ပထမဆုံးခံစားရတဲ့လက္ခဏာကတော့ အသားအရေခြောက်သွေ့ခြင်းပဲ ဖြစ်ပါတယ်။ နေရောင်ခြည်နဲ့ ထိတွေ့လေ့မရှိတဲ့ အရေပြားအစိတ်အပိုင်းတွေက ပုံမှန်ပဲရှိနေပေမယ့် နေရောင်ခြည်နဲ့ အများဆုံးထိတွေ့ရတဲ့ အသားအရေတွေကတော့ ခြောက်သွေ့အက်ကွဲပြီး အရေတွေလည်း အနည်းငယ်တွန့်နေပါလိမ့်မယ်။ ဒါ့အပြင် ယားယံတာတွေလည်း ဖြစ်စေနိုင်ပါတယ်။
နေလောင်တာကလည်း နေရောင်ကြောင့် အသားအရေထိခိုက်ရခြင်းရဲ့ လက္ခဏာတခုပဲ ဖြစ်ပါတယ်။ နေလောင်တာ သိပ်မပြင်းထန်ဘူးဆိုရင် နေလောင်ထားတဲ့နေရာမှာ နီရဲပြီးနာကျင်နေပါလိမ့်မယ်။ ဒါ့အပြင် အင်္ကျီလက်၊ ဘောင်းဘီတို၊ ရေကူးဝတ်စုံ ဒါမှမဟုတ် တခြားအဝတ်တခုခုနဲ့ အုပ်ထား၊ ကာထားတာကြောင့် နေမလောင်ဘဲရှိနေတဲ့ အရေပြားနေရာနဲ့ နေလောင်ထားတဲ့နေရာကြားက နယ်နိမိတ်ကိုအထင်အရှား မြင်နေရပါလိမ့်မယ်။
ပြင်းထန်တဲ့ နေလောင်ဒဏ်ရာတွေမှာဆိုရင် နာကျင်စေတဲ့ အရည်ကြည်ဖုတွေတောင် ထွက်လာတတ်ပြီး ပျို့အန်တာ၊ မအီမသာဖြစ်တာ ဒါမှမဟုတ် ခေါင်းမူးဝေတာမျိုးပါ ဖြစ်ပေါ်ခံစားရမှာပါ။
ဒါ့ပြင် Actinic keratosis ဆိုတဲ့ ခရမ်းလွန်ရောင်ခြည်ကြောင့် အရေပြားပျက်စီးခြင်း ပြဿနာနဲ့လည်း ရင်ဆိုင်ရနိုင်ပါတယ်။ ဒီပြဿနာဖြစ်ရင် အရေပြားပေါ်မှာ ဝက်ခြံအရွယ်အဖုလေး အရင်ထွက်လာပါမယ်။ ယားယံတာ ဒါမှမဟုတ် အနည်းငယ်မာတင်းပြီး နာနေတာမျိုးတော့ ရှားပါတယ်။ ဖြစ်ခဲပါတယ်။
ကာလကြာရှည်လာရင် သင့်အရေပြားမှာရှိတဲ့ collagen ဓာတ်တွေပြောင်းလဲသွားပါလိမ့်မယ်။ ဒီလိုပြောင်းလဲသွားတဲ့အခါ အရေးအကြောင်းတွေပေါ်လာတာ၊ အရေတွေတွန့်တာ၊ အရေပြားကြမ်းတမ်းလာတာ ဒါမှမဟုတ် နေရောင်ခြည်နဲ့ ထိတွေ့ခဲ့တဲ့နေရာတွေမှာ သွေးခြည်ဥလွယ်တာမျိုးတွေလည်း ဖြစ်လာတတ်ပါတယ်။
နေရောင်ကြောင့် အသားအရေအိုမင်းရင့်ရော်ခြင်း နဲ့ ပတ်သက်ပြီး သိထားသင့်သည်များ
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။