COVID-19 (Coronavirus disease) ယုံတမ်းပုံပြင်များ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

ပြီးခဲ့တဲ့နှစ် ဒီဇင်ဘာလစပြီး တရုတ်နိုင်ငံက စတင်ဖြစ်ပွားခဲ့တဲ့ COVID-19 ကူးစက်ရောဂါက အခုဆိုတစ်ကမ္ဘာ လုံး လူတစ်သိန်းကျော်ကူးစက်ခံထားရပြီး သေဆုံးသူလည်း အယောက် ၄ ထောင်ကျော်သွားပြီဖြစ်ပါတယ် (ဒီစာရေးသားတဲ့ အချိန်ထိ)။ ရောဂါကူးစက်နှုန်းနဲ့ယှဉ်ရင် သေဆုံးမှုနှုန်းက ၆% ပဲရှိပေမဲ့ ကူးစက်နှုန်းကတော့ အင်မတန်မြန်တာကို တွေ့ ရမှာပါ။ ရောဂါအသစ်ဖြစ်သလို သုတေသနလုပ်နေဆဲ အဆင့်ဖြစ်တာကြောင့် COVID-19 နဲ့ ပတ်သက်ပြီး ယုံတမ်းစကားတွေ၊ ထင်ရာမြင်ရာ ပြောဆိုကြတာတွေ အတော်လေးများပြားပါတယ်။ ဒါကြောင့် ဒီဆောင်းပါး မှာ ကမ္ဘာ့ကျန်းမာရေးအဖွဲ့ကြီးက ဖြေရှင်းထားတဲ့ COVID-19 ရောဂါနဲ့ပတ်သက်တဲ့ ယုံတမ်းပုံပြင်တချို့ကို ဖော်ပြ ပေးလိုက်ပါတယ်။

COVID-19 ရောဂါအတွက် ကာကွယ်ဆေး (ဒါမှမဟုတ်) ကုသဆေး ရှိသလား

ဒီနေ့အထိတော့ COVID-19 အတွက် ဘာကုသဆေး၊ ကာကွယ်ဆေးမှ မပေါ်သေးပါဘူး။ ဘယ်အားဆေးကို ဘယ်လိုသောက်ရင်၊ဘယ်အရွက်ကို ဘယ်လိုသောက်ရင် COVID-19 မကူးစက်ဘူးဆိုတာ လုံး၀ (ဂျင်း) တွေလို့ပြောပါရစေ။ ထိရောက်တဲ့ ကာကွယ်ဆေးအသစ်ထွက်ပေါ်လာအောင် အမေရိကန်၊ ဂျပန်၊ တရုတ် စတဲ့ ကမ္ဘာ့နိုင်ငံအများအပြားက ကြိုးစားနေကြဆဲပါ။

COVID-19 ကို ပိုးသတ်ဆေးတွေနဲ့ ကုသနိုင်သလား

လုံးဝမထိရောက်ပါ။ ပိုးသတ်ဆေးဆိုတာ ဘတ်တီးရီးယားတွေကိုသာ ထိရောက်ပြီး ဘယ်ဗိုင်းရပ်စ်ကိုမှ မနှိမ်နင်းနိုင်ပါဘူး။ ဒါ့ကြောင့် COVID-19 ရောဂါအတွက် ပိုးသတ်ဆေးကိုလုံးဝမသုံးစွဲသင့်ကြောင့် ပြောကြား လိုက်ရပါစေ။

COVID-19 ရောဂါက လူကြီးမှာ ပိုဖြစ်လား၊ လူငယ်တွေမှာပိုဖြစ်လား

COVID-19 ရောဂါက လူကြီး၊လူငယ်မရွေးကူးစက်ဖြစ်ပွားနိုင်ပါတယ်။ ဒါပေမဲ့ အသက်ကြီးသူတွေနဲ့ ပန်းနာရင် ကျပ်ရောဂါ၊ ဆီးချိုရောဂါ၊ နှလုံးရောဂါ လိုနာတာရှည်ရောဂါရှိသူတွေ ပိုဖြစ်ပွားတာတွေ့ရပါတယ်။

ကြက်သွန်စားရင် COVID-19 ရောဂါမဖြစ်ဘူးဆိုတာဟုတ်သလား

ကြက်သွန်စားရင် ပိုးမွှားတချို့ကိုသေစေတာမှန်ပေမဲ့ ဒီထဲမှာ ကိုရိုနာဗိုင်းရပ်စ်တော့မပါပါဘူး။ ဒါ့ကြောင့် COVID-19 မဖြစ်အောင် ကြက်သွန်တွေစားရင် ခံတွင်းအနံ့ နံရုံပဲရှိမှာပါ။

