COVID-19 ကို ထုံးမှုန့်က သတ်နိုင်သလား

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

ခုနောက်ပိုင်း အရပ်ထဲမှာ ထုံးမှုန့်တွေ လိုက်ဖြူးကြတယ်၊ လိုက်ဖြန်းကြတယ်ဆိုတဲ့ သတင်းတွေ ခပ်စိပ်စိပ်ဆိုသလို ကြားနေ မြင်နေရပါတယ်။ မြန်မာတွေက ထုံးမှုန့်ဟာ ပိုးမွှားတွေကို ဖယ်ရှားသတ်ဖြတ်နိုင်တယ်ဆိုတဲ့ ယုံကြည်ချက်ကလေးကလည်း ရှိထားပါတယ်။

ဒီလိုယူဆချက်တွေကြောင့်ပဲ ခုလို COVID-19 ကာလမှာ ပိုးမွှားတွေကို သတ်နိုင်တဲ့ ထုံးမှုန့်တွေကို ရပ်ကွက်တွေ၊ လမ်းတွေ၊ ရေမြောင်းတွေနဲ့ နေအိမ်ခြံဝန်းတွေမှာ လိုက်ပြီး ဖြူးတာ ဖြန်းတာမျိုးတွေ ခပ်စိပ်စိပ်ပြုလုပ်လာနေကြတာပါ။

ဘယ်သို့သော လမ်းညွှန်ချက်တွေ၊ ညွှန်ကြားချက်တွေကြောင့် ဒီလိုပြုမူနေကြတယ်ဆိုတာကို တိကျသေချာစွာမသိရှိထားရပေမယ့် လူနေနေရာတွေမှာ ထုံးမှုန့်တွေ ဖြန်းနေတာကတော့ မြင်ရတွေ့ရ များလာနေပါတယ်။

တကယ်တမ်းအားဖြင့် ထုံးမှုန့်တွေဟာ သံမဏိနဲ့ ပလတ်စတစ်ထုတ်လုပ်ရေးလုပ်ငန်းခွင်တွေ၊ စိုက်ပျိုးရေးနဲ့ ဆောက်လုပ်ရေး လုပ်ငန်းခွင်တွေအတွက် ဖန်တီးထားတဲ့ အရာတွေဖြစ်ပြီးတော့ ကွန်ကရစ်ဖျော်ဖို့၊ Filler အနေနဲ့ သုံးဖို့၊ စိုက်ခင်းတွေမှာသုံးဖို့၊ သတ္တုပုံသွန်းဖို့နဲ့ ရေသန့်စင်မှုတွေမှာအသုံးပြုဖို့တွေအတွက် ရည်ရွယ်ထားကြတာပါ။ ပါဝင်ပစ္စည်းအနေနဲ့ Chloride၊ Oxocalcium၊ Silicon monoxide၊ Aluminum oxide စတဲ့ ဓာတုဗေဒပစ္စည်းတွေပါဝင်နေပါတယ်။

ထုံးမှုန့်ဖြူးရင် ရောဂါပိုးကို သတ်နိုင်မှာလား

ထုံးမှုန့်ဖြူးတာဟာ တကယ် COVID-19 ကို သတ်နိုင်သလားဆိုတာနဲ့ ပတ်သတ်ပြီး လူတွေအကြားမှာ ဝိဝါဒကွဲပြားမှုတွေ ရှိနေပါတယ်။ ဒီလိုပါပဲ၊ လူထုအကြားထဲမှာလဲ သို့လော သို့လော မေးခွန်းတွေ ပေါ်လာနေပါတယ်။

လက်ရှိ သိပ္ပံနည်းကျ လေ့လာချက်တွေအရ ထုံးမှုန့်ဟာ လူကို ကျန်းမာရေးဆိုင်ရာ အန္တရာယ်ပေးနိုင်တဲ့ ပိုးမွှားတွေထဲကဆိုရင် Salmonella (ဒါမှမဟုတ်) Campylobacter ပိုးကိုသာ ဖယ်ရှားရှင်းလင်းပေးနိုင်တယ်လို့ သုတေသနရလဒ်တွေက ဖော်ပြထားပါတယ်။ ထုံးမှုန့်ဟာ မြေအောင်း တီကောင်၊ ကျွတ် စတဲ့ မြေအောင်း တွားသွား သတ္တဝါတွေကို ထိခိုက်စေနိုင်ပေမယ့် လူ့ခန္တာကိုယ်နဲ့ ဆက်နွယ်နေတဲ့ ရောဂါပိုးမွှားတွေကို ဖယ်ရှားနိုင် သတ်ဖြတ်နိုင်တယ်ဆိုတဲ့ သက်သေပြချက် လုံလုံလောက်လောက် ရှိမထားသေးပါဘူး။

