Clotrimazole လိမ်းဆေး (ကလိုထရိုင်မက်ဇော) ဆိုတာ မှိုသေဆေး အမျိုးအစားဖြစ်ပါတယ်။ လိမ်းဆေး၊ သောက်ဆေး၊ နားအတွင်းထဲထည့်ဆေး၊ မိန်းမကိုယ်ထဲထည့်ဆေး စသဖြင့် အမျိုးမျိုးရှိပါတယ်။ Clotrimazole က Azoleပါတဲ့ ဆေးဖြစ်ပြီး မှိုတွေ မပွားအောင် တားပေးနိုင်ပါတယ်။
မှ အချက်အလက် စစ်ဆေးထားပါသည်။ Hello Sayarwon Panel
Clotrimazole လိမ်းဆေး (ကလိုထရိုင်မက်ဇော) ဆိုတာ မှိုသေဆေး အမျိုးအစားဖြစ်ပါတယ်။ လိမ်းဆေး၊ သောက်ဆေး၊ နားအတွင်းထဲထည့်ဆေး၊ မိန်းမကိုယ်ထဲထည့်ဆေး စသဖြင့် အမျိုးမျိုးရှိပါတယ်။ Clotrimazole က Azoleပါတဲ့ ဆေးဖြစ်ပြီး မှိုတွေ မပွားအောင် တားပေးနိုင်ပါတယ်။
Clotrimazole ကို အရေပြားမှိုစွဲတာတွေ ဖြစ်တဲ့ သဲဝဲစားတာ၊ ပေါင်ခြံပွေး၊ ပွေးကွက်နဲ့ အရေပြားမှက္ခရုလိုမျိုး ရောဂါတွေမှာ သုံးနိုင်ပါတယ်။ ဒါ့ပြင် ဂုတ်၊ ရင်ဘတ်၊ လက်နဲ့ ခြေထောက်တွေမှာ ဖြစ်တတ်တဲ့ ညှင်းရောဂါအတွက်လည်း သုံးနိုင်ပါတယ်။
Clotrimazoleကို ဆေးညွှန်းအတိုင်း ဒါမှမဟုတ် ဆရာဝန် ညွှန်ကြားတဲ့အတိုင်း လိမ်းရပါတယ်။ ညွှန်ကြားတာထက် ပိုလိမ်းတာ၊ လျှော့လိမ်းတာ၊ စွဲလိမ်းတာမျိုး မလုပ်ရပါဘူး။
လိမ်းဆေးကို ပါးစပ်ထဲ မဝင်စေရပါဘူး။ သောက်ဆေးလို မသောက်ရပါဘူး။ မျက်လုံးထဲ၊ နှာခေါင်းထဲနဲ့ မိန်းမကိုယ်ထဲကို မထည့်ရပါဘူး။
ဆေးကို ပုံမှန်လိမ်းပါ။ ရက်မပြည့်ခင် လက္ခဏာတွေ သက်သာလာတာမျိုး ဖြစ်နိုင်ပါတယ်။ ဒါပေမယ့် ဆေးပတ်လည်အောင် လိမ်းပါ။ မဟုတ်ရင် ဆေးယဉ်ပါးပြီး ဆေးမတိုးတာ ဖြစ်တတ်ပါတယ်။
လက္ခဏာတွေ ပိုဆိုးလာရင် ဒါမှမဟုတ် ၄ပတ်ကြာတာတောင် မသက်သာရင် ဆရာဝန်နဲ့ ပြန်ပြဖို့ လိုပါတယ်။
ဆေးကို အခန်းအပူချိန်မှာ သိုလှောင်ထားနိုင်ပါတယ်။ တိုက်ရိုက်နေရောင်ခြည်မထိအောင်နဲ့ စိုစွတ်မှုမရှိအောင်ထားပါ။ ဆေးမပျက်စီးစေဖို့ ရေချိုးခန်းထဲမှာ သိမ်းဆည်းတာနဲ့ ရေခဲပြီး သိမ်းဆည်းတာတွေမပြုလုပ်ပါနဲ့။
