ဒါက ကိုယ်ဝန်တားဆေးများနဲ့ သဘောတရားတူပါတယ်။ သူကတော့ ပိုပြီးအစွမ်းထက်တဲ့ အနေအထားပုံစံနဲ့ လာတာဖြစ်ပါတယ်။ မိန်းမကိုယ်တွင်း ထည့်တဲ့ ကွင်းတွေကိုတော့ ပလတ်စတစ် အပျော့စားနဲ့ ပြုလုပ်ထားပြီး သင့်ရဲ့ မိန်းမကိုယ်ထဲမှာ ၂၁ ရက် ထည့်ထားရမှာ ဖြစ်ပါတယ်။ ဒီ၂၁ ရက်ပြီးရင်တော့ ကွင်းကို ၇ ရက် လောက်ဖယ်ရှားပြီး ရာသီလာစေမှာ ဖြစ်ပါတယ်။ အဲဒီနောက်မှာ ပြန်ထည့်နိုင်ပါတယ်။
မိန်းမကိုယ်ထဲမှာ ထည့်သောကွင်းမှာ အီစထရိုဂျင်နဲ့ ပရိုဂျက်စထရုန်းလို့ ခေါ်တဲ့ ဟော်မုန်း ၂ မျိုး ပါရှိပါတယ်။ ဒီဟော်မုန်း ၂မျိုးဟာ သင့်ရဲ့ ခန္ဓာကိုယ်မှာ သားဥထုတ်လုပ်ခြင်းနဲ့ မျိုးအောင်ခြင်းကို တားဆီးပေးနိုင်ပါတယ်။ ၎င်းကိုယ်ဝန်တားနည်းကို အသုံးပြုတဲ့ အမျိုးသမီးတွေကို လေ့လာကြည့်တဲ့အခါ ဆိုးရွားတဲ့ ဘေးထွက်ဆိုးကျိုးမျိုး မရှိဘူးဆိုတာကို တွေ့ရပါတယ်။ ဒါပေမယ့် မကောင်းတဲ့ ဆိုးကျိုးတစ်ခုကတော့ လိင်မှတစ်ဆင့် ကူးစက်သော ပိုးများကို မကာကွယ်ပေးနိုင်ခြင်းပဲ ဖြစ်ပါတယ်။
ဒီလို ကိုယ်ဝန်တားပစ္စည်း ထည့်ခြင်းဟာ ကျွမ်းကျင်သူက ထည့်ပေးဖို့ လိုအပ်ပါတယ်။ ဆရာဝန်ဟာ သင့်ရဲ့လက်မောင်းမှာ ပလတ်စတစ်ပြွန် အသေးစားလေးတစ်ချောင်းကို ထည့်မြှုပ်ပါလိမ့်မယ်။ ဒီပစ္စည်းလေးဟာ သင့်ရဲ့ သွေးထဲကို ပရိုဂျက်စထရိုဂျင်တွေ ဖြည်းဖြည်းချင်းထုတ်လွှတ်ပါလိမ့်မယ်။
ဒီလို ထုတ်လွှတ်ခြင်းအားဖြင့် သင့်ရဲ့ သားဥအိမ်မှ သားဥထုတ်လုပ်ခြင်းကို ရပ်တန့်စေပါလိမ့်မယ်။ ဒီနည်းလမ်းဟာ အချိန်ကြာကြာ ကိုယ်ဝန်တားလိုသူများအတွက် ပြည့်စုံတဲ့ နည်းလမ်းတစ်ခု ဖြစ်ပါတယ်။
ဘာကြောင့်လဲ ဆိုတော့ ဒီလို လက်မောင်းတွင်းထည့်ပြီး ကိုယ်ဝန်တားတဲ့ ပစ္စည်းဟာ ၃ နှစ်ကနေ ၅နှစ်လောက် ကြာရှည်ခံတဲ့ အတွက်ကြောင့် ဖြစ်ပါတယ်။ ဒီနည်းလမ်းဟာ သိသာထင်ရှားတဲ့ ဘေးထွက်ဆိုးကျိုးများ မရှိပါဘူး။ သို့သော် ရာသီမမှန်ခြင်းတော့ ဖြစ်စေနိုင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။