အမျိုးသမီးတွေဘာကြောင့် အိုဂျီနဲ့ တစ်နှစ်တစ်ခါပြသသင့်တာလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဒီဇင်ဘာ 17, 2020 . 2 mins read
Share now

အမျိုးသမီး အများစုက အိုဂျီနဲ့ပြရမှာကို အရှက်သည်းတတ်ကြပြီး လှည့်ပတ်ပြေးလေ့ ရှိကြပါတယ်။Pap Smear Test လို့ ခေါ်တဲ့ သားအိမ်ခေါင်း ချွဲမြှေးယူတဲ့ စစ်ဆေးမှုဟာ သုံးနှစ်တခါ ပြုလုပ်ရတာ ဖြစ်ပါတယ်။

ဒါပေမယ့် သားဖွားမီးယပ် အထူးကု ဆရာဝန်နဲ့ တနှစ်တခါ မှန်မှန် ပြသစစ်ဆေးတာဟာ ကျန်းမာရေးအတွက် အရမ်းကို အကျိုးများစေတဲ့အတွက် သင့်အနေနဲ့ လိုက်နာဆောင်ရွက်သင့်လှပါတယ်။

ဘာလို့ သားဖွားမီးယပ် အထူးကုဆရာဝန်နဲ့ မှန်မှန် ပြသင့်တာလဲ။

သင့်ရဲ့ ယေဘုယျကျန်းမာရေး အခြေအနေကို သိနိုင်မယ်။

အိုဂျီဆီသွားတာဟာ သင့်မျိုးပွားအင်္ဂါအဖွဲ့အစည်းစနစ်ကို စစ်ဆေးရုံတင်မကပါဖူး။ သင့်ရဲ့ နှလုံးခုန်နှုန်း၊သွေးပေါင်ချိန်တို့အပါအဝင် အရေးကြီးတဲ့ လက္ခဏာတွေ၊BMI (Body Mass Index) လို့ခေါ်တဲ့ အရပ်အမောင်းနဲ့ သင့်တော်တဲ့ ကိုယ်အလေးချိန်ရှိမရှိ တွက်ချက်တာတွေ၊ဝမ်းဗိုက်ပိုင်းကို စမ်းသပ်တာတွေ၊အကျိတ်တွေ ရောင်မရောင် စမ်းသပ်တာ အစရှိတဲ့ စမ်းသပ်မှုတွေကို ဂရုတစိုက်ပြုလုပ်ပေးပါလိမ့်မယ်။

ဒါ့အပြင် မျိုးပွားအင်္ဂါတွေကိုလည်း စမ်းသပ်မှာဖြစ်ကာ ဓါတ်ခွဲခန်းစစ်ဆေးမှုတွေကိုလည်း လိုအပ်သလို ပြုလုပ်ရမှာဖြစ်ပါတယ်။ ဒါကြောင့် အိုဂျီနဲ့ ကျန်းမာရေးစစ်ဆေးခြင်းအားဖြင့် သင့်မှာ ကျန်းမာရေးပြဿနာတခုခု ဖြစ်ပေါ်နေပြီဆိုရင် သိရှိနိုင်မှာပဲ ဖြစ်ပါတယ်။

ဓမ္မတာ မမှန်တာတွေနဲ့ ပတ်သက်ပြီးတော့လည်း သင့်ကို ကူညီနိုင်ပါလိမ့်မယ်

ဓမ္မတာ မမှန်ခြင်းဟာ မျိုးအောင်ခြင်း ပတ်သက်တဲ့ ပြဿနာတွေရဲ့ အချက်ပေးခေါင်းလောင်းဖြစ်တဲ့အတွက် တကယ်လို့ သင်ဓမ္မတာလာတာ နောက်ကျနေပြီဆိုရင် သားဖွားမီးယပ် ဆရာဝန်နဲ့ သွားပြသင့်ပါပြီ။ ရာသီပန်းပွင့်တာနဲ့ ပတ်သက်တဲ့ အပြောင်းအလဲ တခုခုရှိပြီဆိုရင် ဘယ်လိုမျိုး ပြောင်းလဲမှုပဲ ဖြစ်ဖြစ် သားဖွားမီးယပ် ဆရာဝန်နဲ့ ပြသသင့်ပါတယ်။ ဒါမှသာ အချိန်မီ ဆေးကုသမှု ခံယူနိုင်မှာမို့ပါ။

