ခန္ဓာကိုယ်ရဲ့ အဓိကကြွက်သားအုပ်စုကြီး ၁၁ခု

ကြွက်သား တွေကို အမျိုးအစားအချို့ ခွဲခြားနိုင်ပါတယ်။ ဘယ် ကြွက်သားကို ပစ်မှတ်ထားရမလဲဆိုတာ သိခြင်းဟာ နေ့စဉ် လေ့ကျင့်ခန်းလုပ်ဖို့အတွက် အသုံးဝင်ပါတယ်။

Quadriceps

Quadriceps ဟာ ကြီးမားတဲ့ ကြွက်သားလေးခု ပါဝင်ပြီးတော့ ပေါင်ရဲ့ အရှေ့မှာ ရှိပါတယ်။ သူတို့ကို ဆောင့်ကြောင့်ထိုင်ခြင်းနဲ့ ရှေ့ကို ဆတ်ခနဲ လှမ်းတဲ့ လေ့ကျင့်ခန်းတို့အတွက် ပစ်မှတ်ထားသင့်ပါတယ်။

Hamstrings

လူတွေဟာ လေ့ကျင့်ခန်းလုပ်ရင် မမြင်နိုင်တဲ့ Hamstring ကြွက်သားကို မေ့လျော့နေတတ်ကြပါတယ်။ Hamstring ကြွက်သားဟာ ပေါင်အနောက်မှာ ရှိပါတယ်။ ဒီ ကြွက်သားဟာ ဆောင့်ကြောင့်ထိုင်စဉ်မှာ အသုံးဝင်ပါတယ်။

ခြေသလုံး ကြွက်သား

ကိုယ်ခန္ဓါ တည်ဆောက်ဖို့နဲ့ ပတ်သက်ရင် ခြေသလုံး ကြွက်သားတွေကို လျစ်လျူရှုတတ်ကြပါတယ်။ ပညာရှင်တွေတောင် ကြီးမားတဲ့ ကိုယ်ခန္ဓါရှိပေမယ့် သေးငယ်တဲ့ ခြေသလုံး ကြွက်သားလေးတွေ ပိုင်ဆိုင်ကြပါတယ်။ ဒိ ကြွက်သားကို ကြီးအောင်လုပ်ဖို့ ခက်ခဲပါတယ်။ ခြေသလုံးနေရာက ကြွက်သားတစ်ခုစီကို လေ့ကျင့်ပေးဖို့ လိုအပ်ပါတယ်။

ရင်ဘတ် ကြွက်သား

ရင်ဘတ် ကြွက်သားတွေဟာ မီးအလင်းရောင်တွေ ထိုးခဲ့ရင် အများဆုံးမြင်ရတဲ့ ကြွက်သားဖြစ်ပါတယ်။ ဒီ ကြွက်သားဟာ အလွယ်ဆုံး ကြွားနိုင်တဲ့အတွက် လူတွေက ဒီ ကြွက်သားကိုပဲ လေ့ကျင့်ချင်ကြပါတယ်။ ဒါပေမယ့် ရင်ဘတ် ကြွက်သားတွေကို အခြား ကြွက်သားတွေကို လေ့ကျင့်သလောက် လေ့ကျင့်သင့်ပါတယ်။

နောက်ကျော ကြွက်သား

နောက်ကျော ကြွက်သားတွေဟာ ကိုယ်ခန္ဓါမှာ အကြီးဆုံးကြွက်သားတွေ ဖြစ်ပါတယ်။ ဒီ ကြွက်သားတွေကို ကြီးထွားအောင်လုပ်ဖို့ အလွန်လေးလံတဲ့ အလေးတွေ လိုအပ်ပါတယ်။ ဒါပေမယ့် သင့်ပုံစံနဲ့ နည်းလမ်းတွေကို ဂရုစိုက်သင့်ပါတယ်။ ဘာလို့လဲဆိုတော့ အလေးကို ပုံစံမှန်အောင် အသုံးမပြုနိုင်ခြင်းဟာ ကျန်းမာရေးကို ထိခိုက်စေနိုင်ပါတယ်။

