ခြေဖဝါးမှာ ပူသလို ဘာလို့ခံစားရတာလဲ

ခြေဖဝါးထဲက ပူသလိုခံစားချက်မျိုးဖြစ်နေတာက အာရုံကြောထိခိုက်မှုကြောင့် (ဆီးချိုကြောင့်လည်းဖြစ်နိုင်) အဖြစ်များဆုံးပါ။ ဒီလိုဖြစ်တာမျိုးက မကြာမကြာလည်းဖြစ်တတ်တယ်၊ ဆက်တိုက်လည်းဖြစ်တတ်တယ် ဒါမှမဟုတ် ပြင်းရင်လည်းပြင်းထန်တတ်တယ် အမျိုးမျိုးပါပဲ။ ခြေဖဝါးထဲမှာ ပူတာ၊ ထုံတာ၊ ကျဉ်တာ၊ အကောင်လေးတွေကိုက်နေသလို တစစ်စစ်ထိုးနေတာတွေ ခံစားရနိုင်ပါတယ်။ ညဘက်မှာ နာကျင်မှုပိုခံစားရတတ်ပါတယ်။

သူ့ကိုကုသတဲ့နည်းလမ်းတွေကတော့ အကြောင်းရင်းကိုမူတည်ပြီး ကွဲပြားကြတာမို့ဖြစ်နိုင်ခြေရှိတဲ့အကြောင်းရင်းတွေကိုလေ့လာကြည့်ရအောင် –

ဆီးချို

သွေးတွင်းသကြားဓာတ်နဲ့ အဆီတွေ ပုံမှန်ထက်များနေရင် ကြာလာတဲ့အခါ လက်နဲ့ ခြေထောက်အာရုံကြောတွေမှာ ထိခိုက်လာစေပြီး တာရှည် သို့မဟုတ် မကြာခဏ ပူလောင်တဲ့ခံစားချက်မျိုးဖြစ်စေနိုင်ပါတယ်။ ခြေချောင်း၊လက်ချောင်းတွေမှာ ထုံတာ၊ကျဉ်တာလိုမျိုး လက္ခဏာစသတိထားမိတာနဲ့ ဆီးချိုစစ်ကြည့်တာအကောင်းဆုံးပါပဲ။

အာရုံကြောရောဂါ

လက်မောင်း၊ ခြေထောက်၊ ခြေဖဝါးတို့နဲ့ ကျောရိုးမကြီးကို ချိတ်ဆက်ပေးတဲ့ အာရုံကြောတွေကို ထိခိုက်တဲ့အခြေအနေပါ။ ဆီးချိုကြောင့်အဖြစ်များပေမယ့် ကင်ဆာဆေးတွေ၊ ကျောက်ကပ်ပျက်စီးခြင်း၊ လေးဖက်နာအဆစ်ရောင်ရောဂါ၊ အဆိပ်အတောက်ဓာတ်ပစ္စည်းတွေ၊ရောဂါပိုးနဲ့ အာဟာရဆိုင်ရာပြဿနာတွေ စတဲ့အကြောင်းရင်းတွေ အများကြီးရှိပါတယ်။

နာတာရှည်ကျောက်ကပ်ရောဂါ

ကျောက်ကပ်ပျက်စီးခြင်းက ဆီးချို သို့မဟုတ် သွေးတိုးကြောင့် အဖြစ်များပါတယ်။ ကျောက်ကပ် ပုံမှန်အလုပ်မလုပ်တော့တဲ့အတွက် စွန့်ထုတ်ရမယ့်အရည်တွေက ခန္ဓာကိုယ်ထဲမှာ စုပုံပြီး အာရုံကြောတွေကို ထိခိုက်စေနိုင်ပါတယ်။

ဓာတ်မတည့်ခြင်း