လိင်ကတဆင့်ကူးစက်တဲ့ ရောဂါတွေရှိနေရင် စောစီးစွာ သိနိုင်မယ်

သွေးမဆုံးသေးတဲ့ အမျိုးသမီးတိုင်းဟာ ဆီးပူညောင်းကျ၊ကလာမိုင်းဒီးယား အစရှိတဲ့ လိင်ကတဆင့်ကူးစက်တတ်တဲ့ ရောဂါတွေ ရှိမရှိသိနိုင်ဖို့အတွက် နှစ်စဉ်စစ်ဆေးသင့်ပါတယ်။ ဘာလို့လဲ ဆိုတော့ ဒီရောဂါတွေဟာ မကုသဘဲ ထားရင် ကလေးမရနိုင်တာမျိုး ဖြစ်စေနိုင်လို့ပါပဲ။

လိင်ဆက်ဆံဖော် များတဲ့ အမျိုးသမီးတွေက ဒီလိုရောဂါမျိုးတွေ ကူးစက်နိုင်ခြေပိုများတဲ့အတွက် ပိုလို့ စစ်ဆေးသင့်ပါတယ်။ လိင်ကတဆင့်ကူးစက်တဲ့ ရောဂါတွေအပြင် ဆီးအိမ်ပြဿနာ၊ မျိုးပွားခြင်းနဲ့ သက်ဆိုင်တဲ့ ပြဿနာတွေ၊အစာအိမ်အူလမ်းကြောင်းဆိုင်ရာ ပြဿနာတွေ နဲ့ အရိုးရောဂါတွေကိုလည်း စစ်ဆေးနိုင်ပါသေးတယ်။

သားဆက်ခြားထားတာကို စစ်ဆေးပေးမယ်

တကယ်လို့သင်ဟာ တားဆေး၊ထိုးဆေး၊ ကပ်ခွာ၊ သားအိမ်တွင်းထည့်ပစ္စည်း ဒါမှမဟုတ် အမျိုးသမီး အင်္ဂါတွင်းထည့်ကွင်း စတဲ့ ပဋိသန္ဓေ့တားဆေးတွေကို အသုံးပြုတယ်ဆိုရင် အိုဂျီနဲ့ နှစ်စဉ် ပြသစစ်ဆေးသင့်ပါတယ်။

diaphragm လို့ခေါ်တဲ့ သားအိမ်တွင်းထည့်ကွင်းတွေဟာ သုံးနှစ်တခါလောက် ပြန်စစ်ဆေးဖို့လိုသလို ကလေးမွေးပြီးနောက် ဒါမှမဟုတ် ကိုယ်အလေးချိန်ပြောင်းလဲပြီးနောက်မှာလည်း စစ်ဆေးဖို့ လိုအပ်ပါတယ်။ တကယ်လို့ သင့်အနေနဲ့ သားဆက်ခြားတာနဲ့ ပတ်သက်လို့ အကြံဉာဏ်လိုအပ်တယ်ဆိုရင် သင့်အိုဂျီဆီသွားတာထက် ပိုကောင်းတဲ့ နေရာဘယ်မှာ ရှိဦးမှာလဲ။

အရေးကြီးတဲ့ ကျန်းမာရေး ဗဟုသုတတွေ သိရမယ်

နှစ်စဉ် အိုဂျီနဲ့ ပြသစစ်ဆေးချိန်မှာ သင့်ရင်သားကို ကိုယ်တိုင်ဘယ်လိုစမ်းသပ်မလဲ၊လုံခြုံစိတ်ချရတဲ့ လိင်မှုကိစ္စတွေကို ဘယ်လိုလုပ်ဆောင်မလဲ စတဲ့ ကျန်းမာရေးဆိုင်ရာ အသိပညာတွေကိုလည်း မေးမြန်းလေ့လာနိုင်ပါသေးတယ်။

ဒါ့အပြင် သင့်ဆရာဝန်က သင့်ရဲ့ ခန္ဓါကိုယ်ကို ဘယ်လိုထိန်းသိမ်းစောင့်ရှောက်ရမလဲ ဆိုတာကိုလည်း သင့်ကို လမ်းညွှန်ပေးပါလိမ့်မယ်။ ဘယ်အရာက ပုံမှန်၊ဘယ်အရာကတော့ဖြင့် ပုံမမှန်ဆိုတာကိုလည်း ပြသသင်ကြားပေးပါလိမ့်မယ်။ ဒါမှသာ သင့်အနေနဲ့ ကျန်းမာရေး ပြဿနာတခုခုရှိလာရင် စောစီးစွာ သိရှိပြီး ဆေးကုသမှု ခံယူနိုင်မှာဖြစ်ပါတယ်။

