မှ အချက်အလက် စစ်ဆေးထားပါသည်။ Dr. Kaung Thar
မျက်သားတက်ခြင်းကို ရေလှိုင်းစီးသမားမျက်လုံးဟုလည်း ခေါ်ပြီး မျက်ဖြူသားကိုဖုံးထားသည့် အမြှေးပါး နောက်ကျိလားသောအခြေအနေဖြစ်ပါသည်။ ၎င်းသည် အပြင်တွင်အနေများသူများ အထူးသဖြင့် ရေလှိုင်းစီးသူများတွင် အဖြစ်များသောကြောင့် ရေလှိုင်းစီးသူမျက်လုံးဟု ခေါ်ဆိုရခြင်းဖြစ်ပါသည်။
၎င်းသည် ကင်ဆာမဟုတ်ပါ။ ပန်းရောင်ရှိပြီး အနည်းငယ်ဖောင်းကြွနေကာ သွေးကြောများကိုပင် မြင်ရတတ်ပါသည်။ များသောအားဖြင့် မျက်လုံးအတွင်းထောင့်မှစတင်လာပြီးနောက် အပြင်ဖက်ဆီသို့ ပျံ့နှံ့ခြင်းဖြစ်သည်။ ထိုကြီးထွားမှုသည် သူငယ်အိမ်အားဖုံးထားသည့် မျက်ကြည်လွှာထိ ရောက်ရှိနိုင်ပါသည်။ မျက်လုံးတစ်ဖက် သို့မဟုတ် နှစ်ဖက်စလုံးတွင် ဖြစ်နိုင်ပါသည်။ နှစ်ဖက်စလုံးအား ထိခိုက်သည့်အခါ နှစ်ဖက်ဖြစ် မျက်သားတက်ခြင်း ဟုခေါ်ပါသည်။
ဒီရောဂါသည်အဖြစ်များ၏။ အသက် ၂၀ – ၄၀ အတွင်း လူငယ်များတွင်အဖြစ်များ၏ ကလေးများတွင် ရှားပါးသည်။ အမျိုးသမီးထက် အမျိုးသားများတွင် ပိုအဖြစ်များ၏။ ရောဂါဖြစ်ပွားနိုင်သော အချက်အလက်များကို လျှော့ချခြင်းအားဖြင့် စီမံနိုင်ပါသည်။ အချက်အလက်များ ထပ်မံသိရှိဖို့အတွက် ဆရာဝန်နှင့် တိုင်ပင်ဆွေးနွေးသင့်ပါသည်။
မျက်သားတက်ခြင်းသည် ပြင်းထန်သည့်လက္ခဏာများကို ပုံမှန်အားဖြင့် မပြတတ်ပါ။ မျက်စေ့ထဲတွင် တစ်ခုခုဝင်နေသလို ခံစားရမည်ဖြစ်သည်။ မျက်သားတက်ခြင်း၏ အဖြစ်များသော လက္ခဏာများမှာ များသောအားဖြင့် ပျော့ပါသည်။
ကြီးထွားမှုသည် မျက်ကြည်လွှာထိရောက်ပြီဆိုပါက အမြင်အာရုံမကောင်းမှုဖြစ်စေနိုင်ပါသည်။
အထက်တွင်ဖော်ပြထားသည့်အထဲမှာမပါဝင်သေးသော အခြားလက္ခဏာများလည်း ရှိနိုင်ပါသေးသည်။ အကယ်၍ကိုယ့်ဆီ၌ ရောဂါလက္ခဏာတစ်ခုခုများ ရှိနေမလားဆိုပြီး စိုးရိမ်နေမယ်ဆိုပါက ဆရာဝန်နှင့် ဆွေးနွေးတိုင်ပင်သင့်ပါသည်။
သင့်ဆီမှာ အထက်ဖော်ပြပါ ရောဂါလက္ခဏာတွေထဲမှ တစ်ခုခုများရှိနေမယ်ဆိုလျှင် သို့မဟုတ် မေးခွန်းတစ်ခုခုရှိနေမယ်ဆိုလျှင် ဆရာဝန်နှင့်တိုင်ပင်ဆွေးနွေးပါ။ လူတိုင်း၏ခန္ဓါကိုယ်တုံ့ပြန်မှုသည် မတူညီနိုင်ပါ။ သင့်အခြေအနေအတွက် ဘာအကောင်းဆုံးလဲဆိုတာကို သင့်ဆရာဝန်နှင့် တိုင်ပင်တာက အကောင်းဆုံးပါပဲ။
မျက်သားတက်ခြင်းဖြစ်ရသည့်အကြောင်းရင်းအား တိတိကျကျမသိရပါ။ တစ်ချို့သိပ္ပံပညာရှင်များက ၎င်းသည် နေရောင်ထိတွေ့ခြင်းမှ မျက်လုံးခြောက်သွေ့ရာကနေ ဖြစ်ရခြင်းဟု ယူဆကြပါသည်။ အပူပိုင်းဒေသ၊ ခြောက်သွေ့သော ဒေသများတွင် နေထိုင်သောသူများသည် ဤရောဂါဖြစ်နိုင်ချေ ပိုများပါသည်။
မျက်သားတက်ခြင်း ဖြစ်ပွားနိုင်ချေကိုမြင့်စေသော အကြောင်းရင်းများစွာရှိပါသည်။ ဥပမာအားဖြင့်
ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.
