ရင်သားကင်ဆာ လက္ခဏာများ

ကင်ဆာဟာ ကမ္ဘာပေါ်မှာ အဖြစ်အများဆုံးရောဂါတစ်ခု ဖြစ်ပါတယ်။ အခြားကင်ဆာတွေနဲ့ ယှဉ်ရင် ရင်သားကင်ဆာဟာ အမျိုးသမီးတွေမှာ အဖြစ်အများဆုံး ကင်ဆာတစ်ခုဖြစ်ပါတယ်။

ရင်သားကင်ဆာရောဂါကို စောစီးစွာတွေ့ရှိမယ်ဆိုရင် ကုသပျောက်ကင်းနိုင်ဖို့က ၉၀ ရာခိုင်နှုန်း ရှိပါတယ်။

ဒါကြောင့် ရင်သားကင်ဆာ လက္ခဏာတွေကို စောစီးစွာတွေ့ရှိနိုင်ဖို့ဟာ အလွန်အရေးကြီးပါတယ်။

ရင်သား (သို့) ရင်ဘတ် နာကျင်ခြင်း

ရင်သားနာကျင်ခြင်းဟာ ရင်သားကင်ဆာနဲ့ ဆက်စပ်မှု ရှိနိုင်ပါတယ်။ အချို့လူနာတွေမှာ ပျော့ပြောင်းတဲ့ ဓါတ်လိုက်မှု တစ်ခုလိုမျိုးကို ဘယ်ဘက်ကနေ ဘာဘက်အထိ ဖြတ်သွားသလို ခံစားရနိုင်ပါတယ်။

အသက် ၅၀ အထက် အမျိုးသမီးတွေမှာ နာကျင်မှုရှိရင် ရင်သားကင်ဆာကို စစ်ဆေးသင့်ပါတယ်။ ရင်သားကင်ဆာ နာကျင်မှု ရောဂါလက္ခဏာတွေဟာ သွေးဆုံးပြီးသူတွေမှာ အဖြစ်နည်းတတ်ပါတယ်။ သူဟာ ကင်ဆာဖြစ်စေတဲ့ အကြောင်းရင်းတွေ ကြောင့်လည်း ဖြစ်နိုင်ပါတယ်။

ရင်သားအကျိတ်

ရင်သားကို စက်ဝိုင်းပုံစံ လှည့်လည်ပြီး စမ်းကြည့်မယ်ဆိုရင် အကျိတ်တွေကို မြင်ရနိုင်ပြီး များသောအားဖြင့် သူတို့ဟာ နာကျင်မှုကို ဖြစ်စေခြင်း မရှိပါဘူး။ ဒါကြောင့် ရင်ဘတ်ပိုင်းမှာ တစ်ခါမှ မမြင်ဖူးတဲ့ အကျိတ်တစ်ခု ရှိမယ်ဆိုရင် ရင်သားကင်ဆာ ဖြစ်နိုင်တာကြောင့် ဆေးရုံကို တန်းသွားပြီး စစ်ဆေးမှု ယူသင့်ပါတယ်။

ချိုင်းအကျိတ်များ

ချိုင်းအကျိတ်တွေ တွေ့ပြီဆိုရင် ဒါဟာ ရင်သားကင်ဆာ ပထမ အဆင့်ဖြစ်နိုင်ပါတယ်။ အကျိတ် (သို့) နာကျင်မှုတွေဟာ အကြောင်းရင်းမရှိပဲ ဖြစ်လာတယ်ဆိုရင် ဆရာဝန်ကို ပြသသင့်ပါတယ်။

ပုံသဏ္ဍာန်ပြောင်းခြင်း၊ နို့သီးခေါင်းမှ အရည်ကျခြင်း

အကျိတ်တွေဟာ အများအားဖြင့် နို့သီးခေါင်းအောက်ပိုင်းမှာ ဖြစ်ပွားကြပြီး သူတို့ဟာ နို့သီးခေါင်းရဲ့ ပုံသဏ္ဍာန်ကို ပြောင်းလဲစေပါတယ်။ နို့သီးခေါင်းက ထွက်တဲ့အရည်တွေဟာ ပုံမှန်မဟုတ်ရင် (သို့) သွေးအရောင်ဖြစ်နေရင် ကင်ဆာဖြစ်နိုင်ခြေရှိတာကြောင့် အလွန်အန္တရာယ်ရှိတဲ့ လက္ခဏာ တစ်ခုပဲဖြစ်ပါတယ်။