ဒါကြောင့် လက်ရှိ ဗိုင်းရပ်စ်တွေထက် ပိုမိုအရွယ်အစားကြီးမားပြီး အားကောင်းတဲ့ COVID-19 ကို သတ်နိုင်မသတ်နိုင်ဆိုတာကို တိကျရေရာတဲ့ သက်သေပြချက်မျိုးမရှိသေးပါဘူး။ ထုံးမှုန့်အနေနဲ့ COVID-19 ရောဂါပိုးကို တားဆီးနိုင်ဖို့ဆိုတာက ဖြစ်နိုင်ခြေလည်း နည်းပါးတယ်လု့ိ ယူဆရပါတယ်။ ကံသေကံမပြောလို့မရတဲ့ အရာဖြစ်ပါတယ်။

လက်ရှိအချိန်အထိ WHO ၊ CDC နဲ့ ကျန်းမာရေးနှင့် အားကစားဝန်ကြီးဌာနတို့လို ဦးဆောင်ကျန်းမာရေးဌာနတွေကလည်း ထုံးမှုန့်ကို အသုံးပြုဖို့ လုံးဝ ညွှန်ကြားထားတာမျိုးမရှိကြသလို တခြားတိုင်းပြည်တွေမှာလည်း ရောဂါကာကွယ်ရေးအတွက် အသုံးပြုကြတာမျိုး မရှိကြပါဘူး။ ထုံးမှုန့်ကြောင့် COVID-19 သေစေတယ်လို့လည် ဘယ်သူမှ ပြောဆိုထားခြင်းမရှိပါဘူး။

ဖြူးထားတာက မဖြူးထားတာထက် ပိုမကောင်းဘူးလား?

ထုံးမှုန့်တွေ ဖြူးတာဟာ COVID-19 ကို သတ်နိုင်မသတ်နိုင်မသေချာပေမယ့် သာမန်လူတွေအတွက် ကျန်းမာရေးဆိုင်ရာ ဆိုးကျိုးတွေကို ဖြစ်ပေါ်စေနိုင်တာကတော့ အမှန်ဖြစ်ပါတယ်။ ဒါကြောင့် ထုံးမှုန့်ဖြူးထားတာဟာ မဖြူးထားတာထက်စာရင်တော့ ပိုစိတ်ချရတယ်ဆိုတဲ့ အယူက အန္တရာယ်များတဲ့ အယူအဆတစ်ခုဖြစ်ပါတယ်။

ထုံးမှုန့်ဟာ Hypersensitivity လိုမျိုး ကိုယ်ခံအားနစ် (Immune System) ထိခိုက်မှုကြောင့်ဖြစ်ပေါ်လာတဲ့ ဝေဒနာမျိုးတွေ ဖြစ်စေနိုင်ပါတယ်။ COVID-19 ဟာ ကိုယ်ခံအားစနစ် အားကောင်းဖို့ လိုအပ်တဲ့ ရောဂါဖြစ်တာမို့ ဒီအချက်ဟာ သတိထားသင့်တဲ့အချက်ဖြစ်ပါတယ်။

ဒါ့အပြင် ထုံးမှုန့်တွေကို မကြာခန ထိကိုင်မိတာ၊ အဆက်မပြတ် ရှုရှိုက်မိတာမျိုးတွေ ကြုံဆုံရပြီးတဲ့နောက်မှာ ဖြစ်ပေါ်လာနိုင်တဲ့ တခြားဝေဒနာတွေ ရှိနေပါသေးတယ်။ ဒါတွေကတော့

  • ဓာတ်မတည့်တာ၊ ကိုယ်ခံအားစနစ်ကျဆင်းတာတွေဖြစ်ပေါ်စတဲ့ Hypersensitivity ဖြစ်နိုင်ခြေရှိတာ၊
  • အစားအသောက်ပျက်တာ၊
  • ဝမ်းချုပ်စေတာ၊
  • လေပွစေတာ၊
  • မအီမသာဖြစ်စေတာ၊
  • အော့အန်စေတာ၊
  • ဗိုက်အောင့်တာ၊
  • ကယ်လ်ဆီယံဓာတ် အဆမတန် မြင့်မားတာ၊
  • ဖော့စဖိတ်ဓာတ် အဆမတန် ကျဆင်းတာ၊
  • နို့တိုက်မိခင်တွေ နို့ထွက်နှုန်းကျဆင်းတာ၊
  • ကိုယ်ဝန်ဆောင်မိခင်တွေ ကိုယ်ဝန်ထိခိုက်နိုင်တာ၊
  • ဆီးတွင်း ကယ်လ်ဆီယံဓာတ် မြင့်မားတာ၊
  • ကျောက်ကပ် ကျောက်တည်တာ၊
  • Digoxin အဆိပ်သင့်တာ၊
  • သွေးထဲ ကယ်လ်ဆီယံဓာတ် အဆမတန်တိုးပွားမှုကြောင့်ဖြစ်တဲ့ milk-alkali syndrome ရောဂါစွဲကပ်နိုင်တာ စတဲ့ ဝေဒနာတွေ ဖြစ်ပေါ်နိုင်ပါတယ်။

