ လှဲတတ်တဲ့ အကျင့်ရှိသူတွေမှာလည်း မကြာခဏဆိုသလို အစာမကြေတာဖြစ်နိုင်ပါတယ်။ တခြားဖြစ်စေနိုင်တဲ့ အကြောင်းရင်းတွေကတော့
• ဆေးလိပ်သောက်ခြင်း
• အရက်အလွန်အကျွံသောက်ခြင်း
• အကိုက်အခဲပျောက်ဆေး (Aspirin, ibuprofen, naproxen အစရှိတဲ့ဆေးတွေ) သောက်ခြင်း
• အစားချင့်ရည်ပြန်ဆန်တက်ခြင်း (Acid Reflux Disease/ GERD)
• အစာအိမ်ကင်ဆာ (Gastric Cancer)
• ပန်ကရိယ၊ သည်းခြေပြွန် ပုံမှန်အလုပ်မလုပ်တာ
• အစာအိမ်မှာ အနာဖြစ်ခြင်း (Peptic Ulcers) တွေပဲ ဖြစ်ပါတယ်။
မကြာခဏ အစာမကြေဖြစ်တတ်တဲ့သူတွေအနေနဲ့ ဆရာဝန်နဲ့ သေချာပြသပြီး ဆွေးနွေးဖို့လိုပါတယ်။ ဆရာဝန်အနေနဲ့ လူနာရဲ့ ကျန်းမာရေးအခြေအနေ၊ စားသောက်နေထိုင်မှုပုံစံတွေကို မေးမြန်းပြီးနောက်မှာ ဝမ်းဗိုက်ကို ဓာတ်မှန်ရိုက်ပြီး အစာခြေလမ်းကြောင်းမှာ ပုံမှန်မဟုတ်တဲ့ လက္ခဏာတွေ ရှိနေနိုင်လားဆိုတာ စစ်ဆေးမှာဖြစ်ပါတယ်။ အစာမကြေဖြစ်စေတဲ့ အဓိကအကြောင်းရင်းမှန်ကို စစ်ဆေးပြီးမှသာ လိုအပ်တဲ့ ဆေးဝါးကုသမှုစတင်ခံယူဖို့ ညွှန်ပေးမှာဖြစ်ပါတယ်။
ဆေးဝါးကုသမှုခံယူနေစဉ်မှာ ကိုယ့်ရဲ့ စားသောက်နေထိုင်မှုပုံစံကိုလည်း ပြောင်းလဲပစ်လိုက်ဖို့ လိုပါတယ်။ အဓိကအနေနဲ့
• အစာကို နည်းနည်းနဲ့ အကြိမ်ရေများများစားပေးပါ
• အစပ်၊ အဆီများတဲ့အစားအစာတွေကို ရှောင်ပါ
• ဖြည်းဖြည်းချင်း အစာစားပါ
• အစာစားပြီးတာနဲ့ အိပ်ရာ၊ ကြမ်းခင်းပေါ် မလှဲလိုက်ပါနဲ့
• ဆေးလိပ်၊ အရက်ဖြတ်ပါ
• ကော်ဖီ၊ အရက်၊ ဆိုဒါပါတဲ့ အအေးတွေ သိပ်မသောက်ပါနဲ့
• ကောင်းစွာ အိပ်စက်အနားယူပါ
• အစာမကြေဖြစ်စေတဲ့ ဆေးဝါးတွေကို ဆရာဝန်ရဲ့ ညွှန်ကြားချက်နဲ့ ဆေးရပ်တာ၊ ဆေးပြောင်းတာမျိုး လုပ်ပေးပါ
• စိတ်ဖိစီးမှုကို ပြေလျော့အောင် ဂရုစိုက်ပါ။
Hello ဆရာဝန်ပရိတ်သတ်ကြီးလည်း ကျန်းမာပျော်ရွှင်ပြီး စိတ်ချမ်းသာစရာကောင်းတဲ့ နေ့ရက်တွေကို ပိုင်ဆိုင်ရပါစေလို့ ဆုတောင်းပေးရင်း ဒီမှာပဲ နိဂုံးချုပ်လိုက်ပါတယ်။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။