ဆေးထုတ်လုပ်တဲ့ ကုမ္ပဏီကွဲပြားမှုပေါ်မူတည်ပြီး သိမ်းဆည်းတဲ့ပုံစံ ကွဲပြားခြားနားမှုရှိနိုင်ပါတယ်။ ဒီအတွက် ဆေးဘူးအခွံမှာပါတဲ့ သိုလှောင်သိမ်းဆည်းမှုညွှန်ကြားချက်ကို ကြည့်ရှုစစ်ဆေးတာမျိုး ဒါမှမဟုတ် ဆေးဝါးကျွမ်းကျင်ပညာရှင်ကို မေးမြန်းတာမျိုး အမြဲလုပ်ပါ။ လုံခြုံစိတ်ချရဖို့အတွက် ဆေးဝါးတွေအကုန်လုံးကို ကလေးတွေ၊ အိမ်မွေးတိရိစ္ဆာန်တွေနဲ့ ဝေးရာမှာထားပါ။
ဆေးကို အိမ်သာထဲကိုပစ်ချတာနဲ့ ရေထွက်ပေါက်တွေထဲကနေ သွန်ချတာမျိုးကို မလုပ်သင့်ပါဘူး။ ဒါ့ပြင် ဆေးဝါးတွေကို မလိုအပ်တော့တဲ့အခါ ဒါမှမဟုတ် သက်တမ်းကုန်ဆုံးသွားတဲ့အခါတွေမှာ စနစ်တကျစွန့်ပစ်ဖို့ အရေးကြီးပါတယ်။ ဆေးဝါးတွေကို စနစ်တကျဘယ်လိုစွန့်ပစ်ရမယ်ဆိုတာနဲ့ ပတ်သက်ပြီး သင့်ရဲ့ဆေးဝါးကျွမ်းကျင်ပညာရှင်နဲ့ တိုင်ပင်ပါ။
ဒီလိမ်းဆေးကို ကိုယ်ဝန်ဆောင်နေချိန် ဒါမှမဟုတ် ကလေးနို့တိုက်နေချိန်တွင် သောက်တဲ့အခါ ဆိုးကျိုးများရှိမရှိအတွက် လုံလောက်တဲ့ လေ့လာစမ်းသပ်ချက်တွေ မရှိသေးပါ။ ဒါကြောင့် ဆေးမသောက်သုံးမီမှာ ဖြစ်နိုင်တဲ့ ကောင်းကျိုး၊ ဆိုးကျိုး ချိန်ဆနိုင်ဖို့ ဆရာဝန်နဲ့ တိုင်ပင်ပါ။
အမေရိကန်ပြည်ထောင်စု အစားအသောက်နဲ့ ဆေးဝါးကွပ်ကဲရေးအဖွဲ့ရဲ့ကိုယ်ဝန်ဆောင်များတွင် ထိခိုက်နိုင်ခြေအဆင့် သတ်မှတ်ချက်များမှာ အောက်ပါအတိုင်းဖြစ်ပါတယ်။
Clotrimazoleက မိခင်နို့ရည်မှာ ပါနိုင်တယ်ဆိုတဲ့ လေ့လာချက်မျိုး မတွေ့ရသေးပါ။ ဒါပေမယ့် လိမ်းဆေးအနေနဲ့ အသုံးပြုတဲ့အခါ သောက်ဆေးတွေလိုပဲ သွေးထဲကို အနည်းငယ်တော့ ရောက်နိုင်ပါတယ်။ ဒါကြောင့် နို့တိုက်မိခင်တွေအနေနဲ့ သုံးမယ်ဆိုရင် ဆရာဝန်နဲ့ တိုင်ပင်သင့်ပါတယ်။
တခြားဆေးတွေလိုပဲ သူ့မှာလည်း ဘေးထွက်ဆိုးကျိုး အနည်းငယ် ရှိနိုင်ပါတယ်။ ဖြစ်လာခဲ့ရင်တောင် များသောအားဖြင့် လက္ခဏာက ပြင်းထန်လေ့မရှိပါဘူး။ ဆေးရပ်လိုက်ရင် ဒါမှမဟုတ် ဆေးပမာဏလျှော့လိုက်ရင် သက်သာသွားပါတယ်။ တွေ့ရတတ်တဲ့ ဘေးထွက်ဆိုးကျိုးတွေကတော့
