ယေဘုယျအားဖြင့်တော့ သွေးကြောနံရံပုံမမှန်တဲ့ရောဂါကို ကာကွယ်လို့မရနိုင်သလို ဒီရောဂါအတွက် စံထားကုသမှုအစီအစဉ်ရယ်လို့လည်း သတ်သတ်မှတ်မှတ် မရှိပါဘူး။ ရောဂါဖြစ်နေတဲ့ သွေးလွှတ်ကြော၊ ရောဂါလက္ခဏာ၊ ပြင်းထန်မှုနဲ့ ပျံ့နှံ့မှုအပေါ်မူတည်ပြီး ကုသမှုပေးရတာ ဖြစ်ပါတယ်။ ခန္ဓါကိုယ်မှာရှိတဲ့ ဘယ်သွေးကြောမှာမဆို ဒီရောဂါဖြစ်နေကြောင်း စစ်ဆေးတွေ့ရှိတာနဲ့တပြိုင်နက် လူနာရဲ့ carotid artery ကို မဖြစ်မနေ စစ်ဆေးသင့်ပါတယ်။
သွေးကြောနံရံပုံမမှန်ခြင်းအတွက် ကုသမှုနည်းလမ်းတစ်ခုကတော့ သွေးကြောထဲ ဘောလုံးထည့်သွင်းခြင်း (percutaneous ballon angioplasty) ဖြစ်ပါတယ်။ ပြွန်ငယ်တစ်ခုကတဆင့် ရောဂါဖြစ်နေတဲ့ သွေးကြောထဲ ဘောလုံးငယ်တစ်ခု ထည့်သွင်းပြီး သွေးကြောပွင့်စေတဲ့ နည်းလမ်းဖြစ်ပါတယ်။ Carotid artery သွေးကြောနံရံ ပုံမမှန်ခြင်းကို ဒီနည်းလမ်းနဲ့ အကျိုးရှိစွာ ကုသနိုင်ပါတယ်။ ဒီကုသမှုနည်းလမ်းကို ရောဂါလက္ခဏာပြနေတဲ့ လူနာတွေအတွက်သာ အသုံးပြုနိုင်ပါတယ်။
သွေးကြောအနည်းငယ်သာကျဉ်းတဲ့ လူနာတွေအနေနဲ့ သွေးခဲပိတ်ခြင်းမှ ကာကွယ်ဖို့ အက်စပရင်ခေါ် သွေးကျဲဆေးကို နေ့စဉ်သောက်သုံးနိုင်ပါတယ်။ အက်စပရင်ဟာ ဒီရောဂါကြောင့်ဖြစ်တဲ့ ခေါင်းကိုက်ဝေဒနာနဲ့ လည်ပင်းနာခြင်းတို့ကိုပါ သက်သာစေပါတယ်။ အကယ်၍ သင်ဟာ ဆေးလိပ်သောက်တတ်သူတစ်ဦးဖြစ်ပြီး သင့်မှာ သွေးကြောနံရံပုံမမှန်တဲ့ရောဂါရှိမယ်ဆိုရင် ဆေးလိပ်သောက်ခြင်းကြောင့် ဒီရောဂါပိုဆိုးလာနိုင်တဲ့အတွက် ဆေးလိပ်ဖြတ်ဖို့ မဖြစ်မနေ လိုအပ်ပါတယ်။
တခါတရံမှာ ဒီရောဂါကြောင့် သွေးကြောဖောင်းရာကတဆင့် ဦးနှောက်ထဲသွေးယိုနိုင်တဲ့အန္တရာယ် ရှိတဲ့အတွက် ခွဲစိတ်ကုသမှုပြုလုပ်ဖို့ လိုအပ်နိုင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။