B ပိုးကာကွယ်ဆေးထိုးတော့မယ်ဆိုရင် ဒါလေးတွေ သိထားဖို့လိုတယ်နော်။

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020
Share now

အသည်းရောင် အသားဝါ ဘီပိုးဆိုတာ လူတွေနဲ့ မစိမ်းတဲ့ ရောဂါပိုးတစ်ခုပါ။ သွေးတွေ၊ ချွေးတွေနဲ့ ကိုယ်ခန္ဓါကထွက်တဲ့အရည်တွေက တစ်ဆင့် ကူးစက်တာဆိုတော့ ကူးစက်နိုင်ဖို့ အလားအလာလည်း အင်မတန်များတဲ့ ရောဂါတစ်ခုပါ။ လက္ခဏာတွေကလည်း သိပ်မသိသာဘဲ ရောဂါ့ကျွမ်းမှ၊ မတော်တဆသွေးစစ်ရင်းနဲ့မှ တွေ့သွားတတ်တာဆိုတော့ ကိုယ့်ပတ်ဝန်းကျင်မှာ ဘီပိုးရှိတဲ့သူတွေ များချင်များနေမှာနော်။

နောက်ြ့ပီး ဘီပိုးက အသည်းရောင်စေတာအပြင် နောက်ဆုံး အသည်းခြောက်တာ အသည်းကင်ဆာစတဲ့ ရောဂါဆိုးတွေကို ဖြစ်စေတဲ့အပြင် သူ့ကို အပြတ်ကုသနိုင်တဲ့ ဆေးနည်းကလည်း မပေါ်သေးဘဲ ရောဂါဆက်မကြီးအောင် ထိန်းထားနိုင်တဲ့ ဆေးနည်းတွေပဲ ပေါ်သေးတာဆိုတော့ ကိုယ့်ဆီ ဘီပိုးရောက်မလာအောင် ကြိုတင်ကာကွယ်ထားဖို့က အရေးအကြီးဆုံး ဖြစ်လာပြီလေ။

ကံကောင်းတာတစ်ခုက ဘီပိုးကိုယ့်ဆီ မကူးစက်အောင်လို့ တားထားလို့ရတဲ့ B ပိုးကာကွယ်ဆေးတွေ ပေါ်နေပြီလေ။ ကာကွယ်ဆေးရှိနေပြီဆိုတော့ ကာကွယ်ဆေးအကြောင်း သေသေချာချာပြည့်ပြည့်စုံစုံ သိထားဖို့လည်း လိုပြန်ရော။ ဒါမှ ကိုယ်ကာကွယ်ဆေးထိုးရင် အထောက်အကူပြုမှာလေ။

ဘီပိုးကာကွယ်ဆေးအကြောင်း သိထားသင့်သမျှ ။ ။

ဘာ့ကြောင့် ကာကွယ်ဆေးထိုးဖို့ လိုသလဲ ။

ဘီပို းကူးစက်ခံရဖို့ အင်မတန်မှ လွယ်ကူပြီး ကူးစက်ခံထားရရင်လည်း ရောဂါလက္ခဏာသေသေချာချာ မသိနိုင်ဘဲ ရောဂါတော်တော်ကျွမ်းမှ သိသွားနိုင်တဲ့အပြင် ပိုးကို အသေသတ်နိုင်တဲ့ဆေးနည်းတွေလည်း မပေါ်သေးတာကြောင့် ဘီပိုးကာကွယ်ဆေးက ထိုးကိုထိုးထားဖို့လိုအပ်တဲ့ ကာကွယ်ဆေးတစ်ခုပါ။

ဘယ်သူတွေက ကြိုထိုးထားသင့်လဲ။

လူတိုင်းထိုးထားသင့်တဲ့ ကာကွယ်ဆေးတစ်ခုဖြစ်ပေမယ့် ခုပြောပြမယ့်သူတွေက ပိုထိုးထားသင့်ပါတယ်။

  • အိမ်သားထဲက တစ်ယောက်ယောက်မှာ ဘီပိုးရှိတဲ့အခါ
  • ဘီပိုးရောဂါသည်တွေများတဲ့ ဆေးရုံလိုနေရာမျိုးမှာ အလုပ်လုပ်နေရတဲ့သူတွေ
  • ဘီပိုးရှိတဲ့ မိခင်ကနေ မွေးဖွားလာတဲ့ ရင်သွေးလေးတွေ က ကာကွယ်ဆေး အထိုးသင့်ဆုံး သူတွေပါ။
  • ခုနောက်ပိုင်း တိုးတက်လာတော့ မွေးကင်းစကလေးတွေထိုးရတဲ့ ငါးမျိုးစပ် ကာကွယ်ဆေးမှာ ဘီပိုးကာကွယ်ဆေးက ပါပြီးသားပါ။

