မှ အချက်အလက် စစ်ဆေးထားပါသည်။ Dr. Kaung Thar
လူအများစုသည် ကိုယ်အတွင်းဘက်တွင် သွေးယိုခြင်းကို ခန္ဓါကိုယ် အပြင်ဘက်တွင် မမြင်ရသော သွေးထွက်ခြင်းအဖြစ်နားလည်ထားသော်လည်း ကျန်းမာရေးစောင့်ရှောက်သူများအတွက်မူ သွေးထွက်သည့် နေရာအတိအကျကို ဖော်ပြနိုင်သော စကားလုံးများကို ပိုသုံးလေ့ရှိကြသည်။
ကိုယ်အတွင်းဘက်တွင် သွေးယိုခြင်းသည် ကိုယ်တွင်းရှိ တစ်သျူးများ၊ အဂါၤများ သို့မဟုတ် ခေါင်း၊ အာရုံကြောမ နေရာ၊ နှင့် ဝမ်းဗိုက်ကဲ့သို့သော ကိုယ်တွင်း ဝမ်းခေါင်းထဲတွင် သွေးယိုစီးခြင်းဖြစ်သည်။
ကိုယ်တွင်းသွေးယိုခြင်းသည် ခွဲခြားရန်ခက်ခဲပြီး စထွက်သည်မှအချိန်ကြာလာသည်အထိ မသိသာတတ်ပေ။ လက္ခဏာများသည် သွေးအများကြီး ဆုံးရှုံးသည့်အခါ သို့မဟုတ် သွေးခဲများက အဂါၤတစ်ခုခုကို ဖိသဖြင့် ကောင်းစွာ အလုပ်မလုပ်နိုင်သည့်အခါတွင် သိသာလာလေ့ရှိသည်။
လတ်တလော လေ့လာမှုများအရ ကိုယ်တွင်းသွေးယိုသော လူများ ပိုများလာသည်ကိုတွေ့ရသည်။ အထူးသဖြင့် ယာဉ်မတော်တဆမှုများကြောင့်ဖြစ်သည်။ သို့သော် ဖြစ်နိုင်ချေများစေသော အချက်များကို လျော့ချခြင်းဖြင့် ၎င်းကို ထိန်းချုပ်နိုင်သည်။ ပိုမိုသိရှိနိုင်ရန် သင့်ဆရာဝန်နှင့် တိုင်ပင်ဆွေးနွေးပါ။
ရောဂါလက္ဓဏာသည် သွေးထွက်သည့်နေရာ၊ သွေးမည်မျှထွက်သည်နှင့် မည်သည့် အဂါၤများ ထိခိုက်ထားသည့်ပေါ်တွင် မူတည်ပြီး ကွဲပြားသည်။
စောစီးစွာ သိရှိခြင်းနှင့် ကုသခြင်းသည် အခြေအနေကို ပိုဆိုးမလာစေရန်၊ အရေးပေါ်အခြေအနေမရောက်စေရန် ကာကွယ်ပေးသည်။ ထို့ကြောင့် ပြင်းထန်သော အခြေအနေမရောက်ခင် သင့်ဆရာဝန်နှင့် တိုင်ပင်ဆွေးနွေးပါ။
သင့်တွင် အထက်ပါ လက္ခဏာများရှိလျှင် ဆရာဝန်နှင့် ပြသပါ။ လူများသည်တစ်ယောက်တစ်ယောက် တုံ့ပြန်မှုမတူညီသောကြောင့် သင့်အခြေအနေအတွက် အကောင်းဆုံး ဖြစ်သောကုသမှုကို ရရန် သင့်ဆရာဝန်နှင့် တိုင်ပင်ပါ။
သွေးထွက်ခြင်းသည် ထိခိုက်ဒဏ်ရာရခြင်းကြောင့် အများဆုံးဖြစ်ပြီး၊ အခြေအနေပေါ်တွင်လည်းမူတည်သည်။ သွေးထွက်ခြင်းကို ဖြစ်စေနိုင်သော အင်အားကို မည်မျှသုံးလိုက်သည် ပေါ်တွင်လည်း မူတည်သည်။ အချို့လူများသည် ထိခိုက်ဒဏ်ရာမရှိပဲ အလိုလျောက် သွေးထွက်တတ်သည်။
၎င်းကို ဖြစ်စေနိုင်သော အကြောင်းများစွာတွင် အောက်ပါတို့ပါဝင်သည်။
– စီးကရက်သောက်ခြင်း
– အရက်အသောက်များခြင်း
ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.
