မိုးရာသီမှာ အဖြူဆင်းများတာ ဘာကြောင့်လဲ

မုတ်သုံမိုးနဲ့အတူ မမျှော်လင့်တဲ့အရာတွေတော်တော်များများပါလာတတ်ပါတယ်။ မုတ်သုံမိုးကြောင့် အအေးမိတုပ်ကွေးဖြစ်တာ၊ အရေပြားပြဿနာဖြစ်တာအပြင်လေဒီလေးတွေမှာ ကြုံရနိုင်တဲ့ပြဿနာတစ်ခုရှိပါသေးတယ်။ ဒါကတော့ အဖြူဆင်း တာပါ။ ဒီပြဿနာက လေဒီလေးတွေကို ယုံကြည်မှုလျော့စေတဲ့ အချက်တစ်ခုဆိုလည်း မမှားပါဘူး။ ဒီတော့ မုတ်သုံမှာ အဖြူဆင်းများတာ ခံစားရတဲ့အခါ ဘယ်လိုသက်သာအောင်လုပ်ကြမလဲဆိုတဲ့နေထိုင်စားသောက်မှုပုံစံအကြောင်းလေးဆွေးနွေးရအောင်လား။

အဖြူဆင်း တယ်ဆိုတာ

မိုးရာသီမှာ ဘာကြောင့် အဖြူဆင်းများတာ ဖြစ်ရတာလဲ…..

အဖြူဆင်းတာ က ပုံမှန်ဖြစ်လေ့ဖြစ်ထရှိတဲ့ ဖြစ်စဉ်တစ်ခုဆိုပေမယ့် မိုးရာသီမှာက ပိုအဖြစ်များပါတယ်။ အကြောင်းကတော့ မိုးရာသီမှာ မှိုပိုးကူးစက်နိုင်ခြေများတာကြောင့် မှိုကြောင့်ဖြစ်တဲ့ အဖြူဆင်းများတာ ကို ခံစားရနိုင်ခြေပိုများရတာပါ။ မိုးရာသီမှာ အဖြူဆင်းခြင်းကို အဓိကဖြစ်စေတဲ့ အကြောင်းအရင်းကတော့ အတွင်းခံဘောင်းဘီတွေက သေချာခြောက်သွေ့မှုမရှိတာကြောင့်ပါ။

တွေ့ရများတဲ့ရောဂါလက္ခဏာတွေက ဘာတွေလဲ….

တွေ့ရများတဲ့ မိန်းမကိုယ် မှိုပိုးကူးစက်မှုရောဂါလက္ခဏာတွေက

• ယားယံတာ
• ပူစပ်ပူလောင်ဖြစ်တာ
• မိန်းမကိုယ်မှာ စပ်ဖျဉ်းဖျဉ်းဖြစ်တာ
• လိင်ဆက်ဆံစဉ်နာကျင်တာ
• ချိစ်လိုမျိုး အဖက်အဖက်လေးတွေ ဆင်းတာမျိုးတွေဖြစ်ပါတယ်။

ဘာတွေကြောင့် မှိုပိုးကူးစက်ခံရတာလဲ…..

မိုးတွင်းရောက်တိုင်း မှိုပိုးကူးစက်ခံရပြီး အဖြူဆင်းတာ မဟုတ်ပေမဲ့ ဒီအခြေအနေတွေရှိနေရင်တော့ ကူးစက်နိုင်ခြေ များပါတယ်။

• မိန်းမကိုယ်သုံးပဋိဇီဝဆေးတွေအသုံးပြုနေရခြင်း
• ကိုယ်ဝန်ဆောင်ခြင်း
• ဆီးချိုရှိနေခြင်း
• ကိုယ်ခံအားနည်းခြင်း
• အချိုဓာတ်လွန်ကဲတဲ့အစားအစာများကိုစားသုံးခြင်း
• စိတ်ဖိစီးမှုများခြင်း
• အိပ်ရေးပျက်ခြင်း
• သန့်ရှင်းမှုအားနည်းသော အတွင်းခံဝတ်ဆင်ခြင်း
• အတွင်းခံကျပ်ကျပ်တွေ ဝတ်ဆင်ခြင်း တို့ကြောင့် မှိုပိုးကူးစက်ခံရပြီး အဖြူဆင်းတဲ့ပြဿနာကိုဖြစ်စေနိုင်ပါတယ်။

ဘယ်လိုကာကွယ်မလဲ……

ကာကွယ်တာက အကောင်းဆုံးနည်းလမ်းပါ။ မှိုပိုးတွေဖြစ်ပေါ်မှုကြောင့် အဖြူဆင်း တာမျိုးမဖြစ်စေဖို့ဆိုရင် တစ်ကိုယ်ရည်သန့်ရှင်းရေးကို ဂရုစိုက်ပါ။

• ခြောက်သွေ့လွယ်တဲ့ ချည်သားအတွင်းခံကိုသာ ဝတ်ဆင်ပါ။
• အတွင်းခံကို သေချာလျှော်ပါ။
• နေပူပူမှာ ထုတ်လှမ်းပါ။
• အမျိုးသမီးလစဉ်သုံးဂွမ်းထုတ်ကို မကြာခဏလဲလှယ်ပေးပါ။
• ဘောင်းဘီကျပ်ကျပ်တွေမဝတ်ပါနဲ့။
• အမွှေးနံ့ပါတဲ့ ဂွမ်းတောင့်တွေ ၊ ဂွမ်းထုတ်တွေကို မသုံးပါနဲ့။
• စိုနေတဲ့ အဝတ်တွေ မဝတ်ထားပါနဲ့။
• ပုံမှန်ရေချိုးပါ။
• မိန်းကိုယ်အတွင်းထဲကို မဆေးပါနဲ့။
• ဆပ်ပြာတွေကိုသုံးပြီး မိန်းမကိုယ်အတွင်းထဲကို သန့်စင်တာမျိုးမလုပ်ပါနဲ့။
• စိတ်ဖိစီးမှုကို ဖြေလျော့ပါ။
• အိပ်ရေးဝအောင် အိပ်ပါ။

မှိုပိုးဝင်တာက ဆေးကုသဖို့ လိုပါတယ်။ အပေါ်မှာပြောခဲ့တဲ့အတိုင်း မိန်းမကိုယ်ယားယံပြီး အဖြူဆင်းနေခဲ့ရင် ဆရာဝန်နဲ့ ပြသပြီး သေချာကုသဖို့ကိုလည်း အကြံပြုချင်ပါတယ်။

ဒီဆောင်းပါးလေးအတိုင်း လိုက်နာလို့ မုတ်သုံရာသီမှာ အဖြူဆင်းတဲ့ပြဿနာ မခံစားရအောင် ကိုယ့်ကိုယ်ကို ဂရုစိုက်လိုက်ပါလေဒီလေးတို့ရေ……..