backup og meta

စိတ်ခံစားမှု၊ လူမှုရေးတို့နှင့် ဆိုင်သော ကိစ္စရပ်များ


Hello Sayarwon မှ ရေးသားသည်။ · 03/02/2022 တွင် အသစ်ဖြည့်စွက်ခဲ့သည်။

    စိတ်ခံစားမှု၊ လူမှုရေးတို့နှင့် ဆိုင်သော ကိစ္စရပ်များ

    ဓါတ်မတည့်ခြင်းဟုဆိုလျှင် ကျွန်ုပ်တို့သည် ဖြစ်နေကျ နှာချေခြင်း၊ မျက်လုံးယားလာခြင်း၊ အင်ပြင်ထလာခြင်း ၊ အသက်ရှုကျပ်လာခြင်း ၊ မူးဝေအော့အန်ခြင်း စသည်တို့ကို မျက်လုံးထဲတွင်မြင်ယောင်မိမည်ဖြစ်သည်။ ၎င်းတို့သည် ရုပ်ပိုင်းဆိုင်ရာ တုန့်ပြန်မှုများဖြစ်ပြီး အခြားသော ဓါတ်မတည့်မှုပုံစံများလည်းများစွာရှိပါသည်။

    အစားအစာ သို့မဟုတ် ဓါတုဗေဒပစ္စည်းများနှင့် ဓါတ်မတည့်လျှင် ရုတ်တရက်အမောဖောက်ခြင်း၊ စိတ်ဓါတ်ကျခြင်း၊ စိတ်ဆတ်ခြင်း၊ စိတ်ဖောက်ပြန်ခြင်း စသည့် စိတ်ပိုင်းဆိုင်ရာ အပြုပိုင်းဆိုင်ရာပြောင်းလဲမှုများဖြစ်လာနိုင်ပါသည်။

    ထိုမှတဆင့် စိတ်ပိုင်းဆိုင်ရာခံစားမှုများဆိုးလာကာ ဒေါသထွက်လွယ်ခြင်း၊ စိုးရိမ်စိတ်လွန်ကဲခြင်းနှင့် အာရုံစူးစိုက်မှုမပြုနိုင်ခြင်းတို့ဖြစ်လာနိုင်ပါသည်။

    ဦးနှောက်တွင် ဓါတ်မတည့်မှုဖြစ်ခြင်း

    ဦးနှောက်တွင် ဓါတ်မတည့်မှုဖြစ်ခြင်းကြောင့် စိတ်တိုလွယ်ခြင်း၊ဒေါသထွက်လွယ်ခြင်း၊ စိုးရိမ်ပူပန်ခြင်း၊ အာရုံစူးစိုက်မရခြင်း၊ စိတ်ဓါတ်ကျခြင်း စသည့် စိတ်ခံစားမှုနှင့် ဆိုင်သောစိတ်ပိုင်းဆိုင်ရာရောဂါ လက္ခဏာများဖြစ်လာရသည်။

    အစားအစာများနှင့် ဓါတ်မတည့်မှုဖြစ်စဉ်ကြောင့် ဦးနှောက်ဆဲလ်များရောင်ရမ်းကာ ပင်ကိုယ်စရိုက်များပြောင်းလဲသွားခြင်း၊ တုန့်ပြန်မှုစနစ်များမမှန်တောခြင်း၊ အာရုံကြောစနစ်များပြောင်းလဲသွားခြင်း စသည်တို့ခံစားရပါသည်။

    အဖြစ်များသော လက္ခဏာများမှာ စိတ်ဓါတ်ကျခြင်းနှင့် စိတ်ပင်ပန်းနွမ်းနယ်ခြင်းတို့ဖြစ်သည်။

    · စိတ်ပင်ပန်းနွမ်းနယ်ခြင်း

    စိတ်ပင်ပန်းနွမ်းနယ်ခြင်း သည် ရုပ်ပိုင်းဆိုင်ရာပင်ပန်းခြင်းထက်များစွာပိုဆိုးသော ရောဂါလက္ခဏာဖြစ်သည်။ စိတ်ရှုပ်ထွေးခြင်း၊ တက်ကြွမှုမရှိခြင်း၊ အတွေးအခေါ်နှင့် ရည်မှန်းချက်များ အရင်လိုမရှိတော့ခြင်း၊ စိတ်တိုလွယ်ခြင်း၊ တခါတရံ လိင်စိတ်ကင်းမဲ့သွားခြင်း၊ စိတ်ပျက်လက်လျှော့ခြင်း၊ တကိုယ်လုံးပင်ပန်းနွမ်းနယ်ပြီး ကိုက်ခဲနေခြင်း စသည်တို့သည် စိတ်ပိုင်းဆိုင်ရာပင်ပန်းနွမ်းနယ်ခြင်း၏ လက္ခဏာများဖြစ်သည်။

    · စိတ်ဓါတ်ကျခြင်း

    လွန်ခဲ့သော ၁ နှစ်က ပြုလုပ်ခဲ့သောလေ့လာမှုတခုအရ ဓါတ်မတည့်သော နှာစေးချောင်းဆိုးရောဂါတမျိုးသည် (Hay fever) အခြားသော ဓါတ်မတည့်မှုများတွင်ခံစားရသော စိတ်ကျရောဂါထက် ဖြစ်နိုင်ချေ ၂ ဆပိုဆိုးသည်ဟုဆိုပါသည်။