ဆရာဝန်သည် မျက်လုံးတွင်ကြီးထွားနေသောအရာကို ကြည့်ရုံဖြင့် မျက်သားတက်ခြင်းအား အတည်ပြုနိုင်ပါသည်။ များသောအားဖြင့် အထူးစစ်ဆေးချက်များကို မလိုအပ်တတ်ပါ။ လိုအပ်သည်ဟု ဆရာဝန်မှယူဆလျှင် အောက်ပါတို့ကို စစ်ဆေးခိုင်းပါလိမ့်မည်။
Photo documentation လုပ်ရာတွင် မျက်သားတက်ခြင်းကြီးထွားနှုန်းအားသိစေရန် ဓါတ်ပုံမရိုက်ခင်နှင့် ရိုက်ပြီးအခြေအနများအား မှတ်သားခြင်းဖြစ်ပါသည်။
မျက်သားတက်ခြင်း၏ လက္ခဏာများမှာ မဆိုးဝါးလျှင် များသောအားဖြင့် ကုသရန်မလိုတတ်ပါ။ အကယ်၍ မျက်သားတက်ခြင်းလက္ခဏာများသည် မသက်မသက်ဖြစ်လာပါက အောက်ပါတို့နှင့် လျော့ချနိုင်ပါသည်။
မျက်စဉ်းများ ဆီပါဆေးများနှင့် မသက်သာလျှင် မျက်သားတက်ခြင်းအား ခွဲထုတ်ရန် ဆရာဝန်မှ ညွှန်ပါလိမ့်မည်။ ခွဲစိတ်ခြင်းကို တက်နေသောမျက်သာအား အလှအပကို ထိခိုက်နေသောကြောင့်ဖြစ်စေ အမြင်ကိုကွယ်နေသောကြောင့်ဖြစ်စေ ပြုလုပ်နိုင်ပါသည်။ သို့သော် ခွဲစိတ်ပြီးနောက် ပြန်ဖြစ်နိုင်ချေရှိသလို ပိုပြီးဆိုးဝါးနိုင်ချေလည်း ရှိပါသည်။ နောက်ပိုင်းတွင် ခြောက်သွေ့ကျိန်းစပ်နေသလိုလည်း ခံစားရနိုင်ပါသည်။ အောက်ပါတို့ဖြစ်နေလျှင် ခွဲစိတ်ရန်ဆရာဝန်နှင့် တိုင်ပင်ကြည့်ပါ
မျက်သားတက်ခြင်းအား ခွဲစိတ်ကုသမှုသည် ၃၀ – ၄၅ မိနစ်ထိ ကြာတတ်ပါသည်။ ခွဲစိတ်နေစဉ်တွင် တက်နေသောမျက်သားဖယ်ရှားပြီး မျက်ခွံအတွင်းသား သို့မဟုတ် ထိန်းသိမ်းထားသည့် ရေမွှာအမြှေး၊ အချင်း စသည်တို့ကိုသုံးပြီး ချိုင့်သွားသည့်နေရာတွင် အစားထိုးပါလိမ့်မည်။ ဖယ်ထားသည့်နေရာအား အစားမထိုးလျှင် ပြန်ဖြစ်နိုင်ချေ ၅၀%ထိ များသွားပြီး အစားထိုးပါက ဖြစ်နိုင်ချေ ၅-၁၀% ထိ လျော့ချပေးနိုင်ပါသည်။
လူနေမှုပုံစံပြောင်းလဲခြင်းနဲ့ အိမ်သုံးကုထုံးတွေအသုံးပြုခြင်းက မျက်သားတက်ခြင်း ကို ကုသရာမှာ ဘယ်လိုအထောက်အကူပြုနိုင်မလဲ။
အောက်ဖော်ပြပါ လူနေမှုပုံစံများနှင့် အိမ်သုံးကုထုံးများက သင့်အနေဖြင့် မျက်သားတက်ခြင်း ကိုကုသတဲ့နေရာနှင့် လိုက်လျောညီထွေဖြစ်အောင်နေသောနေရာများတွင် အကူအညီပေးနိုင်ပါသည်။
အကယ်၍သင့်မှာ မေးခွန်းတွေရှိမယ်ဆိုလျှင် သင့်အတွက်သင့်တော်သော အဖြေရှာဖွေနိုင်ဖို့ ဆရာဝန်နှင့်ဆွေးနွေးတိုင်ပင်သင့်ပါသည်။
Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Dr. Kaung Thar
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။