ခါးနာခြင်း၊ ပခုံးနာခြင်း

ရင်သားကင်ဆာ ရှိတဲ့ အမျိုးသမီးတွေဟာ နောက်ကျော အပေါ်ပိုင်း (သို့) ပုခုံးနှစ်ခုကြား အနောက်ပိုင်းမှာ နာကျင်မှုကို ခံစားရတတ်ပါတယ်။ သူတို့ဟာ အကျိတ်က နံရိုးနဲ့ ကျောရိုးမ ရှိရာကို ပျံ့ နှံ့သွားလို့ နောက်ကျောပိုင်းနာကျင်မှုကို ပိုဖြစ်စေတာဖြစ်ပါတယ်။

ရင်သားရောင်ခြင်း၊ နီခြင်း

ရင်ဘတ် နီနေရင်၊ ရောင်နေရင်၊ ယားယံပြီး ကြမ်းတမ်းနေရင် ရောင်ရမ်းတဲ့ ရင်သားကင်ဆာဖြစ်နိုင်ပါတယ်။ ရင်သားရောင်ရမ်းမှုဟာ အဖျားတက်ခြင်းနဲ့ တွဲဖက်တတ်ပါတယ်။ အကျိတ်ဟာ ရင်သားတစ်ရှူးကို ဖိပြီး နာကျင်မှုကိုဖြစ်စေခြင်းဖြစ်ပါတယ်။

စောစီးစွာ သိရှိစေဖို့ အထက်ဖေါ်ပြပါ လက္ခဏာတွေ ရှိရင် ဆရာဝန်နဲ့ ချက်ချင်း သွားရောက်ပြသင့်ပါတယ်။ အသက် ၄၀ ကျော် အမျိုးသမီးတွေဟာ ကျန်းမာရေးဌာနတွေမှာ အနည်းဆုံး တစ်နှစ်ကို တစ်ကြိမ် ရောဂါစစ်ဆေးမှု ခံယူသင့်ပါတယ်။

နောက်ပိုင်းလက္ခဏာများ

ရင်သားကင်ဆာဟာ တစ်ကိုယ်လုံးကို ပြန့် ပွားနေပြီး အခြားအင်္ဂါတွေကိုပါ စတင်ရောက်ရှိနေပြီဆိုရင် ဖြစ်လာတဲ့ လက္ခဏာတွေက အရိုးနာခြင်း၊အဆုတ်ရေဖုံးခြင်း၊ ပျို့ခြင်း၊ အစာစားချင်စိတ် မရှိခြင်း၊ အသားဝါခြင်းနဲ့ ကိုယ်အလေးချိန် ကျဆင်းခြင်းတို့ပဲဖြစ်ပါတယ်။

ဒီလက္ခဏာတွေ အကုန်လုံးကတော့ ရင်သားကင်ဆာ မဟုတ်ပါဘူး။ ဒါပေမယ့် ဂရုစိုက်ဖို့လိုအပ်တဲ့ လက္ခဏာတွေ ရှိရင် ဆရာဝန်နဲ့ တတ်နိုင်သမျှ စောစော ပြသသင့်ပါတယ်။

စောစီးစွာ ရောဂါရှာဖွေတွေ့ရှိခြင်းကြောင့် သက်တမ်းပိုရှည်ခြင်း၊ ပိုမို ကောင်းမွန်တဲ့ ဘဝအရည်အသွေးရရှိခြင်းနဲ့ ရောဂါကို အမြစ်ပြတ်ကုသနိုင်ခြင်း အစရှိတဲ့ အကျိုးကျေးဇူးတွေ ရရှိလာနိုင်ပါတယ်။