ကာကွယ်ဆေးထိုးချင်တာနဲ့ တန်းထိုးလိုက်ရုံပဲလား။

အထူးသတိပြုရမယ့် အချက်ပါ။ ကာကွယ်ဆေးမထိုးခင် ကိုယ့်မှာ ဘီပိုးရှိနေလားဆိုတာ အရင်သွေးစစ်ဖို့လိုပါတယ်။ ဘီပိုးမရှိတော့မှ ကာကွယ်ဆေးထိုးလို့ရမှာပါ။

ဘီပိုးကာကွယ်ဆေးက တစ်ကြိမ်တည်းထိုးရုံရလား။

ဘီပိုးကာကွယ်ဆေးက တစ်ကြိမ်တည်းထိုးရုံနဲ့ မပြီးပါဘူး။ သုံးကြိမ်ထိုးရမယ့် ကာကွယ်ဆေးတစ်မျိုးပါ။ အသုံးအများဆုံး အကြိမ်ကတော့ 0-1-6 ဖြစ်ပါတယ်။ သဘောက ပထမဆုံးအကြိမ်ထိုးပြီး နောက်တစ်လအကြာ ဒုတိယအကြိမ် ကာကွယ်ဆေးထိုးရမှာ ဖြစ်ပြီး ဒုတိယအကြိမ်ပြီး ၆ လအကြာမှာ တတိယအကြိမ် ကာကွယ်ဆေးထိုးရမှာ ဖြစ်ပါတယ်။ ကိုယ့်ထိုးရမယ့်ရက်ကို သေချာမှတ်ထားပြီး အကြိမ်ရေပြည့်အောင်ထိုးပါမှ ကာကွယ်ဆေးအောင်မှာ ဖြစ်ပါတယ်။

ကာကွယ်ဆေးသုံးကြိမ်ထိုးပြီးရင်ဘာတွေလုပ်ရဦးမှာလဲ။

ကာကွယ်ဆေး သုံးကြိမ်ထိုးပြီပြီဆိုတာနဲ့ ဆေးအောင်မအောင် ပြန်စစ်ဖို့လိုပါတယ်။ ကာကွယ်ဆေးအောင်ပြီဆိုတော့မှ စိတ်ချရမှာဖြစ်ပြီး ဆေးမအောင်ရင် အစကပြန်ထိုးဖို့လိုပါတယ်။

တစ်ခါကာကွယ်ဆေးအောင်သွားပြီးရင် ဘီပိုးကာကွယ်ဆေးက တစ်သက်လုံးခံလား။

ဘီပိုးကာကွယ်ဆေးက တစ်ကြိမ်အောင်ပြီးရင် စိတ်ချရသွားပြီဆိုပေမယ့် ပိုပြီး စိတ်ချရအောင် ၅ နှစ်တစ်ကြိမ် ပြန်ပြန်ထိုးပေးဖို့လည်း လိုအပ်ပါတယ်။

ဘီပိုးကာကွယ်ဆေးကို ဘယ်မှာထိုးလို့ရသလဲ။

ဆေးရုံဆေးခန်းတွေမှာ ကာကွယ်ဆေးထိုးလို့ရသလို၊ ဆေးဆိုင်တွေမှာ ကိုယ့်ဘာသာဝယ်ပြီး အသိဆရာဝန်တွေကို ထိုးခိုင်းလို့လည်းရပါတယ်။ ကာကွယ်ဆေးဝယ်မယ်ဆိုရင်တော့ ကာကွယ်ဆေးခံအောင် ရေခဲတွေနဲ့ အတူထားပါ။

ကိုယ်ခန္ဓါဘယ်နေရာမှာ ကာကွယ်ဆေးထိုးတတ်ကြလဲ။

ဘီပိုးကာကွယ်ဆေး အထိုးအများဆုံးနေရာကတော့ လက်မောင်းမှာ ဖြစ်ပီး ထိုးပြီးတာနဲ့ ဆေးထိုးထားတဲ့နေရာကို မချေဖို့လိုအပ်ပါတယ်။ တစ်ချို့လူတွေမှာ ကာကွယ်ဆေးထိုးထားတဲ့နေရာ အောင့်ကျန်တာမျိုး တစ်ပတ်လောက်အထိခံစားရတတ်ပါတယ်။မွေးကင်းစကလေးတွေဆိုရင်တော့ အသားများတဲ့ပေါင်လိုနေရာမျိုး မှာ ကာကွယ်ဆေးထိုးပေးပါတယ်။