နှာခေါင်းထဲကို ဆားရည်နဲ့ကျင်းပေးရင် COVID-19 ကူးစက်မခံရအောင်ကာကွယ်နိုင်ပါသလား

မကာကွယ်ပါဘူး။ နှာခေါင်းထဲ ဆားရည်နဲ့ကျင်းပေးတာက အအေးမိရောဂါမြန်မြန်သက်သာနိုင်ပေမဲ့ COVID-19 အပေါ်တော့ ဘာမှထိရောက်မှာ မဟုတ်ပါဘူး။ COVID-19 မှမဟုတ်ပါဘူး၊ နှာခေါင်းထဲဆားရည်ကျင်းရင် ဘယ်အသက်ရှုလမ်းကြောင်းရောဂါမှ မကာကွယ်နိုင်ပါဘူး။

တုပ်ကွေးကာကွယ်ဆေးတွေ၊ နမိုးနီးယားရောဂါကာကွယ်ဆေးတွေက COVID-19 ကိုကာကွယ်နိုင်လား

မကာကွယ်နိုင်ပါဘူး။ COVID-19 ဖြစ်စေတဲ့ ကိုရိုနာဗိုင်းရပ်စ်က ပိုးအသစ်ဖြစ်တာကြောင့် ကာကွယ်ဆေး အသစ်လိုအပ်ပါတယ်။ လိုအပ်တဲ့ဆေးဝါးအသစ်တွေကိုလည်း တီထွင်ဆဲဖြစ်ပါတယ်။

ခွေး၊ ကြောင်လို အိမ်မွေးတိရစ္ဆာန်လေးတွေ ကနေ ကိုရိုနာဗိုင်းရပ်စ်ကူးစက်ခံရနိုင်လား

အခုချိန်ထိ ခွေးလေး၊ ကြောင်လေးတွေမှာ ကိုရိုနာပိုးကူးစက်တယ်ဆိုတဲ့ သက်သေအထောက်အထား မရှိသေး ပါဘူး။ ဒါပေမဲ့ ဒီလိုတိရစ္ဆာန်လေးမှာ အီးကိုလိုင်(E.coli) ၊ ဆာမိုနယ်လာ (Samonella) ဘက်တီးရီးယား တွေရှိတတ်လို့ ကိုင်တွယ် ပွတ်သပ်ပြီးတိုင်း လက်ကိုသေချာဆေးဖို့လိုမယ်နော်။

အယ်လ်ဟိုဟောနဲ့ ကလိုရင်းအရည်တွေဖြန်းရင်  ကိုရိုနာဗိုင်းရပ်စ်ကို သတ်ပစ်နိုင်လား

မသတ်နိုင်ပါဘူး။ ခန္ဓာကိုယ်ထဲဝင်ရောက်သွားပြီးသား ကိုရိုနာဗိုင်းရပ်စ်ကို ဒီလိုအရည်တွေဖြန်းပြီး မနှိမ်နင်းနိုင် ပါဘူး။ အရာဝတ္ထုမျက်နှာပြင်အမျိုးမျိုးမှာ ကပ်တွယ်နေတဲ့ ဗိုင်းရပ်စ်ကို အယ်ကိုဟော၊ ကလိုရင်းအရည်ဖြန်းပြီး ရောဂါမကူးစက်အောင်လုပ်လို့ရပေမဲ့ မျက်လုံးနဲ့ပါးစပ်ထဲမဝင်အောင် သတိနဲ့အသုံးပြုဖို့တော့ လိုပါတယ်။

လက်အခြောက်ခံစက်တွေက ကိုရိုနာဗိုင်းရပ်စ်ကိုနှိမ်နင်းနိုင်လား

မနှိမ်နင်းနိုင်ပါဘူး။ လက်ကိုဆပ်ပြာနဲ့သေချာဆေးကြောတာ၊ အယ်လ်ကိုဟောပါတဲ့လက်ဆေးရည်နဲ့ ဆေးကြောတာတွေကသာ နှိမ်နင်းနိုင်တာဖြစ်ပါတယ်။

