လက်ရှိမှာ ကိရိယာသစ်ရဲ့ရလဒ်တိကျမှန်ကန်မှုကတော့ ၉၆ ရာခိုင်နှုန်းကျော်တယ်လို့ စမ်းသပ်စစ်ဆေးမှုတွေအရဖော်ပြခဲ့ပါတယ်။
အခုအသုံးပြုနေတဲ့နည်းလမ်းမှာဆို ကင်ဆာခွဲစိတ်ဆရာဝန်တွေက ခွဲစိတ်မှုအတွင်း အကျိတ်တွေအားလုံးဖယ်ထုတ်ပြီးမပြီးသေချာစေဖို့ တစ်ရှူးနမူနာတွေကိုဆေးရုံတွင်းဓါတ်ခွဲခန်းတွေဆီပေးပို့ရပါတယ်။ စစ်ဆေးမှုက အလွန်ဆုံး အချိန်နာရီဝက်လောက်ကြာမြင့်တတ်ပြီး ရလဒ်မသိရမီအချိန်အတွင်းမှာ လူနာကိုခွဲခန်းကုတင်မှာမေ့ဆေးပေးထားရတာဖြစ်ပါတယ်။
တခါသုံးဖြစ်တဲ့ ကိရိယာသစ်မှာပါးလွှာတဲ့ပြွန်ငယ်တစ်ခုကို mass spectrometer တစ်ခုနဲ့ချိတ်ဆက်ထားပြီးmass spectrometer က ဓါတုမော်လီကျူးတွေနဲ့မော်လီကျူးအစုတွေကို ခွဲခြမ်းစိတ်ဖြာစစ်ဆေးတာဖြစ်ပါတယ်။
ဆရာဝန်တွေက ခွဲခန်းထဲမှာ လူနာရဲ့ခန္ဓါကိုယ်တစ်ရှူးပေါ်မှာ ကိရိယာထိပ်ကို တင်လိုက်တဲ့အခါ ကိရိယာကရေစက်လေးတစ်စက် အမြန်ထွက်လာပြီး ချက်ချင်းကိုပြန်စုပ်ယူသွားတာဖြစ်ပါတယ်။ရေစက်လေးက တစ်ရှူးပေါ်မှာ ၃ စက္ကန့်သာတင်ခဲ့ပါတယ်။ ဒီအချိန်လေးအတွင်းမှာပဲရေစက်လေးက တစ်ရှူးဆီကနေမော်လီကျူးတွေကို စုပ်ယူသွားခဲ့တာပါ။
မော်လီကျူးအများစုကရေမှာပျော်ဝင်လွယ်တာကြောင့် ကိရိယာက လွယ်လွယ်လေးနဲ့မော်လီကျူးတွေရရှိသွားပြီးmass spectrometer ဆီကို ရောက်ရှိသွားပါတယ်။mass spectrometer ကမှမော်လီကျူးတွေ ပုံမှန်ဖြစ်မဖြစ်၊ ကင်ဆာဖြစ်မဖြစ်ကို ဆုံးဖြတ်ပေးတာဖြစ်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။