    နောက်ထပ်လေ့လာမှု တခုအရ အသက် ၅/၆ နှစ်ဝန်းကျင်တွင် Hay fever ဖြစ်လျှင် အသက် ၁၇ နှစ်အထိဖြစ်တတ်ပြီး သူတို့တွင်လည်း အခြားသော ဓါတ်မတည့်မှုများတွင်ခံစားရသော စိတ်ကျရောဂါထက် ဖြစ်နိုင်ချေ ၂ ဆပိုဆိုးသည်ဟုဆိုပါသည်။

    အစားအစာများတွင် ပါဝင်သော ဓါတ်မတည့်စေသော ပစ္စည်းများကို ဂရုပြုပါ။

    အစားအသောက်များစားခြင်းဖြင့် ပျော်ရွှင်နိုင်စေသည်။ သို့သော် ဓါတ်မတည့်မှုရှိသူများသည် အစာစားချိန်တိုင်း၊ ပွဲလမ်းများတွင်စားသောက်ချိန်တိုင်း အစဉ်သဖြင့်

    ရှောင်ရမည့်အစာများရှိနေခြင်းကြောင့် ရေရှည်တွင် စိတ်ဓါတ်ကျခြင်းများဖြစ်လာနိုင်ပေသည်။

    အောက်ပါအချက်များသည် သင့်ကို စိတ်ဓါတ်မကျစေရန်ကူညီပေးနိုင်ပါလိမ့်မည်။

    o သင့်တွင် အစာများနှင့် ဓါတ်မတည့်ကြောင်းသံသယရှိပါက တိကျသော ရောဂါအဖြေရရှိရန် ဓါတ်မတည့်မှုကျွမ်းကျင်ဆရာဝန်နှင့် ပြရမည်။

    o သင်နှင့် မတည့်သော အစားအစာများအကြောင်းကို အင်တာနက်စာမျက်နှာများ၊ စာအုပ်များနှင့် အချို့သော အစားအစာတံဆိပ်များမှ ဖတ်ရှုသင့်သည်။

    o သင်သည် ဓါတ်မတည့်သူများအတွက် အကြံဉာဏ်များပေးနေသော အဖွဲ့အစည်းများနှင့် ဆက်သွယ်သင့်သည်။

    o သင့်တွင် ပန်းနာရင်ကျပ်ရောဂါရှိပါက သင့်ရောဂါကိုကောင်းမွန်စွာကုသမှုခ့ယူသင့်သည်။ အဘယ့်ကြောင့်ဆိုသော် ပန်းနာရင်ကျပ်ဝေဒနာသည်များတွင် ဓါတ်မတည့်မှုပိုဆိုးတတ်သောကြောင့်ဖြစ်သည်။

    o သင်သည် ဓါတ်မတည့်မှုကြောင့် အရေးပေါ် ကျန်းမာရေးအခြေအနေနှင့် မကြုံရသေးသည့်တိုင်အောင် ထိုလက္ခဏာများကို သိရှိထားသင့်သည်။

    o ဓါတ်မတည့်မှုမရှိသော မောင်နှမသားချင်းများကိုလည်း မလိုအပ်ဘဲ အစာများရှောင်စားစေခြင်း၊ သင့်ကို ဂရုတစိုက်ရှိသော်လည်း သူတို့ကို ဂရုတစိုက်မရှိဘဲ ဖယ်ထားခြင်းမျိုးမဖြစ်ပါစေနှင့်။ သင့် အိမ်ထောင်ဘက်၏အကူအညီဖြင့် ထိုသို့မဖြစ်ရန် လုပ်ဆောင်သင့်သည်။

    o မိသားစုလိုက် မကြာခဏအပြင်ထွက်မစားမိစေရန်ကြိုးစားပါ။ လူမှုရေးအရ အပြင်ထွက်ရမည်ဆိုပါကလည်း အပြင်စာများကို တတ်နိုင်သမျှရှောင်ကျဉ်ပါ။

    သင်သိထားရမည့် အချက်မှာ အစားအစာများနှင့် ဓါတ်မတည့်မှုကြောင့် ဝေဒနာများခံစားရပြီးနောက်သင်သည် လူ့အဖွဲ့အစည်းမှဘေးထွက်နေရန်မလိုပါ။

    သင့်နည်းတူ အစားအစာများနှင့် ဓါတ်မတည့်မှုများရှိသူတို့လည်း ကျန်းမာပြီး ပျော်ရွှင်သော ဘဝများပိုင်ဆိုင်အောင် ဂရုတစိုက်နေထိုင်လျက်ရှိကြောင်းသိထားသင့်ပါသည်။

     

    မသက်ဆိုင်ကြောင်း ရှင်းလင်းချက်

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။


    Hello Sayarwon မှ ရေးသားသည်။ · 03/02/2022 တွင် အသစ်ဖြည့်စွက်ခဲ့သည်။

    advertisement iconadvertisement

    ဤဆောင်းပါးက အကူအညီဖြစ်ပါသလား။

    advertisement iconadvertisement
    advertisement iconadvertisement