ခြင်ကိုက်ရင် COVID-19 ရောဂါကူးစက်နိုင်လား

ဒီနေ့အချိန်ထိ ခြင်ကိုက်ရာကနေ COVID-19 ကူးစက်ဖြစ်ပွားနိုင်တယ်ဆိုတာ သက်သေမပြနိုင်သေးပါဘူး။ COVID-19 ရောဂါက နှာချေ၊ ချောင်းဆိုးရာက ထွက်တဲ့အမှုန်အမွှားတွေကနေ တစ်ဆင့်အဓိကကူးစက်တာဖြစ် ပါတယ်။

ရေးသားသူ – Dr.Htoo Tint

Hello Health Group သည် ဆေးပညာ အကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

COVID-19 Outbreak updates
Country: Myanmar
Data

117,946

Confirmed

97,819

Recovered

2,484

Death
Distribution Map

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ဆေးထိုးရင် နာမှာကြောက်သူတွေအတွက် နည်းလမ်းလေးတွေ

တစ်ချို့တွေက ဆေးထိုးရမှာ သိပ်ကြောက်တတ်ကြပါတယ်။ အဓိကအားဖြင့်တော့ နာမှာကြောက်တာကြောင့်ပါ။ နာကျင်မှုလျော့ပါးအောင် လုပ်လို့ရတဲ့ နည်းလမ်းလေးတွေရှိပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

COVID ပိုးအသစ်နဲ့ နယူးရီးယားကြောင့် တတိယလှိုင်းဖြစ်လာနိုင်သလား

ရောဂါပိုးမျိုးစိတ်သစ်ထွက်ပေါ်လာချိန်ဟာ ပျော်ပွဲရွှင်ပွဲတွေ ကျင်းပရာ ဒီဇင်ဘာလဖြစ်နေခဲ့တာမို့ နိုင်ငံတကာမှာတော့ ထိန်းချုပ်ရခက်ခဲနေခဲ့ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

COVID-19 ကာကွယ်ဆေးတွေက မျိုးစိတ်သစ်တွေကိုရော ကာကွယ်ပေးမှာလား

လက်ရှိထိုးနှံနေတဲ့ ကာကွယ်ဆေးတွေကြောင့်ဖြစ်တာလား? ကာကွယ်ဆေးတွေက ဒီမျိုးစိတ်ကို တွန်းလှန်နိုင်ပါ့မလားဆိုတဲ့ မေးခွန်းတွေလည်း ပေါ်ထွက်လာပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

ဘေဘီလေးတွေကို ရောဂါဆိုးတွေ အန္တရာယ်ကနေ ကာကွယ်ပေးမယ့်အရာ

ကာကွယ်ဆေးက ကမ္ဘာပေါ်က ကြောင်စရာကေင်းတဲ့ ရောဂါတွေကို အပြီးတိုင် ပျောက်ကွယ်သွားအောင် သုတ်သင်ပေးနိုင်တဲ့ အစွမ်းထက် ဆေးဝါးတစ်မျိုးပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

ကိုဗစ်ကပ်ဘေးအတွင်းမှာ ဘယ်သူတွေ အထီးကျန်အဆန်ဆုံးဖြစ်နေလဲ

ကိုဗစ်ကပ်ဘေးကြောင့် ပိုကြီးမားလာတဲ့ နောက်ထပ်ကပ်ဘေးတစ်ခု

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဇန်နဝါရီ 8, 2021 . 3 mins read
မြန်မာနိုင်ငံကို တတိယလှိုင်း ဝင်လာနိုင်သလား။ ဘာတွေ ကြိုပြင်ထားကြမလဲ။

မြန်မာနိုင်ငံကို တတိယလှိုင်း ဝင်လာနိုင်သလား။ ဘာတွေ ကြိုပြင်ထားကြမလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဇန်နဝါရီ 7, 2021 . 3 mins read
အိန္ဒိယရဲ့ ဆုံးဖြတ်ချက်ကြောင့် မြန်မာ့ ကိုဗစ်ကာကွယ်ဆေးရရှိရေး မျှော်လင့်ချက် ထိခိုက်မလား

အိန္ဒိယရဲ့ ဆုံးဖြတ်ချက်ကြောင့် မြန်မာ့ ကိုဗစ်ကာကွယ်ဆေးရရှိရေး မျှော်လင့်ချက် ထိခိုက်မလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဇန်နဝါရီ 5, 2021 . 2 mins read
သတင်းကြီးနေတဲ့ ကိုဗစ် ကုသဆေး Favipiravirက တကယ်စွမ်းရဲ့လား

သတင်းကြီးနေတဲ့ ကိုဗစ် ကုသဆေး Favipiravirက တကယ်စွမ်းရဲ့လား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဇန်နဝါရီ 2, 2021 . 2 mins read