အထူးသဖြင့် သွေးနဲ့ ဆီးအတွင်း ကယ်လ်ဆီယံဓာတ်ပမာဏ အလွန်အမင်းမြင့်တက်တာဟာ ရေရှည်ပြဿနာဖြစ်ပြီး ကျောက်ကပ်၊ ဆီးလမ်းကြောင်းစတာတွေနဲ့သက်ဆိုင်တဲ့ နာတာရှည်ဝေဒနာတွေ ခံစားရစေနိုင်တာကို သတိပြုသင့်ပါတယ်။

ဒါကြောင့် အရပ်တွေထဲ ထုံးမှုန့်တွေ လိုက်လံဖြန်းတဲ့ ဖြူးတဲ့အခါမျိုးမှာ သက်ဆိုင်ရာ ကျန်းမာရေးဌာနတွေရဲ့ ခွင့်ပြုချက်ကို ရယူပြီး စီမံသင့်ပါတယ်။ အကြောင်းကတော့ ထုံးမှုန့်ကြောင့်ဖြစ်လာနိုင်တဲ့ ဘေးထွက်ဆိုးကျိုးတွေဟာ လူတစ်ဦးချင်းစီရဲ့ ခန္တာကိုယ်ဖွဲ့စည်းပုံနဲ့ ကျန်းမာရေး အခြေအနေတွေအပေါ် မူတည်ပြီး ထိခိုက်မှုရှိခြင်း မရှိခြင်း ကွာခြားတာကြောင့်ဖြစ်ပါတယ်။

တစ်ချို့လူတွေအတွက် ထုံးမှုန့်နဲ့ ခနတစ်ဖြုတ်ထိခိုက်မှုဟာ ဘာမှမဖြစ်ပေမယ့် တစ်ချို့တွေအတွက်တော့ ပိုပြီး ကျန်းမာရေးချို့ယွင်းသွားစေနိုင်တာမို့သတိထားဖို့ လိုအပ်မှာဖြစ်ပါတယ်။

COVID-19 Outbreak updates
Country: Myanmar
Data

341

Confirmed

278

Recovered

6

Death
Distribution Map

Hello Health Group သည် ဆေးပညာ အကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Read also:

ဒီဆောင်းပါးက သင့်အတွက် အသုံးဝင်ပါသလား။
happy unhappy"

သင်ဒါလည်း နှစ်သက်နိုင်ပါတယ်။

နှာခေါင်းမွေး တွေကို နှုတ်သင့်လား

နှာခေါင်းမွေး အမွေးအမျှင် ခုခံကာကွယ်စနစ် အသက်ရှူလမ်းကြောင်း ဓာတ်မတည့် ingrown nose hair ပိုးဝင်ခြင်း ပန်းနာရင်ကျပ်ရောဂါ လေဆာနဲ့ဖယ်ရှား hair removal cream

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

ထူးထူးဆန်းဆန်း အိပ်မက်တွေရဲ့ နောက်ကွယ်က အကြောင်းရင်း

အိပ်မက် စိတ်ကျန်းမာရေး စိတ်ဖိစီးမှု စိုးရိမ်ပူပန် အိပ်ရာထ မနက်ခင်း သိစိတ် အတွေး Covid-19 ကပ်ဘေးကာလ လေ့ကျင့်ခန်း အစာအာဟာရ အိပ်ချိန် တရားထိုင် ပျော်ရွှင်ခြင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat

သားသားမီးမီးတို့ ဆီးလမ်းကြောင်းပိုးဝင်တာ သက်သာစေဖို့ ဘာတွေကျွေးမလဲ။

ဆီးလမ်းကြောင်း သားသားမီးမီး ဆီးလမ်းကြောင်းပိုးဝင်တာ အစားအသောက်လေး ကိုယ်ပူမယ် အန်မယ် ဗိုက်အောင့် ဆီးထွက်ကျ ရေများများတိုက်ပါ အဆိပ်အတောက်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

အဖြစ်များတဲ့ မွေးရာပါ နှလုံးရောဂါများ

congenital heart disease မွေးရာပါနှလုံးရောဂါ နှလုံး ကလေး အစားအစာ နေထိုင်မှုပုံစံ ကျန်းမာရေး ကုသမှုပုံစံ နေ့စဉ်ဘဝ ပြေးလွှားဆော့ကစား

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

ကိုယ်ဝန်ဆောင်မေမေ နဲ့ သကြား

ကိုယ်ဝန်ဆောင်မေမေ နဲ့ သကြား

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် ဇူလိုင် 28, 2020 . 2 mins read
ကိုယ်ဝန်ဆောင်မေမေ အချို လျှော့စားပါ

ကိုယ်ဝန်ဆောင်မေမေ အချို လျှော့စားပါ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် ဇူလိုင် 28, 2020 . 2 mins read

နေလို့ထိုင်လို့ မကောင်းဘဲ ဗိုက်ထဲ မအီမသာဖြစ်နေပြီလား

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat
ရေးသား ထုတ်ဝေခဲ့သည် ဇူလိုင် 27, 2020 . 2 mins read

အမှားလုပ်မိမှာ ကြောက်တဲ့စိတ်ကို ဘယ်လို အနိုင်ယူကြမလဲ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် ဇူလိုင် 27, 2020 . 3 mins read