ဓာတုပစ္စည်းတွေ အများကြီး ပါတဲ့အတွက် ခြင်ဆေးတွေများက ကျန်းမာရေးကို ထိခိုက်နိုင်သလားဆိုတာကတော့ မေးသင့်တဲ့ မေးခွန်းပါပဲ။
အကြမ်းအားဖြင့်တော့ ခြင်ဆေးခွေမှာပါတဲ့ ဓာတုပစ္စည်းတွေက စိတ်ချရပါတယ်။ ဒါပေမဲ့ ဒါကို မီးရှို့လိုက်တဲ့အခါ ထွက်လာမဲ့ အမှုန်အမွှားတွေ၊ အငွေ့တွေကတော့ ကျန်းမာရေး ထိခိုက်မှု ရှိနိုင်ပါတယ်။
လေ့လာချက်တွေအရ ခြင်ဆေးခွေ တစ်ခွေ ထွန်းလိုက်လို့ ထွက်လာတဲ့ အမှုန်အမွှားတွေ၊ အငွေ့တွေက ဆေးလိပ် ၇၅လိပ်ကနေ ၁၃၇လိပ်ကို ရှို့လိုက်တာနဲ့ အလားတူပါတယ်တဲ့။
ခြင်ဆေးခွေတွေက ကျန်းမာရေး ထိခိုက်နိုင်တယ်လို့ ပြောကြပေမယ့် ဘယ်လောက်ကြာကြာ ရှူရင် ထိခိုက်မှာလဲ။ ဘယ်လောက်များများ ရှူမှလဲ။ ရေရှည်မှာ ဆေးလိပ်လိုမျိုး အဆုတ်ကင်ဆာ ဖြစ်နိုင်မှာလားဆိုတာကိုတော့ မသိရသေးပါဘူး။
ဒါ့ပြင် လူတချို့ကလည်း ခြင်ဆေးငွေ့ကို ကြာကြာရှူမိတဲ့အခါ ခေါင်းကိုက်တာ၊ အသက်ရှူမဝသလို ခံစားရတာ၊ ပန်းနာရင်ကျပ်ထတာ၊ အရေပြားယားယံတာတွေ ဖြစ်တယ်လို့ ဆိုကြပါတယ်။ ဒါက ခြင်ဆေးခွေကြောင့်လား၊ ကိုယ့်ရဲ့ ရောဂါ အခံကြောင့်လားဆိုတာ ပြောဖို့ ခက်ပါသေးတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။