backup og meta

ဆရာဝန်မှ ရင်သားအား ကိုင်တွယ်စမ်းသပ်ခြင်း


Dr.Nyan Linn မှ ရေးသားသည်။ · 11/05/2020 တွင် အသစ်ဖြည့်စွက်ခဲ့သည်။

    ဆရာဝန်မှ ရင်သားအား ကိုင်တွယ်စမ်းသပ်ခြင်း

    ရင်သားအားကိုင်တွယ်ကြည့်ရှူစစ်ဆေးခြင်းအား အမျိုးသမီးတိုင်းသည် အိမ်မှာ မိမိဘာသာပြုလုပ်နိုင်သော်လည်းဆရာဝန်တစ်ယောက်၏

    ရင်သားစစ်ဆေးမှုမှာ ဆေးပညာအရ ရင်သားအားကိုင်တွယ်ကြည့်ရှူစစ်ဆေးခြင်းဟုခေါ်ပြီး ကျန်းမာရေးကျွမ်းကျင်ပညာရှင်တစ်ဦးမှသာပြုလုပ်နိုင်သည်။

    ထိုဆရာဝန်သည် ပုံမှန်မဟုတ်သောရင်သား၏ရောဂါ သတိပေးလက္ခဏာရပ်များကိုသိရှိနိုင်ရန်လည်းလေ့ကျင့်သင်ကြားခံထားရသူဖြစ်သည်။

    ထိုရင်သားစမ်းသပ်စစ်ဆေးခြင်းသည် ရင်သားကင်ဆာကို စောစီးစွာစမ်းသပ်တွေ့ရှိနိုင်ရန်အရေးကြီးသည်။

    မိန်းမတိုင်းသည် အမျိုးသမီးအထူးကုဆရာဝန်မှ ဖြစ်စေ မိသားစုဆရာဝန်မှဖြစ်စေ ထိုစစ်ဆေးမှုကို 1နှစ်(သို့)3နှစ်တိုင်း အသက်20မှ စ၍ခံယူသင့်ပြီး အသက်လေးဆယ်နှင့်အထက်ဖြစ်ပါက တစ်နှစ်တစ်ကြိမ်ခံယူသင့်ပါသည်။

    ဆရာဝန်မှပြုလုပ်ပေးသောရင်သားကိုင်တွယ်ကြည့်ရှူစစ်ဆေးခြင်းအားမည်သည့်အချိန်တွင် ပြင်ဆင်ထားရမည်နည်း။

    ရင်သားကိုင်တွယ်ကြည့်ရှူစစ်ဆေးခြင်းဖြင့် အကျိတ်လုံးအများစုကို တွေ့ရှိသွားနိုင်သော်လည်း အတွေ့ကြုံရှိဆရာဝန်၏စမ်းသပ်မှုမှတဆင့်သာ

    လူနာမှ မဖော်ပြထားသော သံသယရှိနိုင်သည့် ရောဂါနေရာနှင့် လက္ခဏာရပ်များကိုတွေ့ရှိနိုင်သည်။ အောက်ပါ အခြေအနေများတွေ့ရှိရပါက သင်သည် သင်၏ဆရာဝန်ကို ရင်သားစစ်ဆေးဖို့ပြင်ဆင်ပေးရန် အကြောင်းကြားသင့်ပါသည်။

    သင်၏ရင်သားတွင် အကျိတ်တခုခုပေါ်လာခြင်း (သို့)ပြောင်းလဲမှုတခုခုဖြစ်နေခြင်း ဥပမာ ပုံစံပြောင်းနေခြင်း(သို့)နို့မှ ပုံမှန်မဟုတ်သော

    အရည်များထွက်နေခြင်း၊နို့သီးခေါင်းများချိုင့်ဝင်နေခြင်း။

    (အချို့မိန်းမများတွင် နဂိုကတည်းက နို့သီးခေါင်းချိုင့်ဝင်နေတတ်ပြီး ထိုအရာမှာ ပုံမှန်ဖြစ်သည်။ သို့သော်သင်၏နို့သီးခေါင်းများတွင် နဂိုပုံမဟုတ်ပဲပြောင်းလဲမှုရှိပါက သင်၏ဆရာဝန်ကိုပြောပါ။)

    သင်၏ရာသီကြောင့်မဟုတ်ပဲရင်သားတစ်ဖက် (သို့) နှစ်ဖက်လုံးတွင် နာကျင်ခြင်း၊ကိုယ်ဝန်ရှိနေခြင်း၊နို့တိုက်ရခြင်း၊ရင်သား

    အစားထိုးထားခြင်း၊ရင်သား၏အသားစအားထုတ်ယူစစ်ဆေးထားရခြင်း၊ရင်သားကင်ဆာမျိုးရိုးရှိခြင်း စသည်ဖြင့် ဖြစ်ကြသည်။

