ဒါပေမယ့် ဒီကြားထဲမှာ အနံ့ပြန်ရအောင် လေ့ကျင့်ပေးလို့ရပါတယ်။ သေချာပေါက် ပြန်ရကို ရမယ်လို့ အာမမခံနိုင်ပေမယ့် ဒီတိုင်း ထိုင်စောင့်တာထက်စာရင် စမ်းကြည့်တာတော့ မမှားပါဘူး။
ဒါကို ဆေးပညာမှာ Olfactory trainingလုပ်တယ်လို့ ခေါ်ပါတယ်။ လုပ်ရမှာကလည်း လွယ်လွယ်လေးပါပဲ။ အနံ့ထွက်တဲ့ ပစ္စည်းလေးမျိုး (အသုံးများတာတော့ နှင်းဆီ၊ သံပုရာ၊ လေးညှင်း၊ ယူကလစ်ဆီ) ကို တစ်မျိုးစီကို စက္ကန့် ၂၀ဆီရှူပေးပါ။ အနံ့ဝင်အောင် ရှိုက်ရှူပေးရပါမယ်။ တစ်နေ့ကို ၂ကြိမ် လေ့ကျင့်ပါ။ အနည်းဆုံး ၃လလောက် လေ့ကျင့်ကြည့်ပါ။
၃လကျော်လို့မှ မကောင်းသေးရင်တော့ ကိုဗစ်ကြောင့် အနံ့ပျောက်တာအပြင် တခြားရောဂါတစ်ခုခုတွဲနေတာ (ဥပမာ နှာခေါင်းအသားပို၊ ထိပ်ကပ်နာ)ကြောင့် ဖြစ်နိုင်ပါတယ်။ ဒါကြောင့် နား၊ နှာခေါင်း၊ လည်ချောင်းဆရာဝန်နဲ့ ပြသပြီး စစ်ဆေးကြည့်ပါ။
အနံ့ပြန်ရရင် ကိုဗစ်ပျောက်ပြီလား။
လူနာတချို့ရဲ့ လွဲမှားနေတဲ့ အယူအဆတစ်ခုကို ဖြေရှင်းပေးချင်ပါတယ်။ ဒါကတော့ စစချင်းအနံ့ပျောက်သွားတာနဲ့ အနံ့ပြန်ရဖို့ကို ကြိုးစားတာပါပဲ။ အနံ့ပျောက်သွားရင် အရင်ဆုံးလုပ်ရမှာ ကိုဗစ်ရှိမရှိ စစ်ဆေးရမှာပါ။ ကိုယ့်ကိုယ်ကို ကိုဗစ်လူနာလို့ သတ်မှတ်ပြီး အိမ်သားတွေနဲ့ ဝေးဝေးနေ၊ ဆေးစစ်ဖို့ စောင့်ဆိုင်းရမှာပါ။
ကိုဗစ်ရှိရင် အနံ့ပျောက်သွားတာ မှန်ပေမယ့် အနံ့ပြန်ရရင် ကိုဗစ်ပျောက်သွားတာ မဟုတ်တာကို ရှင်းရှင်းလင်းလင်း သိထားဖို့ လိုပါတယ်။ ဘာကြောင့်လဲဆိုတော့ တချို့က အနံ့ပျောက်ပြီး ရက်ပိုင်းလောက်မှာ အနံ့ပြန်ရတဲ့အတွက် ကိုဗစ်ပျောက်သွားပြီလို့ အထင်မှားတတ်ကြပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။