ရောဂါရှာခြင်းသည် သင့်ကို ရောဂါရာဇဝင်မေးမြန်းခြင်းနှင့် စတင်သည်။ ထို့နောက် စမ်းသပ်စစ်ဆေးပြီး မည်သည့် နေရာတွင် သွေးထွက်သည်ကို ရှာဖွေရသည်။
သွေးစစ်ခြင်းကို သွေးအားနည်းခြင်းကို သိနိုင်ရန် စစ်သည်။ သို့သော် သွေးထွက်ခြင်းသည် အလွန်မြန်လျှင် အစပိုင်းတွင်သွေးနီဥသည် ပုံမှန်ပင်ရှိလိမ့်မည်။
ဓါတ်မှန်ရိုက်ခြင်းသည် အထဲရှိ သွေးထွက်သည့်နေရာကို သိရန်ဖြစ်သည်။ CT scan, MRI, endoscopy နှင့် colonoscopy တို့ကို သုံးကြသည်။
အစပိုင်းတွင် ကုသမှုတွင် မည်သည့်လူနာမဆို အသက်ရှူလမ်းကြောင်း၊ အသက်ရှုနှုန်းနှင့် သွေးစီးဆင်းမှုကို စစ်ဆေးပြီး သေချာစေရန် စစ်ဆေးရသည်။
သွေးထွက်သည့် နေရာနှင့် အခြေအနေပေါ်မူတည်ပြီး ကုသမှုများ ကွဲပြားနိုင်သည်။ အခြေခံသည် သွေးထွက်ခြင်းကို ခွဲခြမ်းစိတ်ဖြာပြီး အရင်းမမြစ်တွင် သွေးထွက်ခြင်းကိ ုရပ်တန့်ရန်ဖြစ်သည်။ သွေးထွက်စေသော နေရာတွင် ထိခိုက်ပျက်စီးခြင်းကို ပြုပြင်ပေးရမည်။
ထိုသို့ဖြစ်ခြင်းကို သက်သာစေနိုင်သော အိမ်တွင်းကုထုံးများ သို့မဟုတ် နေထိုင်မှုပုံစံပြောင်းလဲနည်းများ ရှိပါသလား။
-ကိုယ်တွင်းသွေးယိုခြင်းဖြစ်လျှင် လူနာသည် သွေးလန့်သည့် လက္ခဏာနှင့်လာပြီး အရေးပေါ်ဆေးကုသခြင်းကို လိုအပ်နိုင်သည်။ လူနာသည် ပက်လက်လှဲနေရန်လိုအပ်ပြီး ခြေထောက်ကို မြှောက်ထားရန်လိုသည်။
သို့သော် ထိခိုက်ဒဏ်ရာရခြင်းကြောင့်သွေးယိုလျှင် လည်ပင်း သို့မဟုတ် ခါးဆစ်ရိုးကို ထိခိုက်နိုင်သည့်အတွက် အရေးပေါ်ဆရာဝန်မှ မစမ်းသပ်ခင် လူနာကိ ုမရွှေ့သင့်ပါ။
လူနာတွင် လေဖြတ်သည့်လက္ခဏာရှိလျှင် ဦးနှောက် လုပ်ဆောင်ချက်များကျဆင်းခြင်းသည် ဦးနှောက်ထဲတွင်သွေးယိုခြင်းကြောင့်ဖြစ်ခြင်းနှင့် သွေးကြောပိတ်ဆို့ခြင်းကြောင့် ဖြစ်ခြင်းကို မခွဲခြားနိုင်သောကြောင့် အရေးပေါ်စစ်ဆေးကုသမှုများလိုအပ်သည်။
-သင့်တွင် မေးမြန်းလိုသည်များ ရှိပါက သင့်အတွက် အကောင်းဆုံး အဖြေကို ရရှိနိုင်ရန် သင့်ဆရာဝန်နှင့် တိုင်ပင်ဆွေးနွေးပါ။
Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Dr. Kaung Thar
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။