    ရင်သားအားစစ်ဆေးရန်အကောင်းဆုံးအချိန်မှာ သင်၏ရာသီပြီးပြီးချင်း 1ပတ်2ပတ်အကြာတွင်သာဖြစ်သည်။ အဘယ်ကြောင့်ဆိုသော် သင်ရာသီလာနေစဉ်အတွင်းတွင် ရင်သားများသည် နာကျင်ရောင်ရမ်းနေနိုင်၍ဖြစ်သည်။

    ရင်သားကိုင်တွယ်ကြည့်ရှူစစ်ဆေးခြင်းမှာ ဘာတွေပါသလဲ။

    စမ်းသပ်မှုမစခင်တွင် သင်၏ဆရာဝန်သည် ရာသီရက်များနှင့် ကိုယ်ဝန်ရှိမရှိ အပါအဝင်သင်၏ရောဂါရာဇဝင်နှင့် ပတ်သတ်သည့်သတင်းအချက်အလက်များကို မေးမြန်းတတ်သည်။

    စမ်းသပ်မှုပြုလုပ်ရန်ခါးအထိသင်သည် အဝတ်အစားချွတ်ထားရပြီး စစ်ဆေးစဉ်တွင် သင်၏ဆရာဝန်သည် သင်၏ရင်သားပုံစံနှင့်အရွယ်အစား၊

    ပုံသဏာန်တို့ပြောင်းလဲမှု(သို့)ညီညာမှုရှိမရှိတို့ကိုလေ့လာရှာဖွေစစ်ဆေးတတ်သည်။ အချို့သောကိုယ်နေဟန်ထားများကိုလည်း လုပ်ခိုင်းတတ်သည်။

    ဥပမာ လက်နောက်ပစ်ပြီး ခါးကိုင်းခိုင်းခြင်း၊လက်မြှောက်ခိုင်းခြင်း၊ခါးထောက်ခိုင်းခြင်းစသည်ဖြင့်ဖြစ်သည်။

    ထိုသို့ပြုလုပ်ခြင်းသည် ရင်သားများ၏ကွဲပြားနေမှုပုံစံများကို ဆရာဝန်များအားပိုမိုမြင်သာစေသောကြောင့်ဖြစ်သည်။ ရင်သား၏အရေပြားတွင်လည်း ပုံမှန်မဟုတ်သောအရာများ၊ချိုင့်ဝင်ခြင်းနှင့် အနီကွက်များ၊အနာများရှိမရှိကိုစစ်ဆေးရသည်။ သင်၏ဆရာဝန်သည် နို့သီးခေါင်းကိုညှစ်ကာနို့မှ အရည်များထွက်မထွက်ကိုလည်းစစ်ဆေးတတ်သည်။ အကယ်၍အရည်ထွက်ပါက ထွက်လာသည့်အရည်ကို အနုကြည့်မှန်ပြောင်းအောက်စစ်ဆေးရန် အရည်နမူနာယူထားတတ်သည်။ စစ်ဆေးမှုအပြီးတွင် မည်သို့မိမိရင်သားအားကြည့်ရှူစစ်ဆေးရမည်နှင့် ထိုအလေ့အကျင့်ရှိရန် ကိုလည်း သင်ကြားပေးခံရနိုင်သည်။

    သင်၏ရင်သားများကိုထိလျှင်နာကျင်မှုရှိမနေပါက ပုံမှန်အားဖြင့် ရင်သားကိုင်တွယ်ကြည့်ရှူစစ်ဆေးခြင်းသည် သင့်အားနေမထိထိုင်မသာမဖြစ်စေပါ။ ပို၍ပြောရလျှင်ထိုသို့ရင်သားစစ်ဆေးခြင်းသည်မည်သည့်ဘေးဥပဒ်ကို မှမဖြစ်စေနိုင်ပါ။

    ဆရာဝန်၏ ရင်သားကိုင်တွယ်ကြည့်ရှူစစ်ဆေးခြင်းသည် ပြင်းထန်သည့် ရင်သားကင်ဆာကဲ့သို့သော ရောဂါများ၏ လက္ခဏာဖြစ်သည့်

    အကြိတ်(သို့)ရင်သား၏ပြောင်းလဲမှုများကိုတွေ့ရှိရန်ကူညီနိုင်ပြီး အခြားသော ကုသရန်လိုအပ်သည့် ရင်သားရောဂါများကိုလည်း စမ်းသပ်သိရှိနိုင်ပါသည်။

    ဥပမာ ရင်သားရောင်ရမ်းရောဂါ(သို့)Fibroadenomaရောဂါတို့ဖြစ်သည်။

    မသက်ဆိုင်ကြောင်း ရှင်းလင်းချက်

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။


    Dr.Nyan Linn မှ ရေးသားသည်။ · 11/05/2020 တွင် အသစ်ဖြည့်စွက်ခဲ့သည်။

    advertisement iconadvertisement

    ဤဆောင်းပါးက အကူအညီဖြစ်ပါသလား။

    advertisement iconadvertisement
    advertisement iconadvertisement