အောက်ပါလက္ခဏာများ ခံစားရပါက ဆရာဝန်နဲ့ အမြန်ပြသပါ။
ခုပြောတဲ့ ဘေးထွက်ဆိုးကျိုးတွေက လူတိုင်းမှာ ဖြစ်ချင်မှဖြစ်မှာပါ။ တစ်ဦးနဲ့တစ်ဦးလည်း ကွဲပြားခြားနားမှုရှိနိုင်ပါတယ်။ ဘေးထွက်ဆိုးကျိုးနဲ့ ပတ်သက်ပြီး စိုးရိမ်ပူပန်မှုများရှိနေမယ်ဆိုရင် ဆရာဝန် သို့မဟုတ် ဆေးဝါးကျွမ်းကျင်ပညာရှင်နဲ့ တိုင်ပင်ဆွေးနွေးပါ။
Clotrimazole က လောလောဆယ် သောက်သုံးနေတဲ့ တခြားဆေးဝါးတွေနဲ့ ဓာတ်ပြုမှုတွေဖြစ်နိုင်ပြီး ဆေးဝါးတွေရဲ့ အာနိသင်ပြောင်းလဲတာ၊ ဘေးထွက်ဆိုးကျိုးတွေ ပိုခံစားရတာတွေ ဖြစ်နိုင်ပါတယ်။
မလိုလားအပ်တဲ့ ဆေးဝါးဓာတ်ပြုမှုတွေ ဖြစ်မလာအောင်လို့ သင်လက်ရှိသောက်သုံးနေတဲ့ ဆေးဝါးတွေ အားလုံးရဲ့ စာရင်းကို လုပ်ထားပြီး (စာရင်းလုပ်တဲ့အခါမှာ ဆရာဝန်ညွှန်ကြားထားတာတွေ၊ မညွှန်ကြားဘဲ သောက်သုံးနေတာတွေ၊ သဘာဝဆေးဘက်ဝင်ပစ္စည်းတွေ အားလုံးပါဝင်ပါတယ်) ဆရာဝန် ဒါမှမဟုတ် ဆေးဝါးကျွမ်းကျင်ပညာရှင်ကို ပြောပြဖို့ လိုပါတယ်။
ဆေးဓာတ်ပြုတဲ့ လက္ခဏာတွေ ခံစားရရင် ဆရာဝန်နဲ့ တိုင်ပင်ပါ။ ဆေးပမာဏပြန်ညှိတာ၊ တခြားဆေးနဲ့ အစားထိုးတာ၊ ဆေးရပ်တာတွေ လုပ်ရနိုင်ပါတယ်။
Clotrimazoleက အစားအသောက် ဒါမှမဟုတ် အရက်သေစာနဲ့ ဓာတ်ပြုမှုတွေဖြစ်ပြီး ဆေးဝါး အာနိသင်ပြောင်းတာနဲ့ ဘေးထွက်ဆိုးကျိုးတွေ ဖြစ်လာနိုင်ပါတယ်။ ဆေးလိမ်းနေတဲ့ရက်တွေမှာ အရက်သောက်တာကို ရှောင်ပါ။ မလိုလားအပ်တဲ့ ဓာတ်ပြုမှုတွေ မဖြစ်လာအောင်လို့ အစားအသောက်၊ အရက်သေစာတွေနဲ့ ဓာတ်ပြုနိုင်ခြေ ရှိ၊ မရှိကို ဆရာဝန် ဒါမှမဟုတ် ဆေးဝါးကျွမ်းကျင်ပညာရှင်နဲ့ မေးမြန်းတိုင်ပင်ပါ။
