ဒန့်သလွန်ရွက်က အသားအရေကို ရေဓာတ်ဖြည့်ပေးပြီး အရေပြားကို ခြောက်သွေ့မှု ကင်းစေဖို့ အစိုဓာတ် ထိန်းပေးပါတယ်။ အရေပြား ခြောက်သွေ့မှု ကင်းစေပြီး အရေပြား ပိုးဝင်တာမျိုး မဖြစ်စေဖို့ ကာကွယ်ပေးပါတယ်။
နှုတ်ခမ်းသား ကျန်းမာစေတယ်
ဒန့်သလွန်ရွက်ရဲ့ နောက်ထပ် အလှအပ အကျိုးကျေးဇူး တစ်ခုက နှုတ်ခမ်းသားကို နူးညံ့စေတာပါ။ ခြောက်သွေ့တာ၊ နှုတ်ခမ်းကွဲတာမျိုးတွေ မဖြစ်စေဖို့အတွက်လည်း ဒန့်သလွန်ရွက်ကို စားပေးလို့ ရပါတယ်။ နှုတ်ခမ်းသားကို နေလောင်တာကြောင့် ပျက်စီးတာမျိုး မဖြစ်စေဖို့ ကာကွယ်ပေးပါတယ်။
ဝက်ခြံ သက်သာစေတယ်
ဒန့်သလွန်ရွက်က ဘက်တီးရီးယားတွေကို တိုက်ဖျက်ပေးနိုင်တာကြောင့် ဝက်ခြံဖြစ်တာကို သက်သာစေနိုင်ပါတယ်။ ဒန့်သလွန်ရွက်ကို အရေပြားမှာ တိုက်ရိုက် လိမ်းပေးတာက ဝက်ခြံကို သိသိသာသာ သက်သာစေပါတယ်။
ဝက်ခြံကြောင့် ဖြစ်တဲ့ အမာရွတ်တွေကို သက်သာစေဖို့လည်း ထောက်ကူပေးပါတယ်။ အရေပြားက အဆိပ်အတောက်တွေကို ဖယ်ရှားပေးပြီး ဝက်ခြံတွေ မဖြစ်စေဖို့ ကာကွယ်ပေးပါတယ်။ အသားအရေကို ကြည်လင်စေဖို့လည်း ထောက်ကူပေးပါတယ်။
ချွေးပေါက်ကျဉ်းစေတယ်
ဒန့်သလွန်ရွက်က ကော်လာဂျင် ထွက်ရှိစေတာကြောင့် အသားအရေကို တင်းရင်းစေပြီး ချွေးပေါက်ကျဉ်းစေနိုင်ပါတယ်။ အရေပြားပေါ်က အမာရွတ်တွေကို သက်သာစေနိုင်ပါတယ်။ အပူလောင်တာ၊ အရေပြားမှာ အင်ပြင်ထွက်တာ၊ နေလောင်တာ၊ ပိုးကောင်ကိုက်တာ၊ အရေပြားပိုးဝင်တာ၊ အနာတွေကိုလည်း သက်သာစေနိုင်ပါတယ်။
ဒန့်သလွန်ရွက် ကပေးတဲ့ အသားအရေ ကျန်းမာရေး
ဒန့်သလွန်ရွက်က ကျန်းမာရေးအတွက် အကျိုးများသလို အသားအရေ ကျန်းမာရေးကိုလည်း အခုလို ထောက်ကူပေးပါတယ်။
- အရွယ်တင်စေနိုင်တယ်
- အစိုဓာတ် ထိန်းပေးတယ်
- နှုတ်ခမ်းသား ကျန်းမာစေတယ်
- ဝက်ခြံ သက်သာစေတယ်
- ချွေးပေါက်ကျဉ်းစေတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။