ဒါတွေကတော့ ဘီပိုးကာကွယ်ဆေး မထိုးခင်သိထားသင့်တဲ့ အကြောင်းအရာတွေပါ။ ဘီပိုးကာကွယ်ဆေးထိုးတဲ့ နေရာမှာ အရေးအကြီးဆုံးကတော့ ရက်ချိန်းမှန်အောင်၊ အကြိမ်ရေပြည့်အောင် ဆေးထိုးရမှာ ဖြစ်ပြီး ဆေးအောင်မအောင် ပြန်စစ်ဖို့လည်း မမေ့သင့်ပါ။ ဒါလေးတွေသိထားတော့ ကိုယ်ကာကွယ်ဆေးထိုးတဲ့အခါ အူတူတူ ဖြစ်မနေတော့ဘဲ ဆရာဝန်တွေနဲ့ သေချာ ဆွေးနွေးလို့ရသွားပြီပေါ့။

Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Read also:

ဒီဆောင်းပါးက သင့်အတွက် အသုံးဝင်ပါသလား။
happy unhappy"

သင်ဒါလည်း နှစ်သက်နိုင်ပါတယ်။

COVIDအလွန် ကျန်းမာရေးပြဿနာ များကို ရင်ဆိုင်ခြင်း

ကျန်းမာရေးပြဿနာ COVID ကိုဗစ်ကာလ ဆီးချို သွေးတိုး အပူလျှပ် ကာကွယ်ဆေး TB HIV တားဆေး Telemedicine ရက်ချိန်း ဆေးရုံဆေးခန်း အရေးပေါ်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

 Measles (သို့) ဝက်သက်ရောဂါ အကြောင်း လေ့လာကြမယ်။

ဝက်သက်ရောဂါ Covid Stay home ကိုရိုနာဗိုင်းရပ်စ် ကာကွယ်ဆေး ဗီတာမင် A mask ဗိုင်းရပ်စ် အဖျားကျ ကိုယ်ခံအားကောင်း အသက်အန္တရာယ်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

ကိုဗစ် အလွန် new normal life

ကိုဗစ် ကာကွယ်ဆေး ဗိုင်းရပ်စ် နာတာရှည်ရောဂါ ကုသဆေး Lockdown နှာခေါင်းစည်း ခပ်ခွာခွာ လက်ဆေး စျေးသွား new normal life ကလေး ကျောင်းတက်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

COVID_19 နှင့် အတူယှဉ်တွဲ နေထိုင်ခြင်း

ကမ္ဘာ့နိုင်ငံ ကိုဗစ် ကူးစက်မှု လုပ်ငန်းခွင် ကူးစက်မှုနှုန်း covid_19 တစ်ဦးတစ်ယောက်ချင်း ကာကွယ်ဆေး မြန်မာနိုင်ငံ Stay at Home Second wave ရောဂါ စကာကွယ်ပါ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

သင့်အတွက် ရွေးချယ်ထားသည်

ချစ်ရတဲ့ ဖေဖေမေမေ၊ ဖိုးဖိုးဖွားဖွားတို့ကို ကူးစက်ရောဂါအန္တရာယ်ကနေ ကာကွယ်ကြရအောင်

ချစ်ရတဲ့ ဖေဖေမေမေ၊ ဖိုးဖိုးဖွားဖွားတို့ကို ကူးစက်ရောဂါအန္တရာယ်ကနေ ကာကွယ်ကြရအောင်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် မေ 22, 2020

COVID-19 အလွန် နောက်ဆက်တွဲ စိတ်ကျန်းမာရေးပြဿနာများကို ရင်ဆိုင်ခြင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Zon Aung
ရေးသား ထုတ်ဝေခဲ့သည် မေ 21, 2020
ကလေးဖျားပြီး အနီစက် ထွက်ရင်

ကလေးဖျားပြီး အနီစက် ထွက်ရင်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် မေ 18, 2020
ကလေးတွေ mask တပ်ဖို့ လိုသလား။

ကလေးတွေ mask တပ်ဖို့ လိုသလား။

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် မေ 13, 2020