ပခုံး ကြွက်သား

ပခုံး ကြွက်သားတွေမှာ အရှေ့ deltoids၊ ဘေး deltoids နဲ့ အနောက် detoids တွေ ပါဝင်ပါတယ်။ လူအတော်များများဟာ ပခုံးနာကျင်မှုကို ခံစားကြရပါတယ်။ ဒါကြောင့် ပခုံးကို သန်မာစေဖို့ လေ့ကျင့်ခန်းတွေ လုပ်သင့်ပါတယ်။

Triceps

Triceps ကြွက်သား တွေဟာ လက်မောင်းရဲ့ သုံးပုံနှစ်ပုံကို နေရာယူထားပါတယ်။ ဒါပေမယ့် လူအများစုဟာ လက်မောင်းရဲ့ သုံးပုံတစ်ပုံသာ နေရာယူထားတဲ့ biceps ကြွက်သားကိုသာ ဂရုစိုက်တတ်ကြပါတယ်။ ပိုမိုသန်မာတဲ့ လက်မောင်ကို ရချင်ရင် triceps ကြွက်သား လေ့ကျင့်ခန်းတွေကို မမေ့သင့်ပါဘူး။

Biceps

အပေါ်မှာ ပြောခဲ့သလိုပဲ Biceps ကြွက်သားတွေဟာ လက်မောင်းအပေါ်ဘက်ရဲ့ သုံးပုံတစ်ပုံကို နေရာယူထားပါတယ်။ နောက်ကျော လေ့ကျင့်ခန်းတွေလုပ်ရင် သူတို့ဟာ လှုပ်ရှားပြီးတော့ ပုံမှန်လူတစ်ယောက်ဟာ biceps ကြွက်သား လေ့ကျင့်ခန်းတွေ မလိုအပ်ပါဘူး။

လက်ဖျံ ကြွက်သား

လက်ဖျံ ကြွက်သားတွေကို လေ့ကျင့်ခန်းအတော်များများနဲ့ သန်မာအောင်လုပ်နိုင်ပါတယ်။ တစ်ခုခုကို ကိုင်ရုံကိုင်ခြင်းကတောင် ဒီ ကြွက်သားကို လေ့ကျင့်ပြီးဖြစ်ပါတယ်။ လက်ဖျံကို ပိုပြီးတော့ ဂရုစိုက်သင့်ပါတယ်။ ဒီ ကြွက်သားအုပ်စုက လှုပ်ရှားမှုအတော်များများပါဝင်နေတာကြောင့် အားနည်းတဲ့ လက်ဖျံ တွေဟာ အခြားလေ့ကျင့်ခန်းတွေကို အကျိုးသက်ရောက်မှု ရှိနိုင်ပါတယ်။

Trapezius

Trapezius ဟာ ကြီးမားတဲ့ နောက်ကျော အပေါ်ပိုင်း ကြွက်သားဖြစ်ပါတယ်။ နောက်ကျော အပေါ်ဘက်ကို အလယ်ထားပြီး ဒီ ကြွက်သားဟာ တြိဂံ ပုံစံရှိပါတယ်။ အလေးတွေမရင် ဒီ ကြွက်သား လှုပ်ရှားမှု ရှိပါတယ်။

ဗိုက် ကြွက်သား

လူအတော်များများဟာ ကောင်းမွန်တဲ့ ဗိုက် ကြွက်သား ရှိပေမယ့် သူတို့ကို အဆီက ဖုံးလွှမ်းနေပါတယ်။ သင့်မှာ အဆီနည်းပါးခဲ့ရင် ဒီ ကြွက်သားဟာ ပေါ်လာမှာ ဖြစ်ပါတယ်။ ဒီ ကြွက်သားလေ့ကျင့်ခန်းတွေဟာ ဗိုက်ပတ်ပတ်လည်က အဆီတွေကို မလောင်ကျွမ်းစေနိုင်ပါဘူး။ ကျန်းမာရေးနဲ့ ပုံမှန် လေ့ကျင့်ခန်းလုပ်ငန်းကပဲ ဖြစ်စေမှာ ဖြစ်ပါတယ်။