Clotrimazole က သင့်ရဲ့ နဂိုကျန်းမာရေးအခြေအနေတွေအပေါ် သက်ရောက်မှုတွေ ရှိနိုင်ပါတယ်။ သင့်ရဲ့ ကျန်းမာရေးအခြေအနေကို ပိုဆိုးသွားစေတာ ဒါမှမဟုတ် ဆေးအာနိသင် ပြောင်းလဲသွားတာတွေ ဖြစ်နိုင်ပါတယ်။ ဒါ့ကြောင့် သင့်ရဲ့ကျန်းမာရေးအခြေအနေအကုန်လုံးကို သင့်ရဲ့ဆရာဝန် ဒါမှမဟုတ် ဆေးဝါးကျွမ်းကျင်ပညာရှင်ကို ကြိုတင်အသိပေးဖို့ အရေးကြီးပါတယ်။
အခုအချက်အလက်များမှာ ဆေးပညာအကြံပေးမှုကို အစားထိုးရန်အတွက်မဟုတ်ပါ။ ဆေးဝါးများကို အသုံးမပြုခင် ဆရာဝန် သို့မဟုတ် ဆေးဝါးပညာရှင်နဲ့ အမြဲတမ်းတိုင်ပင်ဆွေးနွေးသင့်ပါတယ်။
Clotrimazole လိမ်းရမယ့် ပမာဏက လူနာပေါ် မူတည်ပြီး အပြောင်းအလဲရှိနိုင်ပါတယ်။ ဒါကြောင့် ဆရာဝန်ညွှန်ကြားတဲ့အတိုင်း ဒါမှမဟုတ် ဆေးညွှန်းအတိုင်း လိမ်းသင့်ပါတယ်။ ဒါကြောင့် တစ်ယောက်နဲ့ တစ်ယောက် မတူတာမျိုး ဖြစ်နိုင်ပါတယ်။
နောက်ပြီး ဆေးရဲ့ ပြင်းအား (%) နဲ့လည်း ဆိုင်ပါတယ်။ တစ်ရက်ကို လိမ်းရမယ့် အကြိမ်ရေ၊ တစ်ကြိမ်နဲ့ တစ်ကြိမ် ခြားရမယ့် အချိန်၊ လိမ်းရမယ့် ရက် စတာတွေကလည်း သင်ဖြစ်နေတဲ့ မှိုရောဂါအလိုက် ပြောင်းလဲနိုင်ပါတယ်။
များသောအားဖြင့်တော့ လိမ်းဆေးကို ကလေးဖြစ်ဖြစ်၊ လူကြီးဖြစ်ဖြစ် တစ်ရက် ၂ကြိမ် (မနက်တစ်ကြိမ်၊ ညနေတစ်ကြိမ်) လိမ်းရလေ့ ရှိပါတယ်။
Clotrimazole ကို အောက်ပါ ပမာဏများဖြင့် ရနိုင်ပါသည်။
အရေးပေါ်အခြေအနေ သို့မဟုတ် ဆေးပမာဏလွန်သွားတဲ့ အခြေအနေတွေမှာ အရေးပေါ်ဆေးရုံဆေးခန်းများမှာ သွားရောက်ကုသမှုခံယူပါ။
Clotrimazole ကို လိမ်းဖို့ လွတ်သွားခဲ့ပါက (မေ့ခဲ့ပါက) သတိရတဲ့အချိန်မှာ အမြန်ဆုံးလိမ်းပါ။ ဒါပေမယ့် နောက်တစ်ကြိမ်လိမ်းရမယ့်အချိန်မှ သတိရတယ်ဆိုရင်တော့ လွတ်သွားတဲ့ဆေးကို ထားလိုက်ပါ။ ပုံမှန်အတိုင်းပဲ ဆက်လိမ်းပါ။ ဆေးနှစ်ဆ လိမ်း တာမျိုး မလုပ်ပါနဲ့။
ရေးသားသူ- Dr Su Sandy
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
ဆက်စပ် အကြောင်းအရာများ
မှ အချက်အလက် စစ်ဆေးထားပါသည်။
Hello Sayarwon Panel
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။