နိဂုံးချုပ်အနေနဲ့ အကြံပေးရရင် သင့်ကျန်းမာရေးနဲ့ ပတ်သက်ပြီး ပထမဆုံးသိနိုင်တာ သင်ပဲ ဖြစ်ပါတယ်။ ဒါကြောင့် သင့်ခန္ဓါကိုယ်နဲ့ ပတ်သက်လို့ ထူးထူးခြားခြား ပြောင်းလဲမှုတွေရှိရင် ရေးမှတ်ထားပြီး နောက်တကြိမ် သင့်အိုဂျီနဲ့ တွေ့ဆုံပြသချိန်မှာ ယူသွားနိုင်ပါတယ်။ သတိထားသင့်တဲ့ လက္ခဏာတွေက ပုံမှန်မဟုတ်တဲ့ သွေးဆင်းတာ၊မိန်းမကိုယ် မကြာခဏ ပိုးဝင်တာ၊လိင်ဆက်ဆံရင် နာကျင်တာနဲ့ ရင်သားနာကျင်ခြင်းတို့ပဲ ဖြစ်ကြပါတယ်။

Hello Health Groupသည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

လေဒီတို့ ခံစားရနိုင်တဲ့ တင်ပါးဆုံပြဿနာ အဖုံဖုံ

တင်ပါးဆုံဆိုတာက  ဝမ်းဗိုက်အောက်ဘက်နားမှာရှိတဲ့ ဇလုံလို ခပ်ခွက်ခွက် အစိတ်အပိုင်းပါ။ ကျောရိုးကို ထောက်ကန်ပေးထားပြီး အတွင်းအင်္ဂါကို ကာကွယ်ပေးပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

စပျစ်သီး စိမ်းစိမ်းနဲ့ ကျန်းမာရေး

စပျစ်သီး အရောင် အမျိုးမျိုးထဲမှာမှ စပျစ်သီး စိမ်းစိမ်းလေးကိုမှ ကြိုက်တယ်ဆိုသူတွေအတွက် စပျစ်သီးစိမ်းစိမ်းလေးကကျန်းမာရေးကို ဘယ်လို အထောက်အကူပြုလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကြောက်ခြင်းရယ်တဲ့ အဖုံဖုံ

ကြောက်ရွံ့ခြင်း (Phobias) က အဖြစ်များတဲ့ စိတ်ကျန်းမာရေး ပြဿနာ တစ်ရပ်ပါ။ လူတိုင်းနီးပါးမှာ ကြောက်ရွံ့ခြင်း တစ်ခုစီ ရှိတတ်ကြပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

စိုးရိမ်စရာကောင်းတဲ့ မိန်းမကိုယ် အဖြူဆင်း ခြင်းများ

အမျိုးသမီးများအနေနဲ့ သာမန်အဖြူဆင်းတာနဲ့ ရောဂါကြောင့် ဆင်းတာကို အကြမ်းဖျင်း ခွဲတတ်ဖို့ လိုပါတယ်။ ဘယ်လိုတွေ ကွာခြားသလဲဆိုတာ သိထားသင့်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

myths-about-cancer ကင်ဆာနဲ့ ပတ်သက်ပြီး

ကင်ဆာနဲ့ ပတ်သက်ပြီး သင်ဘာတွေ မှားသိထားလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဖေ‌ဖော်ဝါရီ 23, 2021 . 3 mins read
ဘရာ Size မှားနေပြီလား

ဘရာ Size မှားနေပြီလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 8, 2021 . 2 mins read
အစားအသောက် မှီဝဲမှုနဲ့ Lupus ကို ထိမ်းချုပ်လို့တော့ ရပါတယ်။ လေ့လာချက်တွေအရဆိုရင် ချင်းဟာ Lupus ကို ထိမ်းချုပ်ကုသရာမှာ အလွန်အသုံးတည့်တယ်လို့ဆိုပါတယ်။ မစ်ချီဂန်တက္ကသိုလ်ရဲ့ လေ့လာချက်အရ ချင်းမှာပါဝင်တဲ့ 6-gingerol လို့ခေါ်တဲ့ bioactive compound တစ်မျိုးဟာ Lupus ရဲ့ ရောဂါလက္ခဏာတွေကို လျှော့ချပေးရာမှာ အလွန်ထိရောက်တယ်လို့ ဆိုပါတယ်။

Lupus ရှိရင် ချင်း (ဂျင်း) စားပါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဇန်နဝါရီ 16, 2021 . 2 mins read
အမျိုးသမီးတွေမှာဖြစ်တတ်တဲ့ ကျန်းမာရေးပြဿနာများ

အမျိုးသမီးတွေမှာဖြစ်တတ်တဲ့ ကျန်းမာရေးပြဿနာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 14, 2021 . 2 mins read